On This Day: ದ್ರಾವಿಡ್ - ಗಂಗೂಲಿ - ಕೊಹ್ಲಿ ಟೆಸ್ಟ್ ವೃತ್ತಿಜೀವನ ಪ್ರಾರಂಭಿಸಿದ ದಿನ

ಭಾರತೀಯ ಕ್ರೀಡಾ ಜಗತ್ತಿನಲ್ಲಿ ಇಂದು ವಿಶೇಷ ದಿನ. ಇದೇ ದಿನ ಟೀಂ ಇಂಡಿಯಾದ ಮೂವರು ಮಾಜಿ ನಾಯಕರು ತಮ್ಮ ಟೆಸ್ಟ್ ಕ್ರಿಕೆಟ್ ಜೀವನ ಆರಂಭಿಸಿದ್ದಾರೆ. ಭಾರತೀಯ ಕ್ರಿಕೆಟ್ ಅನ್ನು ಉನ್ನತ ಹಂತಕ್ಕೆ ಕೊಂಡೊಯ್ಯುವಲ್ಲಿ ಈ ಮೂವರೂ ಕೊಡುಗೆ ನೀಡಿದ್ದಾರೆ, ಇದನ್ನು ಇಂದು ಬಿಸಿಸಿಐ ಸ್ಮರಿಸಿದೆ.

ನವದೆಹಲಿ: ಭಾರತೀಯ ಕ್ರೀಡಾ ಜಗತ್ತಿನಲ್ಲಿ ಇಂದಿನ ದಿನವು ಹೆಚ್ಚಿನ ಪ್ರಾಮುಖ್ಯತೆಯನ್ನು ಹೊಂದಿದೆ, ಏಕೆಂದರೆ ಈ ದಿನ, ಜೂನ್ 20 ರಂದು, ಭಾರತೀಯ ಕ್ರಿಕೆಟ್‌ನ 3 ಶ್ರೇಷ್ಠ ಆಟಗಾರರು ಪದಾರ್ಪಣೆ ಮಾಡಿದ ದಿನವಾಗಿದೆ. ಈ ದಿನ, ಭಾರತ ಕ್ರಿಕೆಟ್ ತಂಡದ 3 ದಿಗ್ಗಜ ಬ್ಯಾಟ್ಸ್‌ಮನ್‌ಗಳಲ್ಲಿ ರಾಹುಲ್ ದ್ರಾವಿಡ್, ಸೌರವ್ ಗಂಗೂಲಿ ಮತ್ತು ವಿರಾಟ್ ಕೊಹ್ಲಿ ತಮ್ಮ ಟೆಸ್ಟ್ ಪಂದ್ಯದ ವೃತ್ತಿಜೀವನವನ್ನು ಪ್ರಾರಂಭಿಸಿದರು. ಟ್ವಿಟರ್​ನಲ್ಲಿ ಆನ್​​ ದಿಸ್​ ಡೇ ಎಂದು ಬಿಸಿಸಿಐ ಹಳೆ ನೆನಪನ್ನು ಹಂಚಿಕೊಂಡಿದೆ.

• A day that marked the beginning of three stellar careers in the longest format of the game 👏🏻👏🏻
  
  🗓️ #OnThisDay
  
  Rahul Dravid, @SGanguly99 and @imVkohli made their Test Debuts for #TeamIndia 🙌 pic.twitter.com/UqhmzLRx7h

  — BCCI (@BCCI) June 20, 2023 " class="align-text-top noRightClick twitterSection" data="

  A day that marked the beginning of three stellar careers in the longest format of the game 👏🏻👏🏻
  
  🗓️ #OnThisDay
  
  Rahul Dravid, @SGanguly99 and @imVkohli made their Test Debuts for #TeamIndia 🙌 pic.twitter.com/UqhmzLRx7h

  — BCCI (@BCCI) June 20, 2023

  ">

  A day that marked the beginning of three stellar careers in the longest format of the game 👏🏻👏🏻
  
  🗓️ #OnThisDay
  
  Rahul Dravid, @SGanguly99 and @imVkohli made their Test Debuts for #TeamIndia 🙌 pic.twitter.com/UqhmzLRx7h

