ಚಾಮರಾಜನಗರ: ವರ್ಷಪೂರ್ತಿ ಖಾಕಿ ಬಟ್ಟೆ ಧರಿಸಿ ಖದರ್ ತೋರುತ್ತಿದ್ದ ಪೊಲೀಸರು ಆಯಧ ಪೂಜೆ ಪ್ರಯುಕ್ತ ಸಾಂಪ್ರದಾಯಿಕ ಉಡುಗೆ ಧರಿಸಿ ಸಂಭ್ರಮಿಸಿದ್ದಾರೆ.
ಗುಂಡ್ಲುಪೇಟೆ ಪಟ್ಟಣ ಠಾಣೆ, ಕೊಳ್ಳೇಗಾಲ ಗ್ರಾಮಾಂತರ ಠಾಣೆ ಹಾಗೂ ರಾಮಾಪುರ ಠಾಣೆ ಪೊಲೀಸರು ಪಂಚೆ-ಶಲ್ಯ, ಮಹಿಳಾ ಕಾನ್ಸ್ಟೇಬಲ್ಗಳು ಸೀರೆಯುಟ್ಟು ಆಯುಧ ಪೂಜೆ ನೆರವೇರಿಸಿ ಫೋಟೋಗಳನ್ನು ಕ್ಲಿಕ್ಕಿಸಿಕೊಂಡು ಸಂಭ್ರಮಿಸಿದರು. ವರ್ಷಪೂರ್ತಿ ದುಡಿದು ದಣಿದ ಮನಕ್ಕೆ ಆಯುಧ ಪೂಜೆ ರಿಲ್ಯಾಕ್ಸ್ ನೀಡಿತ್ತು.
ಉಳಿದಂತೆ ಎಲ್ಲಾ ಠಾಣೆಗಳಲ್ಲಿ ರೈಫಲ್, ರಿವಾಲ್ವರ್, ಜೀಪು, ಬೈಕ್ಗಳಿಗೆ ಹಾಗೂ ಎಲೆಕ್ಟ್ರಾನಿಕ್ ಉಪಕರಣಗಳಿಗೆ ಪೂಜೆ ಮಾಡಿ ಸಿಹಿ ವಿತರಿಸಲಾಗಿದೆ.