ಬೆಂಗಳೂರು: ಇನ್ನೂ ಕೆಲವೇ ವರ್ಷಗಳಲ್ಲಿ ಬಾಹ್ಯಾಕಾಶ ಉಡಾವಣೆ ವಾಹನ ಪಿಎಸ್ಎಲ್ವಿ ಎನ್ಎಸ್ಐಎಲ್ಗೆ ಬರಲಿದೆ ಎಂದು ಸಂಸ್ಥೆಯ ಅಧ್ಯಕ್ಷ ಹಾಗೂ ವ್ಯವಸ್ಥಾಪಕ ನಿರ್ದೇಶಕ ಜಿ.ನಾರಾಯಣ್ ಹೇಳಿದರು.
ಇಂದು ಬೆಂಗಳೂರಿನ ಇಸ್ರೋ ಮುಖ್ಯ ಕಚೇರಿಯಲ್ಲಿ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಮುಂದಿನ 5 ವರ್ಷಗಳಲ್ಲಿ 2 ಸಾವಿರ ಕೋಟಿ ಪ್ರತಿ ವರ್ಷದಂತೆ ಬಂಡವಾಳ ಹೂಡಿಕೆ ಮಾಡಲು ನಿರ್ಧರಿಸಲಾಗಿದೆ. ಬಂಡವಾಳ ಆಕರ್ಷಣೆಗೆ ಶೇರು ಮೂಲಕ ಅಥವಾ ಕೇಂದ್ರ ಸರ್ಕಾರದ ನಿರ್ಧಾರ ಆಗಲಿದೆ. ಪಾಕಿಸ್ತಾನದ ಉಪಗ್ರಹ ಉಡಾವಣೆ ಆಗುವುದಿಲ್ಲ, ಇದಕ್ಕೆ ರಾಜಕೀಯ ಒಪ್ಪಿಗೆ ಬೇಕಾಗಿದೆ ಎಂದು ವಿವರಿಸಿದರು.
ಒಟ್ಟು 4 ಉಡಾವಣೆಗಳನ್ನು ಎನ್ಎಸ್ಐಎಲ್ ನಿರ್ಧರಿಸಿದ್ದು 2 ಉಡಾವಣೆ ಮುಂದಿನ ವರ್ಷದಲ್ಲಿ ಆಗಲಿವೆ. ಅದರಲ್ಲಿ ಡಿಟಿಎಚ್ ಸಂಸ್ಥೆ (ಟಾಟಾ ಸ್ಕೈ) ಹಾಗೂ ಬ್ರಾಡ್ ಬ್ಯಾಂಡ್ ಸಂಸ್ಥೆ ಮುಖ್ಯ ಪಾತ್ರ ವಹಿಸಲಿವೆ. ಪ್ರಸ್ತುತವಾಗಿ ಸಂಸ್ಥೆಗೆ 342 ಅಂತಾರಾಷ್ಟ್ರೀಯ ಗ್ರಾಹಕರು ಇದ್ದಾರೆ. ಅಮೆರಿಕಾದಿಂದ ಹೆಚ್ಚು ಗ್ರಾಹಕರಿದ್ದಾರೆ. ಇಸ್ರೋ ಜೊತೆ ಎನ್ಎಸ್ಐಎಲ್ ಮಾತುಕತೆಯಲ್ಲಿದ್ದು ಉಡಾವಣೆ ಆಗಿರುವ ಉಪಗ್ರಹಗಳನ್ನು ಸ್ವಾಧೀನಕ್ಕೆ ಪಡೆಯಲಿದೆ ಎಂದರು.
ಎನ್ಎಸ್ಐಎಲ್ ಬಾಹ್ಯಾಕಾಶದ ಉಡಾವಣೆಗಳಲ್ಲಿ ವಾಣಿಜ್ಯ ಅಂಗವಾಗಿ ಕೆಲಸ ಮಾಡಲಿದೆ. ಖಾಸಗಿ ಸಂಸ್ಥೆಗಳ ಜೊತೆ ಕೈಜೋಡಿಸಿ ವಾಣಿಜ್ಯ ಆದಾಯದ ಗುರಿ ಸಾಧನೆಗೆ ಸಂಸ್ಥೆ ಕಾರ್ಯನಿರ್ವಹಿಸಲಿದೆ ಎಂದಿದ್ದಾರೆ.
ಇದನ್ನೂ ಓದಿ: ಇನ್ಸ್ಪೆಕ್ಟರ್ ಸೈಮನ್ಗೆ ಮತ್ತೊಂದು ಸಂಕಷ್ಟ: ಐಟಿ, ಇಡಿ ತನಿಖೆ ಸಾಧ್ಯತೆ