WI vs IND 4th T20: ವಿಂಡೀಸ್​ ವಿರುದ್ಧ 59 ರನ್​ ವಿಕ್ರಮ; ಭಾರತದ ತೆಕ್ಕೆಗೆ ಸರಣಿ

ಫ್ಲೋರಿಡಾ(ಅಮೆರಿಕ): ಸಾಂಘಿಕ ಪ್ರದರ್ಶನ ನೀಡಿದ ಭಾರತ ಕ್ರಿಕೆಟ್ ತಂಡ ಇಲ್ಲಿ ನಡೆದ ವೆಸ್ಟ್​ ಇಂಡೀಸ್​ ವಿರುದ್ಧದ 4ನೇ ಟಿ20 ಪಂದ್ಯವನ್ನು 59 ರನ್​ಗಳಿಂದ ಜಯಿಸಿತು. ಈ ಮೂಲಕ 5 ಪಂದ್ಯಗಳ ಸರಣಿಯನ್ನು 3-1 ರಿಂದ ಕೈವಶ ಮಾಡಿಕೊಂಡಿದೆ. ಇದು ಭಾರತದ 13ನೇ ಸರಣಿ ಜಯ ಅನ್ನೋದು ವಿಶೇಷ.

• For his match-winning bowling display of 2⃣/1⃣7⃣, @Avesh_6 bags the Player of the Match award as #TeamIndia take an unassailable lead in the T20I series. 👏 👏 #WIvIND
  
  Scorecard ▶️ https://t.co/DNIFgqfRJ5 pic.twitter.com/T33sZ7Gi5i

  — BCCI (@BCCI) August 6, 2022 " class="align-text-top noRightClick twitterSection" data="

  For his match-winning bowling display of 2⃣/1⃣7⃣, @Avesh_6 bags the Player of the Match award as #TeamIndia take an unassailable lead in the T20I series. 👏 👏 #WIvIND
  
  Scorecard ▶️ https://t.co/DNIFgqfRJ5 pic.twitter.com/T33sZ7Gi5i

  — BCCI (@BCCI) August 6, 2022

  ">

  For his match-winning bowling display of 2⃣/1⃣7⃣, @Avesh_6 bags the Player of the Match award as #TeamIndia take an unassailable lead in the T20I series. 👏 👏 #WIvIND
  
  Scorecard ▶️ https://t.co/DNIFgqfRJ5 pic.twitter.com/T33sZ7Gi5i

  — BCCI (@BCCI) August 6, 2022

ಶನಿವಾರ ಲಾಡರ್‌ಹಿಲ್‌ನ ಸೆಂಟ್ರಲ್ ಬ್ರೋವರ್ಡ್ ರೀಜನಲ್ ಪಾರ್ಕ್ ಮೈದಾನದಲ್ಲಿ ಭಾರತೀಯರ ಬ್ಯಾಟಿಂಗ್​, ಬೌಲಿಂಗ್​ ಸಾಮರ್ಥ್ಯ ಸಾಬೀತಾಯಿತು. ಮಳೆಯ ಕಾರಣ ತಡವಾಗಿ ಆರಂಭವಾದ ಪಂದ್ಯದಲ್ಲಿ ವಾತಾವರಣದ ಲಾಭ ಪಡೆದು ಗೆಲ್ಲುವ ಗುರಿಯಿಂದ ಮೈದಾನಕ್ಕಿಳಿದ ಕೆರಿಬಿಯನ್ನರ ಎಲ್ಲ ತಂತ್ರಗಳನ್ನೂ ಭಾರತ ಬುಡಮೇಲು ಮಾಡಿತು.

ಕಳೆದ ಪಂದ್ಯದಲ್ಲಿ ಗಾಯಗೊಂಡಿದ್ದ ನಾಯಕ ರೋಹಿತ್​ ಶರ್ಮಾ ಬಿರುಸಿನ ಬ್ಯಾಟ್​ ಬೀಸಿ 33 ರನ್​ ಸಂಪಾದಿಸಿದರು. ಸೂರ್ಯಕುಮಾರ್​ 24, ದೀಪಕ್​ ಹೂಡಾ 21, ರಿಷಬ್​ ಪಂತ್​ 44, ಸಂಜು ಸ್ಯಾಮ್ಸನ್ 30 ರನ್​ ಗಳಿಸಿದರು. ಕೊನೆಯಲ್ಲಿ ಸಿಡಿದ ಅಕ್ಸರ್ ಪಟೇಲ್​ 8 ಎಸೆತಗಳಲ್ಲಿ ಸಿಕ್ಸರ್​, ಬೌಂಡರಿಗಳ ಸಮೇತ 20 ರನ್​ ಕೊಡುಗೆ ನೀಡಿದರು.

