ಜಂಬೂಸವಾರಿ ಸ್ಥಬ್ದ ಚಿತ್ರದಲ್ಲಿ ಮೋದಿ ಆಕಾಂಕ್ಷೆಯ 6 ಯೋಜನೆಗಳ ಅನಾವರಣ, 'ನೆರೆ' ಹೊರೆಯ ಮೇಲೂ ಬೆಳಕು

ಮೈಸೂರು: ನಾಡಹಬ್ಬ ದಸರಾ ಮಹೋತ್ಸವದ ಪ್ರಯುಕ್ತ ರಾಜ್ಯದ ಎಲ್ಲಾ ಜಿಲ್ಲೆಗಳಿಂದ ಆಯಾ ಜಿಲ್ಲೆಯ ಪರಂಪರೆ ಹಾಗೂ ವೈವಿಧ್ಯತೆ ಅನಾವರಣಗೊಳಿಸುವ ಮತ್ತು ಸರ್ಕಾರದ ಜನಪರ ಯೋಜನೆಗಳನ್ನು ಜನರಿಗೆ ತಿಳಿಸುವ ಒಟ್ಟು 39 ಸ್ತಬ್ಧಚಿತ್ರಗಳು ಈ ಬಾರಿ ಮೆರವಣಿಗೆಯಲ್ಲಿ ಹೊರಡಲಿವೆ.

ಜಿಲ್ಲಾ ಪಂಚಾಯತ್‍ನ ಡಿ.ದೇವರಾಜ ಅರಸು ಸಭಾಂಗಣದಲ್ಲಿ ನಡೆದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಸ್ಥಬ್ದಚಿತ್ರ ಉಪಸಮಿತಿಯ ಅಧ್ಯಕ್ಷ ಮುರುಳಿ, ಕಳೆದ ಬಾರಿಗಿಂತ ಈ ಬಾರಿ ವಿಶೇಷವಾದ ಸ್ತಬ್ಧಚಿತ್ರಗಳು ಮೂಡಿ ಬರಲಿವೆ. ಅಂಬಾರಿ ಮೆರವಣಿಗೆಗೆ ಯಾವುದೇ ಅಡಚಣೆಯಾಗಬಾರದು ಎಂಬ ದೃಷ್ಟಿಯಿಂದ ಈ ಬಾರಿ 39 ಸ್ಥಬ್ಧಚಿತ್ರಗಳನ್ನು ಅಂತಿಮಗೊಳಿಸಲಾಗಿದೆ ಎಂದು ತಿಳಿಸಿದರು.

ವಿಶೇಷವಾಗಿ ಐತಿಹಾಸಿಕ ಹಿನ್ನೆಲೆ, ಕಲೆ, ವಾಸ್ತುಶಿಲ್ಪ ಮತ್ತು ಸಂಸ್ಕೃತಿ, ಪರಿಸರ, ಅರಣ್ಯೀಕರಣ, ಅಂತರ್ಜಲ, ನೆರೆ-ಬರ, ಚಂದ್ರಯಾನ, ಸಂವಿಧಾನ, ಸಾಮಾಜಿಕ ನ್ಯಾಯ ಹಾಗೂ ಸಮಾನತೆ ಕುರಿತು ಬಿಂಬಿಸುವ ಸ್ಥಬ್ಧಚಿತ್ರಗಳು ನಗರದ ಎಪಿಎಂಸಿ ಆವರಣದಲ್ಲಿ ತಯಾರಾಗುತ್ತಿವೆ. ಕಲಾವಿದರಿಗೆ ಎಲ್ಲ ರೀತಿಯ ಸೌಲಭ್ಯ ಒದಗಿಸಲಾಗಿದೆ ಎಂದು ತಿಳಿಸಿದರು.

ಜಿಲ್ಲಾವಾರು ಸ್ಥಬ್ಧಚಿತ್ರಗಳ ಮಾಹಿತಿ :

