ಲಾಕ್​ಡೌನ್​ ಮೀರಿಯೂ ಈಜಲು ಹೋದ ಯುವಕ ಬಾವಿಯಲ್ಲಿನ ಕಲ್ಲು ತಾಗಿ ಸಾವು

ಚಿಕ್ಕೋಡಿ: ಲಾಕ್​ಡೌನ್​ ನಡುವೆಯೂ ಬಾವಿಗೆ ಈಜಲು ಹೋದ ಬಾಲಕ ನೀರುಪಾಲದ ಘಟನೆ ಬೆಳಗಾವಿ ಜಿಲ್ಲೆ ಹುಕ್ಕೇರಿ ತಾಲೂಕಿನ ಜಾಬಾಪೂರ ಗ್ರಾಮದಲ್ಲಿ ನಡೆದಿದೆ.

ತಾಲೂಕಿನ ಜಾಬಾಪೂರ ಗ್ರಾಮದ ಕಾರ್ತಿಕ ಆನಂದ ಘಸ್ತಿ(15) ಎಂಬ ಬಾಲಕ ಲಾಕ್​ಡೌನ್​ ಇದ್ದರೂ ಸಹ ಸಮೀಪದ ಬಾವಿಗೆ ಈಜಲು ಹೋಗಿ ಮೇಲಿನಿಂದ ಜಿಗಿಯುವಾಗ ಆಯತಪ್ಪಿ ಬಿದ್ದು ಕಲ್ಲು ತಾಗಿ ಸಾವನ್ನಪ್ಪಿದ್ದಾನೆ.

ಇನ್ನೂ ಸ್ಥಳಕ್ಕೆ ಹುಕ್ಕೇರಿ ಪಿಎಸ್ಐ ಶಿವಾನಂದ ಗುಡಗನಟ್ಟಿ ಭೇಟಿ ನೀಡಿ ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ. ಈ ಕುರಿತು ಹುಕ್ಕೇರಿ ಪೋಲಿಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.