ಡಸೆಲ್ಡಾರ್ಫ್(ಜರ್ಮನಿ): ಭಾರತ ಮಹಿಳಾ ತಂಡ ಗುರುವಾರ ಜರ್ಮನಿ ವಿರುದ್ಧ ನಡೆದ ನಾಲ್ಕನೇ ಮತ್ತು ಕೊನೆಯ ಪಂದ್ಯವನ್ನು 2-1ರಲ್ಲಿ ಸೋಲು ಕಾಣುವ ಮೂಲಕ ಪ್ರವಾಸ ಮುಗಿಸಿದೆ.
3ನೇ ಶ್ರೇಯಾಂಕದ ತಂಡದ ವಿರುದ್ಧ ಆಡಿದ ಹಿಂದಿನ ಮೂರು ಪಂದ್ಯಗಳಲ್ಲೂ ಭಾರತದ ವನಿತೆಯರು ಸೋಲು ಕಂಡಿದ್ದರು. ಇಂದಿನ ಪಂದ್ಯದಲ್ಲಿ ಮತ್ತೆ ಪ್ರಾಬಲ್ಯ ಸಾಧಿಸಿದ ಜರ್ಮನಿ 29ನೇ ನಿಮಿಷದಲ್ಲಿ ನವೋಮಿ ಹೇನ್ ಮತ್ತು 37ನೇ ನಿಮಿಷದಲ್ಲಿ ಚಾರ್ಲೊಟ್ಟೆ ಸ್ಟೇಪನ್ಹಾರ್ಸ್ಟ್ ಗೋಲುಗಳಿಸಿ ಮುನ್ನಡೆ ಪಡೆದುಕೊಂಡಿದ್ದರು.
ಇಡೀ ಪ್ರವಾಸದಲ್ಲಿ ಒಂದು ಗೋಲಿಲ್ಲದೆ ಪಂದ್ಯ ಮುಗಿಸುವ ನಿರಾಶೆಯಲ್ಲಿ ಭಾರತದ ವನಿತೆಯರಿಗೆ ಈ ಸರಣಿಯಲ್ಲಷ್ಟೇ ಸೀನಿಯರ್ ತಂಡಕ್ಕೆ ಪದಾರ್ಪಣೆ ಮಾಡಿದ್ದ ಲಾಲ್ರೆಮ್ಸಿಯಾಮಿ 51 ನೇ ನಿಮಿಷದಲ್ಲಿ ಗೋಲು ಸಿಡಿಸಿ ಸೋಲಿನ ಅಂತರವನ್ನು ತಗ್ಗಿಸಿದರು.
ಭಾರತ ತಂಡ ಸರಣಿಯಲ್ಲಿ ಮೊದಲ ಪಂದ್ಯದಲ್ಲಿ 0-5 2ನೇ ಪಂದ್ಯದಲ್ಲಿ 0-1 3ನೇ ಪಂದ್ಯದಲ್ಲಿ 0-2 ಹಾಗೂ ಇಂದಿನ ಪಂದ್ಯದಲ್ಲಿ 1-2 ರಲ್ಲಿ ಸೋಲು ಕಂಡಂತಾಗಿದೆ.