ETV Bharat / sports

Virat Kohli: 13 ಸಹಸ್ರ ರನ್​ ಪೂರೈಸಿದ ಕಿಂಗ್​ ಕೊಹ್ಲಿ.. 77ನೇ ಅಂತಾರಾಷ್ಟ್ರೀಯ ’ವಿರಾಟ’ ಶತಕ

author img

By ETV Bharat Karnataka Team

Published : Sep 11, 2023, 8:18 PM IST

Virat Kohli
Virat Kohli

ಏಷ್ಯಾಕಪ್​ನ ಪಾಕಿಸ್ತಾನ ವಿರುದ್ಧದ ಪಂದ್ಯದಲ್ಲಿ 98 ರನ್​ ಗಳಿಸಿದ ಕೊಹ್ಲಿ ಏಕದಿನ ಅಂತಾರಾಷ್ಟ್ರೀಯ ಕ್ರಿಕೆಟ್​ನಲ್ಲಿ 13,000 ರನ್​ ಪೂರೈಸಿದರು.

ಪಾಕಿಸ್ತಾನದ ವಿರುದ್ಧ ವಿರಾಟ್​ ಕೊಹ್ಲಿ ಮತ್ತೆ ತಾನೇ ಬಾಸ್​ ಎಂದು ತೋರಿಸಿದ್ದಾರೆ. ಏಷ್ಯಾಕಪ್​ನ ಭಾರತ - ಪಾಕ್​ ಪಂದ್ಯದಲ್ಲಿ ವಿರಾಟ್​ ಕೊಹ್ಲಿ ಅದ್ಭುತ ಶತಕದ ಇನ್ನಿಂಗ್ಸ್​ ಆಡಿದರು. ರನ್​ ಮಷಿನ್​ ಕೊಹ್ಲಿ ಪಂದ್ಯದಲ್ಲಿ 98 ರನ್​ ಪೂರೈಸಿದ ಕೂಡಲೇ ಅಂತಾರಾಷ್ಟ್ರೀಯ ಏಕದಿನ ಕ್ರಿಕೆಟ್​ನಲ್ಲಿ 13,000 ಪೂರೈಸಿದ ದಾಖಲೆ ಮಾಡಿದರು.

13 ಸಾವಿರ ರನ್​ ಪೂರೈಸಿದ 5 ಬ್ಯಾಟರ್ ಕೊಹ್ಲಿ ಆಗಿದ್ದಾರೆ. ನಾಲ್ವರು ಆಟಗಾರರು ನಿವೃತ್ತಿ ತೆಗೆದುಕೊಂಡಿದ್ದಾರೆ. ಈಗಲೂ ಪಂದ್ಯಗಳನ್ನು ಆಡುತ್ತಿರುವ ಆಟಗಾರರಲ್ಲಿ ವಿರಾಟ್​ ಮಾತ್ರ ಇದ್ದಾರೆ. ಇವರಿಗೂ ಮೊದಲು ಭಾರತದ ಪರ ಸಚಿನ್​ ತೆಂಡೂಲ್ಕರ್​ ಈ ಸಾಧನೆ ಮಾಡಿದ್ದರು. ಸಚಿನ್​ ಏಕದಿನ ಕ್ರಿಕೆಟ್​ನಲ್ಲಿ ಅತಿ ಹೆಚ್ಚು ರನ್​ ಕಲೆ ಹಾಕಿದ ವಿಶ್ವದ ನಂ.1 ಆಟಗಾರ. ಅವರು ನಿವೃತ್ತಿಯ ವೇಳೆಗೆ ಏಕದಿನ ಕ್ರಿಕೆಟ್​ನಲ್ಲಿ 49 ಶತಕದಿಂದ 18,426 ರನ್​ ಗಳಿಸಿದ ದಾಖಲೆ ಹೊಂದಿದ್ದಾರೆ.