ನಿಗದಿತ 20 ಓವರ್​ಗಳಲ್ಲಿ ಭಾರತ 5 ವಿಕೆಟ್​ ಕಳೆದುಕೊಂಡು 191 ರನ್​ ಪೇರಿಸಿತು. ಸರಣಿಯಲ್ಲಿ ಕಾಡಿದ್ದ ಒಬೆಡ್​ ಮೆಕಾಯ್​ ಈ ಪಂದ್ಯದಲ್ಲಿ ದುಬಾರಿಯಾದರು. 4 ಓವರ್​ಗಳ ಕೋಟಾದಲ್ಲಿ 66 ರನ್​ ಚಚ್ಚಿಸಿಕೊಂಡು 2, ಅಲ್ಜಾರಿ ಜೋಸೆಫ್​ 2 ವಿಕೆಟ್​ ಕಿತ್ತರು.

ವಿಂಡೀಸ್​ ಪೆವಿಲಿಯನ್​ ಪರೇಡ್​: ಕಠಿಣ ಗುರಿ ಬೆನ್ನತ್ತಿದ ವಿಂಡೀಸ್​ ಸತತವಾಗಿ ವಿಕೆಟ್​ ಕಳೆದುಕೊಂಡಿತು. ರಾವೊಮನ್​ ಪೊವೆಲ್​ 24, ನಿಕೋಲಸ್​ ಪೂರನ್​ 24 ರನ್​ ಗಳಿಸಿದ್ದೇ ಗರಿಷ್ಠ ಸ್ಕೋರ್​ ಆಗಿತ್ತು. ಭಾರತೀಯ ಬೌಲರ್​ಗಳ ಮುಂದೆ ತಂಡದ ಯಾವೊಬ್ಬ ಬ್ಯಾಟರ್ ಕೂಡಾ ರಟ್ಟೆ ಬಿಚ್ಚಲಿಲ್ಲ.

ಭಾರತದ ಭರ್ಜರಿ ಬೌಲಿಂಗ್​: ವಿಂಡೀಸ್​ ಆಟಗಾರರ ವಿರುದ್ಧ ನಿಜಕ್ಕೂ ಆಕ್ರಮಣಕಾರಿ ಆಟ ಪ್ರದರ್ಶಿಸಿದ್ದು ಭಾರತೀಯರ ಬೌಲರ್​ಗಳು. ಇನಿಂಗ್ಸ್​ನ ಮೊದಲು ಎಸೆತದಿಂದಲೂ ಕಾಡಿದ ಬೌಲರ್​ಗಳು ಯಾವುದೇ ಸಮಯದಲ್ಲಿಯೂ ಕೆರಿಬಿಯನ್​ ದೈತ್ಯರು ಸಿಡಿಯದಂತೆ ತಡೆದರು. ಐಪಿಎಲ್​ ಸ್ಟಾರ್​ ಅರ್ಷದೀಪ್​ ಸಿಂಗ್​ 3 ವಿಕೆಟ್ ಪಡೆದರೆ, ಅವೇಶ್​ ಖಾನ್​, ರವಿ ಬಿಷ್ಣೋಯಿ, ಅಕ್ಸರ್​ ಪಟೇಲ್​ ತಲಾ 2 ವಿಕೆಟ್​ ಪಡೆದು ಕೆರಿಬಿಯನ್ನರನ್ನು 19.1 ಓವರ್​ಗಳಲ್ಲಿ 132 ರನ್​ಗಳಿಗೆ ಕಟ್ಟಿಹಾಕಿದರು.

ಸಂಕ್ಷಿಪ್ತ ಸ್ಕೋರ್: ಭಾರತ 191/5 (ರಿಷಭ್ ಪಂತ್ 44, ರೋಹಿತ್ ಶರ್ಮಾ 33, ಅಲ್ಜಾರಿ ಜೋಸೆಫ್ 2-29) ವೆಸ್ಟ್ ಇಂಡೀಸ್ 132-10 (ನಿಕೋಲಸ್ ಪೂರನ್ 24, ರೋವ್ಮನ್ ಪೊವೆಲ್ 24, ಅರ್ಷದೀಪ್​ ಸಿಂಗ್ 3-12)

ಇದನ್ನೂ ಓದಿ: CWG 2022: ಇತಿಹಾಸ ಸೃಷ್ಟಿಸಿದ ವಿನೇಶ್​ ಫೋಗಟ್​... ಹ್ಯಾಟ್ರಿಕ್​​​ ಚಿನ್ನಕ್ಕೆ ಮುತ್ತಿಕ್ಕಿದ ಕುಸ್ತಿಪಟು