ನವದೆಹಲಿ: ಮೆಗಾ ಹರಾಜಿನಲ್ಲಿ ಮುಂಬೈ ಇಂಡಿಯನ್ಸ್ ಯುವ ಆರಂಭಿಕ ಬ್ಯಾಟರ್ ಇಶಾನ್ ಕಿಶನ್ಗೆ 15 ಕೋಟಿ ರೂಪಾಯಿಗಿಂತ ಹೆಚ್ಚಿನ ಹಣ ನೀಡಿ ಖರೀಸಿದ್ದಕ್ಕೆ ಆಸ್ಟ್ರೇಲಿಯಾದ ಮಾಜಿ ಆಲ್ರೌಂಡರ್ ಟೀಕಿಸಿದ್ದು, ಯುವ ಆರಂಭಿಕ ಬ್ಯಾಟರ್ ಫ್ರಾಂಚೈಸಿ ನೀಡಿದಷ್ಟು ವೇತನಕ್ಕೆ ಯೋಗ್ಯರಲ್ಲ ಎಂದು ಅಭಿಪ್ರಾಯ ಪಟ್ಟಿದ್ದಾರೆ.
ಇಶಾನ್ ಕಿಶನ್ಗೆ 15.25 ಕೋಟಿ ರೂ ನೀಡಿದ್ದು, ಮತ್ತು ಭುಜದ ನೋವಿನಿಂದ ಬಳಲುತ್ತಿರುವ ಇಂಗ್ಲೆಂಡ್ ವೇಗಿ ಜೋಫ್ರಾ ಆರ್ಚರ್ ಐಪಿಎಲ್ ಆಡುವುದು ಖಚಿತವಲ್ಲದಿದ್ದರು 8 ಕೋಟಿ ರೂ ನೀಡಿ ಖರೀದಿಸಿದೆ. ಹಾಗಾಗಿ ಪ್ರಸ್ತುತ ಸರಿಯಾದ ತಂಡದ ಸಂಯೋಜನೆ ಮಾಡಲಾಗದೆ ಸತತ 6 ಪಂದ್ಯಗಳಲ್ಲಿ ಸೋಲು ಕಂಡು ವೈಫಲ್ಯ ಅನುಭವಿಸುತ್ತಿದೆ.
5 ಬಾರಿಯ ಚಾಂಪಿಯನ್ಸ್ ಮುಂಬೈ ಇಂಡಿಯನ್ಸ್ ರೋಹಿತ್ ಶರ್ಮಾ, ಜಸ್ಪ್ರೀತ್ ಬುಮ್ರಾ, ಸೂರ್ಯಕುಮಾರ್ ಯಾದವ್, ಕೀರನ್ ಪೊಲಾರ್ಡ್ರನ್ನು ರಿಟೈನ್ ಮಾಡಿಕೊಂಡಿತ್ತು.
ದಿ ಗ್ರೇಡ್ ಕ್ರಿಕೆಟರ್ ಪೋಡ್ಕಾಸ್ಟ್ನಲ್ಲಿ ಮಾತನಾಡಿರುವ ವಾಟ್ಸನ್, ನನಗೆ ಮುಂಬೈ ಇಂಡಿಯನ್ಸ್ ಅಂಕಪಟ್ಟಿಯಲ್ಲಿ ಕೊನೆಯ ಸ್ಥಾನದಲ್ಲಿರುವುದಕ್ಕೆ ಆಶ್ಚರ್ಯವಾಗುತ್ತಿಲ್ಲ. ಏಕೆಂದರೆ ಅವರು ಹರಾಜನಲ್ಲಿ ಕೆಲವು ಆಶ್ಚರ್ಯಕರ ರೀತಿಯಲ್ಲಿ ಆಟಗಾರರನ್ನು ಖರೀದಿಸಿದ್ದಾರೆ ಎಂದು ತಿಳಿಸಿದ್ದಾರೆ.
ಇಶಾನ್ ಕಿಶನ್ ಮೇಲೆ ಸಿಕ್ಕಾಬಟ್ಟೆ ಹಣ ಹೂಡಿದ್ದಾರೆ.. ಆತನ ಒಬ್ಬ ಉತ್ತಮ ಪ್ರತಿಭಾವಂತ ಮತ್ತು ಕೌಶಲ್ಯವುಳ್ಳ ಆಟಗಾರ. ಆದರೆ ನೀವು ನೀಡಿರುವಷ್ಟು ವೇತನಕ್ಕೆ ಯೋಗ್ಯನಲ್ಲ. ಮತ್ತೆ ನೀವು ಜೋಫ್ರಾ ಆರ್ಚರ್ ಮೇಲೆ ಹಣ ಹೂಡಿರುವುದು, ಆತ ಯಾವಾಗ ಮರಳುತ್ತಾರೆ ಎನ್ನುವುದರ ಬಗ್ಗೆ ಗೊತ್ತಿಲ್ಲದೆ ಖರೀದಿಸಲಾಗಿದೆ. ಮೊದಲಾಗಿ ಆತ ಕೆಲವು ಸಮಯಗಳಿಂದ ಕ್ರಿಕೆಟ್ ಆಡಿಲ್ಲ. ಇಷ್ಟೇ ಅಲ್ಲದೆ ಅವರು ತಂಡದಲ್ಲಿ ಕೆಲವೊಂದು ನ್ಯೂನತೆಗಳನ್ನು ಹೊಂದಿದ್ದಾರೆ ಎಂದು ವಾಟ್ಸನ್ ತಿಳಿಸಿದ್ದಾರೆ.
ಇದನ್ನೂ ಓದಿ:IPL ಇತಿಹಾಸದಲ್ಲಿ ಮೊದಲ 6 ಪಂದ್ಯಗಳಲ್ಲಿ ಸೋಲು.. ಮುಂಬೈ ಇಂಡಿಯನ್ಸ್ ಈ ಬೇಡದ ದಾಖಲೆ ಪಟ್ಟಿಗೆ ಸೇರಿದ 3ನೇ ತಂಡ!
