ಮಹಿಳೆಯರ ಏಕದಿನ ವಿಶ್ವಕಪ್: ಭಾರತಕ್ಕೆ ಪಾಕಿಸ್ತಾನವೇ ಮೊದಲ ಎದುರಾಳಿ

ಮುಂಬೈ: ಐಸಿಸಿ 2022ರ ಮಹಿಳಾ ಏಕದಿನ ವಿಶ್ವಕಪ್ ವೇಳಾಪಟ್ಟಿ ಪ್ರಕಟವಾಗಿದ್ದು, ಕಿವೀಸ್​ ನಾಡಿನಲ್ಲಿ ನಡೆಯುವ ಈ ಕದನದಲ್ಲಿ ಭಾರತ ವನಿತೆಯರು ತಮ್ಮ ಮೊದಲ ಪಂದ್ಯದಲ್ಲಿ ಸಾಂಪ್ರದಾಯಿಕ ಎದುರಾಳಿ ಪಾಕಿಸ್ತಾನವನ್ನು ಎದುರಿಸಲಿದೆ.

8 ತಂಡಗಳು ಭಾಗವಹಿಸುವ ಟೂರ್ನಿಯಲ್ಲಿ ಭಾರತ ಮಾರ್ಚ್​ 6ರಂದು ಪಾಕಿಸ್ತಾನ, ​ಮಾರ್ಚ್​ 10ರಂದು ನ್ಯೂಜಿಲ್ಯಾಂಡ್​, ಮಾರ್ಚ್​ 12ರಂದು ವೆಸ್ಟ್​ ಇಂಡೀಸ್​, ಮಾರ್ಚ್​ 16ರಂದು ಇಂಗ್ಲೆಂಡ್​, 19ರಂದು ಆಸ್ಟ್ರೇಲಿಯಾ, 22ರಂದು ಬಾಂಗ್ಲಾದೇಶ ಮತ್ತು 27ರಂದು ದಕ್ಷಿಣ ಆಫ್ರಿಕಾ ವಿರುದ್ಧ ಸೆಣಸಾಡಲಿದೆ.

ಮಾರ್ಚ್​ 4ರಂದು ಟೂರ್ನಿಯ ಉದ್ಘಾಟನಾ ಪಂದ್ಯದಲ್ಲಿ ಆತಿಥೇಯ ನ್ಯೂಜಿಲ್ಯಾಂಡ್​ ಮತ್ತು ವೆಸ್ಟ್​ ಇಂಡೀಸ್ ಎದುರಾಗಲಿವೆ. ಏಪ್ರಿಲ್​ 3ರಂದು ಕ್ರೈಸ್ಟ್​ಚರ್ಚ್​​ನಲ್ಲಿ ಫೈನಲ್ ಪಂದ್ಯ ನಡೆಯಲಿದೆ.

• 🚨The #CWC22 dates are out.
  
  Let's get behind #TeamIndia💪 pic.twitter.com/txjkg3tPQU

  — BCCI Women (@BCCIWomen) December 15, 2021 " class="align-text-top noRightClick twitterSection" data="

  🚨The #CWC22 dates are out.
  
  Let's get behind #TeamIndia💪 pic.twitter.com/txjkg3tPQU

  — BCCI Women (@BCCIWomen) December 15, 2021

  ">

  🚨The #CWC22 dates are out.
  
  Let's get behind #TeamIndia💪 pic.twitter.com/txjkg3tPQU

  — BCCI Women (@BCCIWomen) December 15, 2021

ಒಟ್ಟು 8 ತಂಡಗಳು 3 ನಾಕೌಟ್​ ಪಂದ್ಯಗಳು ಸೇರಿದಂತೆ 31 ಪಂದ್ಯಗಳನ್ನಾಡಲಿವೆ. 2017ರಲ್ಲಿ ನಡೆದಿದ್ದ ವಿಶ್ವಕಪ್​ನಲ್ಲಿ ಭಾರತ ಫೈನಲ್ ಪ್ರವೇಶಿಸಿತ್ತಾದರೂ ಇಂಗ್ಲೆಂಡ್​ ವಿರುದ್ಧ ಕೇವಲ 9 ರನ್​ಗಳಿಂದ ಸೋಲು ಕಂಡು ನಿರಾಶೆಯನುಭವಿಸಿತ್ತು.

ಇದುವರೆಗೆ 11 ವಿಶ್ವಕಪ್​ ನಡೆದಿದ್ದು, ಆಸ್ಟ್ರೇಲಿಯಾ 6 ಬಾರಿ ಮತ್ತು ಇಂಗ್ಲೆಂಡ್​ 4 ಬಾರಿ ಚಾಂಪಿಯನ್ ಆಗಿದ್ದರೆ, ಒಮ್ಮೆ(2000) ನ್ಯೂಜಿಲ್ಯಾಂಡ್​ ಟ್ರೋಫಿ ಎತ್ತಿ ಹಿಡಿದಿದೆ.

ಇದನ್ನೂ ಓದಿ:ದ.ಆಫ್ರಿಕಾ ವಿರುದ್ಧದ ಏಕದಿನ ಸರಣಿ ಆಡಲಿದ್ದೇನೆ : ಗೊಂದಲಕ್ಕೆ ತೆರೆ ಎಳೆದ ವಿರಾಟ್ ಕೊಹ್ಲಿ