  • A monumental achievement today as @imVkohli crosses the 13,000-run mark in ODIs! Your unwavering commitment and exceptional consistency in the game make you a true cricketing legend. Keep those runs flowing and continue making us proud! 🇮🇳 pic.twitter.com/qS1UIZXEa4

    — Jay Shah (@JayShah) September 11, 2023 " class="align-text-top noRightClick twitterSection" data=" ">

ಸಚಿನ್​ ನಂತರ ಕುಮಾರ ಸಂಗಾಕಾರ (14234), ರಿಕ್ಕಿ ಪಾಂಟಿಂಗ್​ (13704) ಮತ್ತು ಸನತ್​ ಜಯಸೂರ್ಯ (13430) ಇದ್ದಾರೆ. ಈಗ ಇವರೆಲ್ಲ ಅಂತಾರಾಷ್ಟ್ರೀಯ ಕ್ರಿಕೆಟ್​ನಿಂದ ನಿವೃತ್ತಿ ತೆಗೆದುಕೊಂಡಿರುವುದರಿಂದ ಕಿಂಗ್​ ಕೊಹ್ಲಿ ಮುಂದಿನ ದಿನಗಳಲ್ಲಿ ಇವರ ಸ್ಕೋರ್​ನ್ನು ಮೀರುವ ಸಾಧ್ಯತೆ ಇದೆ. ಈ ವರ್ಷ ಏಕದಿನ ವಿಶ್ವಕಪ್​ ಇದ್ದು, ಫಾರ್ಮ್​ನಲ್ಲಿರುವ ಕೊಹ್ಲಿ ಸತತ ರನ್​ ಗಳಿಸಿದಲ್ಲಿ ಜಯಸೂರ್ಯ ಅವರ ರನ್​ ದಾಖಲೆ ಪುಡಿಯಾಗಲಿದೆ. ವಿರಾಟ್​ ಕೊಹ್ಲಿ ಕೇವಲ 267 ಇನ್ನಿಂಗ್ಸ್​ನಿಂದ 13000 ಪೋರೈಸಿದ ದಾಖಲೆಮಾಡಿದ್ದಾರೆ.

47ನೇ ಏಕದಿನ ಶತಕ: ಏಕದಿನ ಕ್ರಿಕೆಟ್​ನ 47ನೇ ಶತಕವನ್ನು ವಿರಾಟ್​ ಇಂದಿನ ಪಂದ್ಯದಲ್ಲಿ ಪೂರೈಸಿದ್ದಾರೆ. ಇನ್ನಿಂಗ್ಸ್​ನಲ್ಲಿ ರನ್​ ಮಷಿನ್​ ಕೊಹ್ಲಿ ಕೇವಲ 84 ಬಾಲ್​ನಲ್ಲಿ ಶತಕ ಪೂರೈಸಿದರು. ಶತಕದ ಮೊದಲ 50 ರನ್​ ಗಳಿಸಲು 55 ಬಾಲ್​ಗಳನ್ನು​ ತೆಗೆದುಕೊಂಡರೆ, ನಂತರದ 50 ಕೇವಲ 29 ಬಾಲ್​ಗಳನ್ನು​ ತೆಗೆದುಕೊಂಡರು. ಪಂದ್ಯದ ಅಂತ್ಯಕ್ಕೆ ವಿರಾಟ್​ ಅಜೇಯ 122 ರನ್​ನ ಇನ್ನಿಂಗ್ಸ್​ ಆಡಿದ್ದರು.

ಏಕದಿನ ಏಷ್ಯಾಕಪ್​ನಲ್ಲಿ ಶತಕದ ದಾಖಲೆ: ಏಕದಿನ ಮಾದರಿಯ ಏಷ್ಯಾಕಪ್​ನಲ್ಲಿ ವಿರಾಟ್​ ಕೊಹ್ಲಿ 4ನೇ ಶತಕ ದಾಖಲಿಸಿ ಈ ಪಟ್ಟಿಯಲ್ಲಿ ಎರಡನೇ ಸ್ಥಾನದಲ್ಲಿದ್ದಾರೆ. ಸನತ್​ ಜಯಸೂರ್ಯ ಈ ಪಟ್ಟಿಯಲ್ಲಿ 6 ಶತಕಗಳಿಂದ ಅಗ್ರ ಸ್ಥಾನದಲ್ಲಿದ್ದಾರೆ. ಕುಮಾರ್ ಸಂಗಕ್ಕರ್​ ಮತ್ತು ಶೋಯಬ್​ ಮಲ್ಲಿಕ್​ ನಂತರದ 3 ಮತ್ತು 4ನೇ ಸ್ಥಾನವನ್ನು ಕ್ರಮವಾಗಿ ಅಲಂಕರಿಸಿದ್ದಾರೆ.

