ಬೆಂಗಳೂರು: ಬಿಬಿಎಂಪಿ ವಾರ್ಡ್ಗಳ ಕರುಡು ಮೀಸಲಾತಿ ಪಟ್ಟಿಯನ್ನು ರಾಜ್ಯ ಸರ್ಕಾರ ಬಿಡುಗಡೆ ಮಾಡಿದೆ. ಆಕ್ಷೇಪಣೆ ಸಲ್ಲಿಕೆಗೆ ಹಾಗೂ ಸಲಹೆಗೆ ಏಳು ದಿನ ಕಾಲಾವಕಾಶ ನೀಡಲಾಗಿದೆ.
198 ವಾರ್ಡ್ಗಳಿಗೆ ಚುನಾವಣೆ ನಡೆಯಲಿದ್ದು, ಅಭ್ಯರ್ಥಿಗಳಿಗೆ ಮೀಸಲಾತಿ ಪಟ್ಟಿ ಬಿಡುಗಡೆ ಮಾಡಿ ಆದೇಶ ಹೊರಡಿಸಿದೆ. ಈ ಬಾರಿಯೂ ಮಹಿಳೆಯರಿಗೆ ಮೀಸಲಾತಿಯಲ್ಲಿ ಬಂಪರ್ ದೊರೆತಿದ್ದು, 98 ವಾರ್ಡ್ಗಳು ಮಹಿಳೆಯರಿಗೆ ಮೀಸಲಾಗಿದೆ.
ಇದರೊಂದಿಗೆ ಕಾಂಗ್ರೆಸ್ನಲ್ಲಿ ಗೆಲ್ಲುವ ಅಭ್ಯರ್ಥಿಗಳ ಮೀಸಲಾತಿ ಬದಲಾವಣೆ ಮಾಡಲಾಗಿದೆ ಎಂಬ ಆರೋಪವೂ ಕೇಳಿಬಂದಿದ್ದು, ಪಾಲಿಕೆ ವಿಪಕ್ಷ ನಾಯಕರಾಗಿದ್ದ, ಅಬ್ದುಲ್ ವಾಜಿದ್ ವಾರ್ಡನ್ನು ಮಹಿಳೆಗೆ ಮೀಸಲಾತಿ ನೀಡಲಾಗಿದೆ.
ಕಾಂಗ್ರೆಸ್ ಮೇಯರ್ ಅಭ್ಯರ್ಥಿಯಾಗಿದ್ದ ಎಂ ಶಿವರಾಜ್ ಅವರ ವಾರ್ಡನ್ನೂ ಕೂಡಾ ಈ ಬಾರಿ ಮಹಿಳೆಗೆ, ಮಾಜಿ ಕಾಂಗ್ರೆಸ್ ಮೇಯರ್ ಮಂಜುನಾಥ್ ರೆಡ್ಡಿ ಸ್ಪರ್ಧಿಸಿದ್ದ ಮಡಿವಾಳ ವಾರ್ಡ್ ಕೂಡಾ ಸಾಮಾನ್ಯ ಮಹಿಳೆಗೆ ಮೀಸಲಾತಿ ನೀಡಲಾಗಿದೆ.
ಚಿಕ್ಕಪೇಟೆಯಲ್ಲಿ ಈ ಹಿಂದೆ ಏಳು ವಾರ್ಡ್ ಇದ್ದು, ಈಗ 5 ವಾರ್ಡ್ ಆಗಿದೆ. ಮೂವರು ಸಾಮಾನ್ಯ ಮಹಿಳೆ, 1 ಸಾಮಾನ್ಯ, 1 ಮಹಿಳೆ ಪ್ರವರ್ಗ ಎ ಅಭ್ಯರ್ಥಿಗೆ ಮೀಸಲಿಡಲಾಗಿದೆ.
ಕಾಂಗ್ರೆಸ್ ಮಾಜಿ ಮೇಯರ್ ಗಂಗಾಬಿಕೆ, ಪದ್ಮಾವತಿ, ಕಟ್ಟೆ ಸತ್ಯನಾರಾಯಣ್ಗೆ ಈ ಬಾರಿ ವಾರ್ಡ್ ಇಲ್ಲ. ವಿವಿಪುರಂ ವಾರ್ಡ್ ಜೊತೆಗೇ ಜಯನಗರ ವಾರ್ಡ್ ಸೇರ್ಪಡೆ ಮಾಡಲಾಗಿದೆ. ಹೊಂಬೇಗೌಡ ನಗರ ವಾರ್ಡ್, ಸುಧಾಮನಗರ ವಾರ್ಡನ್ನು ಕೂಡಾ ವಾರ್ಡ್ ಪುನರ್ ವಿಂಗಡಣೆ ವೇಳೆ ಕೈಬಿಡಲಾಗಿದೆ.
ಮೀಸಲಾತಿ ಪಟ್ಟಿ:
ಒಟ್ಟು ವಾರ್ಡ್ -198 ವಾರ್ಡ್
- ಸಾಮಾನ್ಯ ಮಹಿಳೆ- 53 ವಾರ್ಡ್
- ಹಿಂದುಳಿದ ವರ್ಗ ಎ- 27 ವಾರ್ಡ್
- ಹಿಂದುಳಿದ ವರ್ಗ ಎ ಮಹಿಳೆ- 26 ವಾರ್ಡ್
- ಪ.ಜಾತಿ ಮಹಿಳೆ- 12 ವಾರ್ಡ್
- ಪ.ಜಾತಿ-10 ವಾರ್ಡ್
- ಹಿಂದುಳಿದ ವರ್ಗ ಬಿ-7 ವಾರ್ಡ್
- ಹಿಂದುಳಿದ ವರ್ಗ ಬಿ ಮಹಿಳೆ-6 ವಾರ್ಡ್
- ಪ.ಪಂಗಡ- 3 ವಾರ್ಡ್
- ಪರಿಶಿಷ್ಟ ಪಂಗಡ ಮಹಿಳೆ- 1 ವಾರ್ಡ್
