ಕರಾಚಿ: ಸಾಂಪ್ರದಾಯಿಕ ಎದುರಾಳಿಗಳಾದ ಭಾರತ ಮತ್ತು ಪಾಕಿಸ್ತಾನ ಮಧ್ಯೆ ಹಲವು ವರ್ಷಗಳಿಂದ ದ್ವಿಪಕ್ಷೀಯ ಕ್ರಿಕೆಟ್ ಸರಣಿ ನಡೆದೇ ಇಲ್ಲ. ಈ ಬಗ್ಗೆ ಅಭಿಮಾನಿಗಳಲ್ಲಿ ಬೇಸರವೂ ಇದೆ. ಹೀಗಾಗಿ ಪಾಕ್ ಮತ್ತು ಭಾರತದ ಮಧ್ಯೆ ಮತ್ತೆ ಕ್ರಿಕೆಟ್ ಪಂದ್ಯಾವಳಿ ಆಯೋಜಿಸಲು ಪಾಕಿಸ್ತಾನ ಹೊಸ ಐಡಿಯಾವೊಂದನ್ನು ಹಾಕಿಕೊಂಡಿದೆ.
-
Hello fans.Will propose to the ICC a Four Nations T20i Super Series involving Pak Ind Aus Eng to be played every year,to be hosted on rotation basis by these four. A separate revenue model with profits to be shared on percentage basis with all ICC members, think we have a winner.
— Ramiz Raja (@iramizraja) January 11, 2022 " class="align-text-top noRightClick twitterSection" data="
">Hello fans.Will propose to the ICC a Four Nations T20i Super Series involving Pak Ind Aus Eng to be played every year,to be hosted on rotation basis by these four. A separate revenue model with profits to be shared on percentage basis with all ICC members, think we have a winner.
— Ramiz Raja (@iramizraja) January 11, 2022Hello fans.Will propose to the ICC a Four Nations T20i Super Series involving Pak Ind Aus Eng to be played every year,to be hosted on rotation basis by these four. A separate revenue model with profits to be shared on percentage basis with all ICC members, think we have a winner.
— Ramiz Raja (@iramizraja) January 11, 2022
ಕ್ರಿಕೆಟ್ನ ದೈತ್ಯ ತಂಡಗಳಾದ ಭಾರತ, ಪಾಕಿಸ್ತಾನ, ಇಂಗ್ಲೆಂಡ್ ಮತ್ತು ಆಸ್ಟ್ರೇಲಿಯಾ ಮಧ್ಯೆ ಪ್ರತ್ಯೇಕವಾಗಿ ವರ್ಷಕ್ಕೊಮ್ಮೆ 'ಅಂತಾರಾಷ್ಟ್ರೀಯ ಟಿ-20 ಸೂಪರ್ ಸಿರೀಸ್' ಆಯೋಜಿಸಲು ಐಸಿಸಿಗೆ ಪ್ರಸ್ತಾವನೆ ಸಲ್ಲಿಸಲು ಪಾಕ್ ಕ್ರಿಕೆಟ್ ಮಂಡಳಿ ಮುಂದಾಗಿದೆ.
ಈ ಸರಣಿ ವರ್ಷಕ್ಕೊಮ್ಮೆ ನಡೆಸುವುದಾಗಿದ್ದು, ನಾಲ್ಕು ರಾಷ್ಟ್ರಗಳೂ ಪ್ರತಿವರ್ಷ ಸರಣಿಯ ಆತಿಥ್ಯ ವಹಿಸಲಿವೆ. ಇದರಲ್ಲಿ ಬಂದ ಆದಾಯವನ್ನು ಎಲ್ಲಾ ಕ್ರಿಕೆಟ್ ಮಂಡಳಿಗಳು ಹಂಚಿಕೊಳ್ಳಬಹುದಾಗಿದೆ ಎಂಬುದು ಪಾಕ್ ಕ್ರಿಕೆಟ್ ಮಂಡಳಿಯ ಚಿಂತನೆ.
