ಬೆಂಗಳೂರು: ಚಾಮರಾಜಪೇಟೆ ವಿಧಾನಸಭಾ ಕ್ಷೇತ್ರದ ಎರಡು ವಾರ್ಡ್ ಗಳಾದ ಬಾಪೂಜಿನಗರ, ಪಾದರಾಯನಪುರ ಕಂಪ್ಲೀಟ್ ಕ್ಲಾಂಪ್ ಡೌನ್ ಮಾಡಿದ್ದಕ್ಕೆ ನನ್ನ ಬೆಂಬಲ ಇದೆ ಎಂದು ಕಾಂಗ್ರೆಸ್ ಸ್ಥಳೀಯ ಶಾಸಕ ಜಮೀರ್ ಅಹ್ಮದ್ ಖಾನ್ ತಿಳಿಸಿದ್ದಾರೆ.
ನಿಜಾಮುದ್ದೀನ್ ದರ್ಗ, ಅಲ್ಲಿನ ಕರೀಂ ಹೋಟೆಕ್ಗಳಿಗೆ ಹೋಗಿ ಬಂದ ಮೂವರಿಗೆ ಕೊರೊನಾ ಸೋಂಕು ಪಾಸಿಟಿವ್ ಬಂದಿದೆ. ಅವರ ಮನೆ ಮೇಲೆ ಕೆಳಗೆ ಇದ್ದವರನ್ನು ಹೋಟೆಲ್ಗೆ ಶಿಫ್ಟ್ ಮಾಡಲಾಗಿದೆ. ಅಲ್ಲದೇ ಹತ್ತಿರದ ಇಪ್ಪತ್ತು ಮನೆಯವರನ್ನೂ ಹೋಟೆಲ್ಗೆ ಶಿಫ್ಟ್ ಮಾಡಲಾಗುತ್ತದೆ ಎಂದರು.
ನಿಜಾಮುದ್ದೀನ್ ಹೋಗಿ ಬಂದವರನ್ನು ಹಜ್ ಕ್ಯಾಂಪ್ ನಲ್ಲಿ ಇರಿಸಲಾಗಿತ್ತು. ಹಜ್ ಕ್ಯಾಂಪ್ನಲ್ಲಿದ್ದ 148 ಜನರಲ್ಲಿ ಮೂವರಿಗೆ ಸೋಂಕು ತಗುಲಿದೆ. ಈಗಾಗಲೇ ಕೊರೊನಾ ಶಂಕಿತರನ್ನು ಹೋಟೆಲ್ಗೆ ಶಿಫ್ಟ್ ಮಾಡಲಾಗಿದೆ.
ಸ್ಥಳೀಯ ಧಾರ್ಮಿಕ ಗುರುಗಳ ಬೆಂಬಲವನ್ನೂ ಪಡೆಯಲಾಗಿದೆ. ಕ್ಲಾಂಪ್ ಡೌನ್ ಸಂದರ್ಭದಲ್ಲಿ ಎಲ್ಲಾ ಮನೆಗಳಿಗೆ ಅಗತ್ಯ ವಸ್ತುಗಳ ಪೂರೈಕೆ, ಆಹಾರಕ್ಕೆ ವ್ಯವಸ್ಥೆ ಮಾಡುತ್ತೇವೆ. ಈ ಕಾಯಿಲೆಯನ್ನು ನಿರ್ಲಕ್ಷ್ಯ ಮಾಡುವ ಹಾಗಿಲ್ಲ. ನಿಜಾಮುದ್ದೀನ್ಗೆ ಹೋಗಿ ಬಂದ ಎಲ್ಲರೂ ಹೋಗಿ ಆರೋಗ್ಯ ಪರೀಕ್ಷಿಸಿಕೊಂಡು ಬರಬೇಕು, ಕರೀಂ ಹೋಟೆಲ್ಗೆ ಹೋಗಿ ಬಂದವರು ಕೂಡಾ ಚೆಕಪ್ ಮಾಡಿಕೊಳ್ಳಬೇಕು ಎಂದು ತಿಳಿಸಿದರು.
