ಲಾಸ್ಕೊ(ಸ್ಲೋವೇನಿಯಾ): ಭಾರತದ ಮಹಿಳಾ ಡಬಲ್ಸ್ ಜೋಡಿ ಮನಿಕಾ ಬಾತ್ರಾ ಮತ್ತು ಅರ್ಚನಾ ಕಾಮತ್ ಲಾಸ್ಕೋದಲ್ಲಿ ನಡೆಯುತ್ತಿರುವ ವರ್ಲ್ಡ್ ಟೇಬಲ್ ಟೆನ್ನಿಸ್ (WTT) ಕಂಟೆಂಡರ್ 2021ರಲ್ಲಿ ಚಾಂಪಿನ್ ಆಗಿ ಹೊರಹೊಮ್ಮಿದ್ದಾರೆ.
ಭಾನುವಾರ ನಡೆದ ಫೈನಲ್ನಲ್ಲಿ ಭಾರತೀಯ ಜೋಡಿ ಟೂರ್ನಿಯಲ್ಲಿ 4ನೇ ಶ್ರೇಯಾಂಕ ಪಡೆದಿದ್ದ ಪೋರ್ಟೋ ರಿಕಾದ ಮೆಲಾನಿಯಾ ಡಿಯಾಜ್ ಮತ್ತು ಆ್ಯಂಡ್ರಿಯಾನ ಡಿಯಾಜ್ ಸಹೋದರಿಯರ ವಿರುದ್ಧ 3-0 ಯಲ್ಲಿ ಮಣಿಸುವ ಮೂಲಕ ಚಾಂಪಿಯನ್ ಆದರು.
ಮನಿಕಾ-ಅರ್ಚನಾ ಜೋಡಿ ಸೆಮಿಫೈನಲ್ನಲ್ಲಿ ಚೀನಾದ ಲಿಯು ವೈಶನ್ ಮತ್ತು ವಾಂಗ್ ಯಿದಿ ಅವರನ್ನು 3-2 ರಿಂದ ಸೋಲಿಸಿ ಫೈನಲ್ ಪ್ರವೇಶಿಸಿದ್ದರು.
ಶನಿವಾರ ಸಿಂಗಲ್ಸ್ನಲ್ಲಿ ಸೆಮಿಫೈನಲ್ಸ್ನಲ್ಲಿ ಸೋಲುವ ಮೂಲಕ ಮನಿಕಾ ಬಾತ್ರ ಕಂಚಿನ ಪದಕ ಪದಕ ಪಡೆದುಕೊಂಡಿದ್ದರು. ಅವರು ಚೀನಾದ ವಾಂಗ್ ಯಿದಿ ವಿರುದ್ಧ 2-4ರಲ್ಲಿ ಸೋಲು ಕಂಡಿದ್ದರು. ಇದೀಗ ಡಬಲ್ಸ್ನಲ್ಲಿ ಚಿನ್ನದ ಪದಕ ಪಡೆಯುವಲ್ಲಿ ಸಫಲರಾಗಿದ್ದಾರೆ.
ಇದನ್ನೂ ಓದಿ: 9 ವರ್ಷಗಳ ಬಳಿಕ ಐಸಿಸಿ ಟೂರ್ನಮೆಂಟ್ನಲ್ಲಿ ನಾಕೌಟ್ ಪ್ರವೇಶಿಸಲು ಭಾರತ ವಿಫಲ
