ದುಬೈ: ಐಸಿಸಿ ಟಿ-20 ವಿಶ್ವಕಪ್ನ ಸೂಪರ್-12 ಹಂತದ ಗ್ರೂಪ್ 1ರಲ್ಲಿ ಇಂದು ದಕ್ಷಿಣ ಆಫ್ರಿಕಾ ಹಾಗೂ ವೆಸ್ಟ್ ಇಂಡೀಸ್ ತಂಡಗಳು ಮುಖಾಮುಖಿಯಾಗಲಿವೆ. ಇದೀಗ ಟಾಸ್ ಗೆದ್ದ ದಕ್ಷಿಣ ಆಫ್ರಿಕ ತಂಡ ಬೌಲಿಂಗ್ ಆಯ್ದುಕೊಂಡಿದೆ.
ಈಗಾಗಲೇ ಆಡಿರುವ ಮೊದಲ ಪಂದ್ಯದಲ್ಲಿ ಸೋಲು ಕಂಡಿರುವ ಉಭಯ ತಂಡಗಳು ಇಂದಿನ ಪಂದ್ಯದಲ್ಲಿ ಗೆಲುವು ದಾಖಲು ಮಾಡುವ ಇರಾದೆಯೊಂದಿಗೆ ಕಣಕ್ಕಿಳಿಯಲಿವೆ.
ಇಂಗ್ಲೆಂಡ್ ವಿರುದ್ಧದ ಪಂದ್ಯದಲ್ಲಿ ಹಾಲಿ ಚಾಂಪಿಯನ್ ವೆಸ್ಟ್ ಇಂಡೀಸ್ ತಂಡ ಕೇವಲ 55ರನ್ಗಳಿಗೆ ಸರ್ವಪತನಗೊಂಡು ಸೋಲು ಅನುಭವಿಸಿದ್ದರೆ, ಮತ್ತೊಂದು ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ ತಂಡ ಆಸ್ಟ್ರೇಲಿಯಾ ವಿರುದ್ಧ 5 ವಿಕೆಟ್ಗಳ ಸೋಲು ಕಂಡಿದೆ.
ಸಂಭವನೀಯ ಆಟಗಾರರು
ದಕ್ಷಿಣ ಆಫ್ರಿಕಾ: ಕ್ವಿಂಟನ್ ಡಿಕಾಕ್(ವಿ.ಕೀ), ಬುವಂ(ಕ್ಯಾಪ್ಟನ್), ದುಸ್ಸೆನ್, ಮಾರ್ಕ್ರಾಮ್, ಡೆವಿಡ್ ಮಿಲ್ಲರ್, ಹೆನ್ರಿಚ್ ಕ್ಲೆಸೆನ್,ಕೇಶವ್ ಮಹಾರಾಜ್,ಡ್ವೇನಿ ಪ್ರಿಟೋರಿಸ್, ಕಾಗಿಸೊ ರಬಾಡಾ, ಅನ್ರಿಚ್ ನೊರ್ಟ್ಜ್, ಶಮ್ಸಿ.
ವೆಸ್ಟ್ ಇಂಡೀಸ್: ಸಿಮನ್ಸ್, ಲಿವಿಸ್, ಕ್ರಿಸ್ ಗೇಲ್, ಶಿಮ್ರಾನ್ ಹೆಟ್ಮಾಯರ್, ಡ್ವೇನ್ ಬ್ರಾವೋ, ಪೂರನ್(ವಿ.ಕೀ), ಕಿರಣ್ ಪೊಲಾರ್ಡ್(ಕ್ಯಾಪ್ಟನ್),ಆಂಡ್ರೊ ರೆಸೆಲ್,ಹೊಸೆನ್, ರವಿ ರಾಂಪಾಲ್, ಒಬ್ಡಿ ಮ್ಯಾಕೊ.
ಸ್ಥಳ: ದುಬೈ ಅಂತಾರಾಷ್ಟ್ರೀಯ ಕ್ರಿಕೆಟ್ ಮೈದಾನ, ದುಬೈ
ಇದನ್ನೂ ಓದಿ: ಪಂದ್ಯ ಸೋತಾಗ ಕೊಹ್ಲಿ ತೋರಿಸಿದ ನಡವಳಿಕೆ ಪುಟಿದೇಳುವ ವಿಶ್ವಾಸ ತೋರಿಸುತ್ತದೆ: ಸನಾ ಮೀರ್