1. ಬೆಳಗಾವಿ - ಪ್ರವಾಹದಿಂದ ನಲುಗಿದ ಬೆಳಗಾವಿ
2. ಬಾಗಲಕೋಟೆ - ಅತಿವೃಷ್ಠಿ ಹಾಗೂ ಪುನರ್ವಸತಿ ಕಾರ್ಯಗಳು
3. ಧಾರವಾಡ - ಸಾಂಸ್ಕೃತಿಕ ವೈಭವ
4. ಹಾವೇರಿ - ಶಂಖನಾದ ಮೊಳಗಿಸುತ್ತಿರುವ ಕನಕದಾಸರು
5. ಗದಗ - ಬೇಟಿ ಪಡಾವೋ, ಬೇಟಿ ಬಚಾವೋ
6. ಉತ್ತರ ಕನ್ನಡ - ಕದಂಬ ಬನವಾಸಿ ಮಧುಕೇಶ್ವರ ದೇವಸ್ಥಾನ
7. ವಿಜಯಪುರ - ವಚನ ಪಿತಾಮಹ ಫ.ಹು ಹಳಕಟ್ಟಿ
8. ಬೆಂಗಳೂರು ನಗರ - ಚಂದ್ರಯಾನ-2
9. ಬೆಂಗಳೂರು ಗ್ರಾಮಾಂತರ - ಸ್ವಚ್ಛತೆ ಕಡೆಗೆ ನಮ್ಮ ನಡಿಗೆ
10. ಚಿತ್ರದುರ್ಗ - ಹೆಣ್ಣು ಭ್ರೂಣ ಹತ್ಯೆ ತಡೆ ಹಾಗೂ ಮಹಿಳಾ ಸಾಧಕರು
11. ದಾವಣಗೆರೆ - ಏರ್​ಸ್ಟ್ರೈಕ್
12. ಕೋಲಾರ - ಅಂತರಗಂಗೆ
13. ಶಿವಮೊಗ್ಗ - ಫಿಟ್ ಇಂಡಿಯಾ
14. ತುಮಕೂರು - ಸಮಗ್ರ ಕೃಷಿ ಪದ್ದತಿ ಹಾಗೂ ನಡೆದಾಡುವ ದೇವರು
15. ರಾಮನಗರ - ಮಳೂರು ಅಂಬೆಗಾಲು ಕೃಷ್ಣ
16. ಚಿಕ್ಕಬಳ್ಳಾಪುರ - ರೇಷ್ಮೆ ಮತ್ತು ಹೆಚ್.ನರಸಿಂಹಯ್ಯ
17. ಕಲಬುರಗಿ - ಆಯುಷ್ಮಾನ್ ಭಾರತ್
18. ಬಳ್ಳಾರಿ - ಹಂಪಿ ವಾಸ್ತುಶಿಲ್ಪ ಕಲಾ ವೈಭವ
19. ಬೀದರ್ - ಫಸಲ್ ಭೀಮಾ ಯೋಜನೆ
20. ಕೊಪ್ಪಳ - ಗವಿಸಿದ್ದೇಶ್ವರ ಬೆಟ್ಟ
21. ರಾಯಚೂರು - ಗೂಗಲ್ ಬ್ರಿಡ್ಜ್, ಪ್ರಧಾನಮಂತ್ರಿ ಸಿಂಚಾಯಿ ಹಾಗೂ ನರೆಗಾ ಯೋಜನೆ
22. ಯಾದಗಿರಿ - ಅಂಬಿಗರ ಚೌಡಯ್ಯ
23. ಮೈಸೂರು - ಚಾಮರಾಜ ಒಡೆಯರ್ ಅವರ 100 ನೇ ವರ್ಷದ ಸಾಧನೆ
24. ಚಾಮರಾಜನಗರ - ಸಮೃದ್ಧಿ ಸಂಪತ್ತಿನ ನಡುವೆ ಹುಲಿಯ ಸಂತೃಪ್ತ ತಾಣ
25. ಚಿಕ್ಕಮಗಳೂರು - ಶಿಶಿಲಬೆಟ್ಟ
26. ದಕ್ಷಿಣ ಕನ್ನಡ - ಮಂಗಳದೇವಿ ಹಾಗೂ ಭಾರತದ ದೊಡ್ಡ ಪೆಟ್ರೋಲಿಯಂ ಘಟಕ
27. ಹಾಸನ - ಎತ್ತಿನಹೊಳೆ ಯೋಜನೆ
28. ಕೊಡಗು - ಗುಡ್ಡ ಕುಸಿತ ಜಾಗೃತಿ ಮೂಡಿಸುವ ಕುರಿತು
29. ಮಂಡ್ಯ - ಶ್ರೀಆದಿ ಚುಂಚನಗಿರಿ ಮಠ, ಉಡುಪಿ ಕೃಷ್ಣ ಮಠದ ಗೋಪುರ
30. ದಸರಾ ಉಪಸಮಿತಿ - ಆನೆ ಬಂಡಿ, ಜೆಎಸ್​ಎಸ್​ ಮಠ, ಮೆಮೊರೈಲ್, ಉಡಾನ್ ಹಾಗೂ ಹತ್ತು ಪಥದ ರಸ್ತೆ
31. ವಾರ್ತಾ ಇಲಾಖೆ - ಸರ್ಕಾರದ ಸೌಲಭ್ಯಗಳ ಮಾಹಿತಿ
32. ಕಾವೇರಿ ನೀರಾವರಿ ನಿಗಮ - ನೀರಾವರಿ ನಿಗಮದ ಕುರಿತು ಮಾಹಿತಿ
33. ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ - ಪೋಷಣ ಅಭಿಯಾನ, ರಕ್ತಹೀನತೆ ಮುಕ್ತ ಭಾರತ
34. ಪ್ರವಾಸೋದ್ಯಮ ಇಲಾಖೆ - ನಿಮ್ಮ ಸಾಹಸಗಾಥೆ ನೀವೇ ರಚಿಸಿ
35. ಮೈಸೂರು ವಿಶ್ವವಿದ್ಯಾನಿಲಯ - ವಿಶ್ವವಿದ್ಯಾನಿಲಯದ ಕಾರ್ಯಕ್ರಮಗಳು