ದಾಖಲೆಯ ಜೊತೆಯಾಟ: ಪಾಕಿಸ್ತಾನದ ವಿರುದ್ಧ ದಾಖಲೆಯ ಜೊತೆಯಾಟವನ್ನು ಭಾರತ ನೀಡಿದೆ. ಕೆಎಲ್​ ರಾಹುಲ್ ಮತ್ತು ವಿರಾಟ್ ಕೊಹ್ಲಿ ಈ ಪಂದ್ಯದಲ್ಲಿ 233 ರನ್​ ಜೊತೆಯಾಟ ಅಡಿದರು. ಇದಕ್ಕೂ ಮೊದಲು ನವಜೋತಿ ಸಿಂಗ್ ​ಸಿಧು ಮತ್ತು ಸಚಿನ್​ ತೆಂಡೂಲ್ಕರ್​ 231 ರನ್​ಗಳ ಪಾಲುದಾರಿಕೆಯನ್ನು 1996ರಲ್ಲಿ ಮಾಡಿದ್ದರು. ಇಂದು 233 ರನ್​ ಜೊತೆಯಾಟದ ಮೂಲಕ ಈ ದಾಖಲೆ ಬ್ರೇಕ್​ ಆಗಿದೆ. 2018 ರಲ್ಲಿ ಶಿಖರ್​ ಧವನ್​ ಮತ್ತು ರೋಹಿತ್​ 210 ರನ್​ಗಳು, 2005 ರಲ್ಲಿ ರಾಹುಲ್​ ದ್ರಾವಿಡ್​ ಮತ್ತು ಸೆಹ್ವಾಗ್​ 201 ರನ್​ಗಳ ಜೊತೆಯಾಟವಾಡಿದ್ದರು.

13000 ರನ್​ ಗಳಿಸಿ ದಾಖಲೆ ಬರೆದ ವಿರಾಟ್​ಗೆ ಬಿಸಿಸಿಐ ಕಾರ್ಯದರ್ಶಿ ಜಯ್​ ಎಕ್ಸ್​ ಆ್ಯಪ್​ನಲ್ಲಿ ಶುಭಾಶಯ ತಿಳಿಸಿದ್ದಾರೆ. ಅಲ್ಲದೇ ವಿರೇಂದ್ರ ಸೆಹ್ವಾಗ್​ ಸಹ ವಿರಾಟ್​ ಸಾಧನೆಯನ್ನು ತಮ್ಮ ಪೋಸ್ಟ್​ನಲ್ಲಿ ಹೊಗಳಿದ್ದಾರೆ.

ಇದನ್ನೂ ಓದಿ: ವಿರಾಟ್​, ರಾಹುಲ್​ ಶತಕದಾಟ... ಪಾಕಿಸ್ತಾನಕ್ಕೆ 357 ರನ್​ಗಳ ಬೃಹತ್​ ಗುರಿ

TAGGED:

Asia Cup 2023Pakistan vs NepalIND vs Pakindia vs pakistanpakistan vs indiaasia cup todays match

Quick Links / Policies

Get Us On

ETV Bharat IOS AppETV Bharat Google App

Please write to us, for media partnership and Ad-sales inquiries. Email: adops@etvbharat.com

ಆಯ್ದ ಲೇಖನಗಳು

ಥ್ಯಾಂಕ್ಸ್‌ ಲೆಟರ್‌ ಜೊತೆಗೆ ಗಿಫ್ಟ್‌ ಬಾಕ್ಸ್‌ ಕಳುಹಿಸಿಕೊಟ್ಟ ವಿರಾಟ್,​ ಅನುಷ್ಕಾ!: ಯಾರಿಗೆ? ಕಾರಣ ಗೊತ್ತಾ? - Virat Anushka Sent Gifts

ಬಾತ್ ರೂಂನಲ್ಲಿ ಎಷ್ಟು ಬಾರಿ ತೊಳೆದರೂ ಕಲೆಗಳು ಹೋಗುತ್ತಿಲ್ಲವೇ? ಈ ಸಲಹೆಗಳನ್ನು ಅನುಸರಿಸಿ! - Bathroom Cleaning Tips

ಬಹು ಬೆಳೆ ಬೇಸಾಯದಿಂದ ಹಾವೇರಿ ರೈತನಿಗೆ ಲಕ್ಷ ಲಕ್ಷ ಆದಾಯ - Multi Cropping

ಪಾದ - ಕೈಯಲ್ಲಿ ನೋವು, ಮರಗಟ್ಟುವ ಅನುಭವ ಆಗುತ್ತಿದೆಯಾ?; ಹಾಗಾದರೆ ಇದು ನರ ಹಾನಿಯ ಲಕ್ಷಣ ಇರಬಹುದು! - Pricking pain numbness in hands

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.