ಈ ಬಗ್ಗೆ ಟ್ವೀಟ್ ಮಾಡಿರುವ ಪಾಕ್ ಕ್ರಿಕೆಟ್ ಮಂಡಳಿ ಅಧ್ಯಕ್ಷ ರಮೀಜ್ ರಾಜಾ, 'ಹಲೋ ಅಭಿಮಾನಿಗಳೇ, ನಿಮಗೊಂದು ಸಂತಸದ ಸುದ್ದಿ. ಭಾರತ, ಪಾಕಿಸ್ತಾನ, ಇಂಗ್ಲೆಂಡ್, ಆಸ್ಟ್ರೇಲಿಯಾ ಮಧ್ಯೆ ಪ್ರತ್ಯೇಕವಾಗಿ ವರ್ಷಕ್ಕೊಮ್ಮೆ ಅಂತಾರಾಷ್ಟ್ರೀಯ ಟಿ-20 ಪಂದ್ಯಾವಳಿ ಆಯೋಜಿಸಲು ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿಗೆ(ಐಸಿಸಿಗೆ) ಪ್ರಸ್ತಾವನೆ ಸಲ್ಲಿಸಲಾಗುವುದು. ಒಂದು ವೇಳೆ ಇದು ಸಾಕಾರಗೊಂಡರೆ ಹೇಗಿರಬಹುದು ಯೋಚಿಸಿ' ಎಂದು ಹೇಳಿದ್ದಾರೆ.
ಭಾರತ ಮತ್ತು ಪಾಕ್ ಮಧ್ಯೆ ನಿಂತು ಹೋಗಿರುವ ಕ್ರಿಕೆಟ್ ಆಟಕ್ಕೆ ಜೀವ ತುಂಬುವುದು PCBಯ ಈ ಯೋಜನೆ ಹಿಂದಿನ ಉದ್ದೇಶವಾಗಿದೆ. ಆದರೆ, ಭಾರತ ಈಗಾಗಲೇ ಮುಂದಿನ ಕೆಲ ವರ್ಷಗಳವರೆಗೆ ಇತರೆ ತಂಡಗಳ ಜೊತೆ ಕ್ರಿಕೆಟ್ ಸರಣಿಗಳ ಪಟ್ಟಿಯನ್ನು ರೂಪಿಸಿದೆ. ಇದಕ್ಕೂ ಮಿಗಿಲಾಗಿ ತ್ರಿ-ರಾಷ್ಟ್ರ ಮತ್ತು 4 ರಾಷ್ಟ್ರಗಳ ನಡುವಿನ ಸರಣಿಯಲ್ಲಿ ಆಡುವುದನ್ನು ಭಾರತ ಈಗಾಗಲೇ ನಿಲ್ಲಿಸಿದೆ. ಈ ಮಧ್ಯೆಯೂ ಪಾಕಿಸ್ತಾನ ಇಂಥದ್ದೊಂದು ಯೋಜನೆ ರೂಪಿಸಲು ಮುಂದಾಗಿದೆ.
2012-13 ರಲ್ಲಿ ನಡೆದ ಟಿ-20 ಸರಣಿಯೇ ಭಾರತ- ಪಾಕಿಸ್ತಾನ ನಡುವಿನ ಕೊನೆಯ ಸರಣಿಯಾಗಿದೆ. ಬಳಿಕ ಎರಡೂ ರಾಷ್ಟ್ರಗಳ ಮಧ್ಯೆ ರಾಜತಾಂತ್ರಿಕ ಸಮಸ್ಯೆಯಿಂದಾಗಿ ದ್ವಿಪಕ್ಷೀಯ ಕ್ರಿಕೆಟ್ ಸರಣಿಗಳನ್ನು ಸ್ಥಗಿತಗೊಳಿಸಲಾಗಿದೆ. ಐಸಿಸಿ ಆಯೋಜಿಸುವ ಅಂತಾರಾಷ್ಟ್ರೀಯ ಪಂದ್ಯಗಳಲ್ಲಿ ಮಾತ್ರ ಭಾರತ ಮತ್ತು ಪಾಕಿಸ್ತಾನ ಮುಖಾಮುಖಿಯಾಗಿವೆ.
ಇದನ್ನೂ ಓದಿ: U19 ವಿಶ್ವಕಪ್ ಅಭ್ಯಾಸ ಪಂದ್ಯ: ಆಸ್ಟ್ರೇಲಿಯಾ ವಿರುದ್ಧ ಭಾರತಕ್ಕೆ 9 ವಿಕೆಟ್‌ಗಳ ಜಯ