  — BCCI (@BCCI) June 20, 2023

1996 ರಲ್ಲಿ ರಾಹುಲ್ ದ್ರಾವಿಡ್ ಮತ್ತು ಸೌರವ್ ಗಂಗೂಲಿ ಇಂಗ್ಲೆಂಡ್ ವಿರುದ್ಧ ಟೆಸ್ಟ್ ಪಂದ್ಯವನ್ನು ಒಟ್ಟಿಗೆ ಪ್ರಾರಂಭಿಸಿದರು ಮತ್ತು ಈ ಟೆಸ್ಟ್ ಪಂದ್ಯದಲ್ಲಿ ಇಬ್ಬರೂ ಅದ್ಭುತ ಇನ್ನಿಂಗ್ಸ್ ಆಡಿದರು. ಈ ಪಂದ್ಯದಲ್ಲಿ ಸೌರವ್ ಗಂಗೂಲಿ ಭರ್ಜರಿ ಶತಕ ಸಿಡಿಸಿದ್ದರು. ಆದರೆ, ರಾಹುಲ್ ದ್ರಾವಿಡ್ ಶತಕ ಗಳಿಸುವ ಅವಕಾಶ ವಂಚಿತರಾದರು. ಸೌರವ್ ಗಂಗೂಲಿ ಅವರು ಅಜರುದ್ದೀನ್ ಅವರ ನಾಯಕತ್ವದಲ್ಲಿ 1996 ರಲ್ಲಿ ಇಂಗ್ಲೆಂಡ್ ಪ್ರವಾಸಕ್ಕೆ ತೆರಳಿದ್ದ ಭಾರತ ತಂಡದಲ್ಲಿ ಆಡುವಾಗ ಲಾರ್ಡ್ಸ್ ಮೈದಾನದಲ್ಲಿ ತಮ್ಮ ಚೊಚ್ಚಲ ಟೆಸ್ಟ್ ಪಂದ್ಯವನ್ನು ಆಡಿದರು.

ಎಡಗೈ ಬ್ಯಾಟ್ಸ್‌ಮನ್ ಸೌರವ್ ಗಂಗೂಲಿ ಮೊದಲ ಪಂದ್ಯದಲ್ಲಿ 131 ರನ್‌ಗಳ ಅದ್ಭುತ ಇನ್ನಿಂಗ್ಸ್‌ನೊಂದಿಗೆ ಪದಾರ್ಪಣೆ ಮಾಡಿದರು, ಆದರೆ ರಾಹುಲ್ ದ್ರಾವಿಡ್ ತಮ್ಮ ಮೊದಲ ಪಂದ್ಯದಲ್ಲಿ 5 ರನ್‌ಗಳಿಂದ ತಮ್ಮ ಶತಕವನ್ನು ತಪ್ಪಿಸಿಕೊಂಡರು ಮತ್ತು ಕೇವಲ 95 ರನ್ ಗಳಿಸಿ ಔಟಾದರು. ನಂತರ ಭಾರತ ತಂಡದಲ್ಲಿ ರಾಹುಲ್​ ದ್ರಾವಿಡ್​ ಅವರನ್ನು ಗೋಡೆ ಎಂದೇ ಕರೆಯಲಾಗುತ್ತದೆ. ಟೆಸ್ಟ್​ನಲ್ಲಿ ಅವರು ಕ್ರೀಸ್​ಗೆ ಬಂದರೆ ಅವರ ವಿಕೆಟ್ ತೆಗೆಯಲು ಬೌಲರ್​ಗಳು ಹರಸಾಹಸವೇ ಪಡೆಬೇಕಾಗಿತ್ತು. ಪ್ರಸ್ತುತ ಭಾರತ ತಂಡದ ಕೋಚ್​ ಆಗಿದ್ದಾರೆ. ದ್ರಾವಿಡ್​ 164 ಪಂದ್ಯಗಳಿಂದ 286 ಇನ್ನಿಂಗ್ಸ್​ ಆಡಿದ್ದು, 52.31ರ ಸರಾಸರಿಯಲ್ಲಿ 5 ದ್ವಿಶತಕ 36 ಶತಕ, 63 ಅರ್ಧಶತಕ ಸಹಿತ 13,288 ರನ್​ ಕಲೆಹಾಕಿದ್ದಾರೆ. ಅವರ ಅತ್ಯುತ್ತಮ ಸ್ಕೋರ್​ 270 ಆಗಿದೆ.

