ನ್ಯೂಯಾರ್ಕ್‌: ವಿಶ್ವದ ನಂಬರ್ ಒನ್ ಟೆನ್ನಿಸ್ ಆಟಗಾರ ನೊವಾಕ್ ಜೋಕೊವಿಕ್ ವೆಸ್ಟರ್ನ್ ಅಂಡ್ ಸದರ್ನ್ ಓಪನ್ ಪ್ರಶಸ್ತಿ ಗೆಲ್ಲುವ ಮೂಲಕ ವೃತ್ತಿ ಜೀವನದಲ್ಲಿ 35ನೇ ಮಾಸ್ಟರ್ಸ್ ಪ್ರಶಸ್ತಿ ಗೆದ್ದಿದ್ದಾರೆ.
ಈ ಟೂರ್ನಿ ಗೆಲ್ಲುವ ಮೂಲಕ ಸರ್ಬಿಯನ್ ಟೆನ್ನಿಸ್ಪಟು ಸ್ಪೇನಿನ ರಾಫೆಲ್ ನಡಾಲ್ (35)ರ ದಾಖಲೆಯನ್ನು ಸರಿಗಟ್ಟಿದರು. ನಡಾಲ್ ಕೂಡ 35 ಮಾಸ್ಟರ್ 1000 ಟೂರ್ನಿ ಗೆದ್ದಿದ್ದಾರೆ.
ಜೊಕೊವಿಚ್‌ ನಿನ್ನೆ ನಡೆದ ಫೈನಲ್ ಪಂದ್ಯದಲ್ಲಿ ಕೆನಡಾದ ಮಿಲೊಸ್‌ ರಾನಿಕ್ ವಿರುದ್ಧ 1-6, 6-3, 6-4 ಸೆಟ್ಗಳ ಅಂತರದಿಂದ ಮಣಿಸಿ ವೆಸ್ಟರ್ನ್ ಮತ್ತು ಸದರ್ನ್ ಟ್ರೋಫಿ ಎತ್ತಿ ಹಿಡಿದಿದ್ದಾರೆ.
ನಾನು ಯಾವಾಗಲು ಮಾನಸಿಕವಾಗಿ ಮತ್ತು ಭಾವನಾತ್ಮಕವಾಗಿ ಸವಾಲಾಗಿರುತ್ತೇನೆ. ಹಾಗಿದ್ದಾಗ ಮಾತ್ರ ಉನ್ನತಮಟ್ಟದ ಟೂರ್ನಿಗಳಲ್ಲಿಸ್ಪರ್ಧಿಸಲು ಮತ್ತು ಪ್ರಶಸ್ತಿ ಗೆಲ್ಲಲು ಸಾಧ್ಯವಾಗುತ್ತದೆ ಎಂದು ಜೋಕೊವಿಕ್ ಹೇಳಿದ್ದಾರೆ. ಜೊತೆಗೆ ಈ ವರ್ಷ ಆಡಿದ ಎಲ್ಲಾ ಪಂದ್ಯಗಳಲ್ಲೂ ಗೆಲುವು ಸಾಧಿಸಿರುವುದಕ್ಕೆ ಸಂತೋಷವಿದೆ ಎಂದು ಅವರು ತಿಳಿಸಿದ್ದಾರೆ.
ಜೊಕೊವಿಚ್‌ 2016ರ ವಿಂಬಲ್ಡನ್‌ ಟೂರ್ನಿಯ ರನ್ನರ್‌ಅಪ್‌ ಆಗಿರುವ ರಾನಿಕ್ ಎದುರು ಆಡಿದ ಎಲ್ಲಾ 11 ಪಂದ್ಯ ದಲ್ಲೂ ಗೆಲುವು ಸಾಧಿಸಿದಂತಾಗಿದೆ.
ಮಹಿಳೆಯರ ವಿಭಾಗದ ಫೈನಲ್ ಪಂದ್ಯದಿಂದ ಜಪಾನ್ನ ನವೋಮಿ ಒಸಾಕಾ ಗಾಯದ ಕಾರಣ ಹಿಂದೆ ಸರಿದಿದ್ದರಿಂದ ವಿಕ್ಟೋರಿಯಾ ಅಜರೆಂಕಾ ಚಾಂಪಿಯನ್ ಆದರು.
