ನವದೆಹಲಿ : ಬಾಕ್ಸಿಂಗ್ ಫೆಡರೇಷನ್ ಆಫ್ ಇಂಡಿಯಾ ಗೌರವ್ ಸೋಲಂಕಿ, ಸೋನಿಯಾ ಮತ್ತು ಸಿಮ್ರಾನ್ಜಿತ್ ಕೌರ್ ಅವರ ಹೆಸರನ್ನು ಪ್ರತಿಷ್ಠಿತ ಅರ್ಜುನ ಪ್ರಶಸ್ತಿಗೆ ಶಿಫಾರಸು ಮಾಡಿದೆ. ಆದರೆ, ಫೆಡರೇಷನ್ ಅತ್ಯುನ್ನತ ಕ್ರೀಡಾ ಪ್ರಶಸ್ತಿಯಾದ ರಾಜೀವ್ ಗಾಂಧಿ ಖೇಲ್ರತ್ನ ಪ್ರಶಸ್ತಿಗೆ ಯಾರ ಹೆಸರನ್ನು ಶಿಫಾರಸು ಮಾಡಿಲ್ಲ.
ಸಿಮ್ರಾನ್ಜಿತ್ ಕೌರ್(60ಕೆಜಿ) ವಿಭಾಗದಲ್ಲಿ 2018ರ ವಿಶ್ವ ಚಾಂಪಿಯನ್ಶಿಪ್ನಲ್ಲಿ ಕಂಚಿನ ಪದಕ ಪಡೆದಿದ್ದರು. ಅಲ್ಲದೆ ಇತರೆ 4 ಬಾಕ್ಸರ್ಗಳೊಂದಿಗೆ ಟೋಕಿಯೋ ಒಲಿಂಪಿಕ್ಸ್ಗೆ ಅರ್ಹತೆ ಪಡೆದಿದ್ದಾರೆ.
"ನಾವು ಅರ್ಜುನ ಪ್ರಶಸ್ತಿಗಾಗಿ ಗೌರವ್ ಸೋಲಂಕಿ, ಸೋನಿಯಾ ಮತ್ತು ಸಿಮ್ರಾನ್ಜಿತ್ ಕೌರ್ ಅವರ ಹೆಸರನ್ನು ಶಿಫಾರಸು ಮಾಡಿದ್ದೇವೆ. ಖೇಲ್ ರತ್ನಕ್ಕೆ ನಾವು ಯಾವುದೇ ಬಾಕ್ಸರ್ಅನ್ನು ನಾಮನಿರ್ದೇಶನ ಮಾಡಿಲ್ಲ" ಎಂದು ಬಿಎಫ್‌ಐನ ಮೂಲಗಳು ಎಎನ್‌ಐಗೆ ತಿಳಿಸಿವೆ.
ಟೇಬಲ್ ಟೆನಿಸ್ ಆಟಗಾರ್ತಿ ಮನಿಕ ಬಾತ್ರಾ, ರೋಹಿತ್ ಶರ್ಮಾ, ವಿನೇಶ್ ಪೋಗಟ್, ರಾಣಿ ರಾಂಪಾಲ್ ಮತ್ತು ಮರಿಯಪ್ಪನ್ ಫಂಗವೇಲೂ ಅವರ ಹೆಸರನ್ನು ರಾಜೀವ್ ಗಾಂಧಿ ಖೇಲ್ ರತ್ನ ಪ್ರಶಸ್ತಿಗೆ ನಾಮ ನಿರ್ದೇಶನ ಮಾಡಲಾಗಿದೆ.
ಇದನ್ನು ಓದಿ: ದೇಶಿ ಕ್ರಿಕೆಟಿಗರಿಗೆ ಖುಷಿ ಸುದ್ದಿ ನೀಡಿದ ಬಿಸಿಸಿಐ!!
