ನವದೆಹಲಿ: ಪ್ರಸಕ್ತ ಸಾಲಿನ ಇಂಡಿಯನ್ ಪ್ರೀಮಿಯರ್ ಲೀಗ್ನ ಹರಾಜು ಪ್ರಕ್ರಿಯೆ ಫೆ. 18ರಂದು ನಡೆಯಲಿದ್ದು, ಅದಕ್ಕಾಗಿ 1097 ಪ್ಲೇಯರ್ಸ್ ನೋಂದಣಿ ಮಾಡಿಕೊಂಡಿದ್ದಾರೆ. ಅದರಲ್ಲಿ ಶ್ರೀಶಾಂತ್ ಕೂಡ ತಮ್ಮ ಹೆಸರು ಸೇರ್ಪಡೆ ಮಾಡಿಕೊಂಡಿದ್ದಾರೆ.
ಐಪಿಎಲ್ ಆಟಗಾರರ ನೋಂದಣಿ ಕಾರ್ಯ ಇಂದು ಮುಕ್ತಾಯಗೊಂಡಿದ್ದು, ಇದರಲ್ಲಿ 863 ಅನ್ಕ್ಯಾಪ್ಡ್ ಪ್ಲೇಯರ್ಸ್ ಇದರಲ್ಲಿ 743ಭಾರತೀಯ ಪ್ಲೇಯರ್ಸ್ ಇದ್ದಾರೆ. ಪ್ರಮುಖವಾಗಿ ಟೂರ್ನಿಯಿಂದ ಆಸ್ಟ್ರೇಲಿಯಾದ ವೇಗಿ ಮಿಚೆಲ್ ಸ್ಟಾರ್ಕ್ ಹಾಗೂ ಇಂಗ್ಲೆಂಡ್ನ ಜೋ ರೂಟ್ ಹೊರಗುಳಿಯಲಿದ್ದಾರೆ. ವಿಶೇಷವೆಂದರೆ ಭಾರತದ ಎಸ್.ಶ್ರೀಶಾಂತ್ ಹಾಗೂ ಬಾಂಗ್ಲಾ ಕ್ರಿಕೆಟಿಗ ಶಕೀಬ್ ಅಲ್ ಹಸನ್ ಹರಾಜಿನಲ್ಲಿ ತಮ್ಮ ಹೆಸರು ನೋಂದಾಯಿಸಿಕೊಂಡಿದ್ದಾರೆ.
ಓದಿ: ಐಪಿಎಲ್ ಹರಾಜಿನಲ್ಲಿ 1097 ಪ್ಲೇಯರ್ಸ್: ಬಿಡ್ಡಿಂಗ್ನಲ್ಲಿ 743 ಭಾರತೀಯ ಆಟಗಾರರು!
ಪಟ್ಟಿಯಲ್ಲಿ 207 ಅಂತಾರಾಷ್ಟ್ರೀಯ ಪ್ಲೇಯರ್ಸ್ ಹಾಗೂ 863 ಅನ್ಕ್ಯಾಪ್ಡ್ ಪ್ಲೇಯರ್ಸ್, 27 ಅಸೋಸಿಯೇಷನ್ ಮಟ್ಟದಲ್ಲಿ ಆಡಿರುವ ಪ್ಲೇಯರ್ಸ್ ಇದ್ದಾರೆ. 11 ಆಟಗಾರರ ಮೌಲ್ಯ 2 ಕೋಟಿ ರೂ.ಗಿಂತಲೂ ಅತ್ಯಧಿಕವಾಗಿದ್ದು, ಅದರಲ್ಲಿ ಶಕೀಬ್ ಕೂಡ ಒಬ್ಬರಾಗಿದ್ದಾರೆ. ಇನ್ನು ಶ್ರೀಶಾಂತ್ ತಮ್ಮ ಮೂಲ ಬೆಲೆ 75 ಲಕ್ಷ ರೂ. ಎಂದು ನಿಗದಿಪಡಿಸಿಕೊಂಡಿದ್ದಾರೆ. ಉಳಿದಂತೆ ಕೇದಾರ್ ಜಾಧವ್, ಹರ್ಭಜನ್ ಸಿಂಗ್, ಗ್ಲೆನ್ ಮ್ಯಾಕ್ಸ್ವೆಲ್, ಸ್ಮಿತ್, ಮೊಯಿನ್ ಅಲಿ, ಜೇಸನ್ ರಾಯ್, ಪ್ಲಂಕೆಟ್, ಬಿಲ್ಲಿಂಗ್ಸ್ ಕೂಡ ಇದ್ದಾರೆ. ಹನುಮ ವಿಹಾರಿ, ಉಮೇಶ್ ಯಾದವ್, ಆರನ್ ಫಿಂಚ್ ತಮ್ಮ ಮೂಲ ಬೆಲೆ 1 ಕೋಟಿ ಎಂದು ಘೋಷಣೆ ಮಾಡಿದ್ದಾರೆ.