ಗಂಗೂಲಿ ದಾದಾ ಎಂದೇ ಕ್ರಿಕೆಟ್​ನಲ್ಲಿ ಜನಜನಿತ. ಗಂಗೂಲಿ ಲಾರ್ಡ್ಸ್​ನಲ್ಲಿ ಐತಿಹಾಸಿಕ ಗೆಲುವಿಗೆ ಟೀ ಶರ್ಟ್​ ಬಿಚ್ಚಿ ಸಂಭ್ರಮಿಸಿದ್ದು ಇಂದಿಗೂ ಕ್ರಿಕೆಟ್​ ಅಭಿಮಾನಿಗಳ ಕಣ್ಣಲ್ಲಿ ಹಾಗೇ ಇದೆ. ಬಿಸಿಸಿಐನ ಅಧ್ಯಕ್ಷರಾಗಿ ಕಾರ್ಯನಿರ್ವಹಿಸಿದ್ದರು. ಅವರ ಅಧಿಕಾರ ಅವಧಿಯ ನಂತರ ರೋಜರ್​ ಬಿನ್ನಿ ಅಧ್ಯಕ್ಷರಾಗಿದ್ದಾರೆ. ಗಂಗೂಲಿ 113 ಟೆಸ್ಟ್​ ಪಂದ್ಯದಲ್ಲಿ 188 ಇನ್ನಿಂಗ್ಸ್​ ಆಡಿದ್ದು, 42.2ರ ಸರಾಸರಿಯಲ್ಲಿ 16 ಶತಕ ಮತ್ತು 35 ಅರ್ಧಶತಕದಿಂದ 7212 ರನ್​ ಕಲೆಹಾಕಿದ್ದಾರೆ.

ಈ ಎರಡು ದಿಗ್ಗಜರ ಜೊತೆ ಇಂದು ಯೂಥ್​ ಐಕಾನ್​ ಆಗಿರುವ ಭಾರತ ತಂಡದ ಮಾಜಿ ನಾಯಕ ವಿರಾಟ್​ ಕೊಹ್ಲಿ ಸಹ ಟೆಸ್ಟ್​ಗೆ ಪದಾರ್ಪಣೆ ಮಾಡಿದ ದಿನವಾಗಿದೆ. ಅವರು ತಮ್ಮ ಮೊದಲ ಟೆಸ್ಟ್ ಪಂದ್ಯವನ್ನು 20 ಜೂನ್ 2011 ರಂದು ವೆಸ್ಟ್ ಇಂಡೀಸ್ ವಿರುದ್ಧ ಕಿಂಗ್ಸ್ಟನ್‌ನಲ್ಲಿ ಆಡಿದರು. ಮೊದಲ ಪಂದ್ಯದ ಮೊದಲ ಇನ್ನಿಂಗ್ಸ್‌ನಲ್ಲಿ ಕೊಹ್ಲಿ ಕೇವಲ ನಾಲ್ಕು ರನ್ ಮತ್ತು ಎರಡನೇ ಇನ್ನಿಂಗ್ಸ್‌ನಲ್ಲಿ ಕೇವಲ 15 ರನ್ ಗಳಿಸಿದ್ದರು.

ವಿರಾಟ್​ ಕೊಹ್ಲಿ ಈ ವರೆಗೆ 109 ಟೆಸ್ಟ್ ಪಂದ್ಯಗಳಲ್ಲಿ 185 ಇನ್ನಿಂಗ್ಸ್​ ಆಡಿದ್ದು, 48.73 ರ ಸರಾಸರಿಯಲ್ಲಿ 7 ದ್ವಿಶತಕ, 28 ಶತಕ, 28 ಅರ್ಧಶತಕಗಳಿಂದ 8479 ರನ್​ ಕಲೆಹಾಕಿದ್ದಾರೆ. 254 ರನ್​ ಗಳಿಸಿರುವುದು ಅವರ ಅತ್ಯುತ್ತಮ ರನ್​ ಆಗಿದೆ.

ಇದನ್ನೂ ಓದಿ: ಸೆಕ್ಯೂರಿಟಿ ಗಾರ್ಡ್​ಗೆ ಥಳಿತ, ಗಂಗೂಲಿ ಆಪ್ತ ಕಾರ್ಯದರ್ಶಿಗೆ ನಿಂದನೆ ಆರೋಪ: ವ್ಯಕ್ತಿ ಬಂಧನ​