ಸಂತ್ರಸ್ತೆ ಯಾರ ಜೊತೆಯೂ ಮಾತನಾಡುವ ಸ್ಥಿತಿಯಲ್ಲಿಲ್ಲ: ಸಚಿವೆ ಶಶಿಕಲಾ ಜೊಲ್ಲೆ

ಮೈಸೂರು : ಅತ್ಯಾಚಾರ ಸಂತ್ರಸ್ತೆ ನಾನು ಇನ್ನೂ ಎರಡು ದಿನ ಯಾರ ಜೊತೆಯೂ ಮಾತಾಡುವ ಸ್ಥಿತಿಯಲ್ಲಿ ಇಲ್ಲ ಎಂದು ಹೇಳಿದ್ದಾರೆ. ಹೀಗಾಗಿ, ಅವರನ್ನು ಮಾತನಾಡಿಸಲು ಹೋಗಿಲ್ಲ ಎಂದು ಮುಜರಾಯಿ, ವಕ್ಫ್​​ ಹಾಗೂ ಹಜ್ ಖಾತೆ ಸಚಿವೆ ಶಶಿಕಲಾ ಜೊಲ್ಲೆ ಹೇಳಿದ್ದಾರೆ.

ಚಾಮುಂಡಿಬೆಟ್ಟದ ತಪ್ಪಲಿನಲ್ಲಿರುವ ಲಲಿತಾದ್ರಿಪುರಂ ನಿರ್ಜನ ಪ್ರದೇಶದಲ್ಲಿ ಯುವತಿ ಮೇಲೆ ನಡೆದ ಸಾಮೂಹಿಕ ಅತ್ಯಾಚಾರ ಘಟನಾ ಸ್ಥಳಕ್ಕೆ ಭೇಟಿ ನೀಡಿದ್ದರು. ನಂತರ ಮಾತನಾಡಿದ ಅವರು, ಬೇರೆ ಸರ್ಕಾರಗಳು ಇದ್ದಾಗಲೂ ಈ ರೀತಿ ಕೇಸ್ ಆಗಿವೆ. ನಮ್ಮ ಸರ್ಕಾರ ಈ ಕೇಸ್ ಅನ್ನು ಗಂಭೀರವಾಗಿ ಪರಿಗಣಿಸಿದೆ. ಶೀಘ್ರವೇ ತಪ್ಪಿತಸ್ಥರಿಗೆ ಶಿಕ್ಷೆ ಆಗುತ್ತದೆ ಎಂದರು.

ಆಕೆಯ ಆರೋಗ್ಯ ಸ್ಥಿತಿ ಸ್ಥಿರವಾಗಿದ್ದು, ಮಧ್ಯಾಹ್ನದಿಂದ ಊಟ ಮಾಡುತ್ತಿದ್ದಾಳೆ. ನನಗೆ ಎರಡು - ಮೂರು ದಿನ ವಿಶ್ರಾಂತಿ ಬೇಕು. ಆವರೆಗೆ ನಾನು ಯಾರ ಜತೆಯೂ ಮಾತಾಡಲ್ಲ ಎಂದಿದ್ದಾಳೆ ಎಂದು ಜೊಲ್ಲೆ ಹೇಳಿದರು. ಪೋಷಕರು ಅದೇ ಮಾತನ್ನು ಹೇಳಿದ್ದಾರೆ ಎಂದು ತಿಳಿಸಿದರು.