ರಾಯಚೂರು/ಲಿಂಗಸುಗೂರು : ತಾಲೂಕು ಕೇಂದ್ರ ಮತ್ತು ಸುತ್ತಲ ಗ್ರಾಮೀಣ ಪ್ರದೇಶಗಳಲ್ಲಿ ಲಾಕ್ಡೌನ್ ಮಧ್ಯೆಯಊ ಅಹೋರಾತ್ರಿ ಅಕ್ರಮ ಮರಳು ಸಾಗಣೆಗೆ ನಾಗರಿಕರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಕೊರೊನಾ ಲಾಕ್ಡೌನ್ ಹಿನ್ನೆಲೆ ಶನಿವಾರ ರಾತ್ರಿ 8ರಿಂದ ಸೋಮವಾರ ಬೆಳಗಿನ ಜಾವ 5ರವರೆಗೆ ನಿಷೇಧಾಜ್ಞೆ ಹೊರಡಿಸಲಾಗಿದೆ. ಆದರೆ, ದೇವದುರ್ಗ ತಾಲೂಕು ಕೃಷ್ಣಾ ನದಿಯಿಂದ ಮರಳು ಸಾಗಣೆ ಮಾಡುವ ಅಕ್ರಮ ಮರಳು ಟಿಪ್ಪರ್ಗಳು ರಾಜಾರೋಷವಾಗಿ ತಿರುಗಾಟ ನಡೆಸಿವೆ. ಪೊಲೀಸರು ನೋಡಿಯಊ ನೋಡದಂತೆ ಕರ್ತವ್ಯ ಮರೆತು ಸುಮ್ಮನಿದ್ದಾರೆಂಬ ಆರೋಪ ಕೇಳಿ ಬಂದಿದೆ.
ಲಾಕ್ಡೌನ್ ಇದ್ದರು ಕೆಲವುರು ಔಷಧಿ ತರಲು, ಇಲಾಖೆ ಕರ್ತವ್ಯಕ್ಕೆ ಹೋಗುತ್ತಿದ್ದೇವೆ ಎಂಬಿತ್ಯಾದಿ ಕಾರಣ ಹೇಳಿದ್ರು. ಮಾಸ್ಕ್ ಹಾಕದಿರುವ ಜನರಿಗೆ ದಂಡ ವಿಧಿಸಿ ಕೆಲವರನ್ನು ಪೊಲೀಸರು ಠಾಣೆಗೆ ಕರೆದೊಯ್ದರು. ಒಂದು ತಿಂಗಳಿಂದ ಇಲಾಖೆಯೊಂದರ ಹೆಸರು ಹೇಳಿ ಅಹೋರಾತ್ರಿ ಅಕ್ರಮ ಮರಳು ಸಾಗಣೆ ಮಾಡುವ ಟಿಪ್ಪರ್, ಟ್ರ್ಯಾಕ್ಟರ್ಗಳಿಗೆ ಕಡಿವಾಣ ಹಾಕಬೇಕು. ಅನುಮತಿ ಪಡೆದು ರಾಜಸ್ವ ಹಣ ಪಾವತಿಸಿ ಕಡಿಮೆ ದರದಲ್ಲಿ ಮರಳು ಸಾಗಣೆ ಮಾಡಲು ಜಿಲ್ಲಾಡಳಿತ ಮುಂದಾಗಬೇಕು ಎಂದು ಪ್ರಗತಿಪರ ಸಂಘಟನೆಗಳ ಮುಖಂಡರು ಒತ್ತಾಯಿಸಿದ್ದಾರೆ.
