ವಿವಾದಾತ್ಮಕ ನಿರ್ದೇಶಕ ರಾಮ್ಗೋಪಾಲ್ ವರ್ಮಾ ಅವರಿಗೆ ಗ್ರೇಟರ್ ಹೈದರಾಬಾದ್ ಮುನ್ಸಿಪಲ್ ಕಾರ್ಪೊರೇಷನ್ 88 ಸಾವಿರ ರೂಪಾಯಿ ದಂಡ ವಿಧಿಸಿದೆ. ಅಷ್ಟಕ್ಕೂ ದಂಡ ಕಟ್ಟುವಂತ ತಪ್ಪು ರಾಮ್ಗೋಪಾಲ್ ವರ್ಮಾ ಮಾಡಿದ್ದಾದ್ರೂ ಏನು ಅಂತೀರಾ...?
ವಿವಾದಾತ್ಮಕ ಚಿತ್ರಗಳನ್ನು ಮಾಡುವ ಮೂಲಕವೇ ಸಮಸ್ಯೆಯಲ್ಲಿ ಸಿಲುಕುವ ರಾಮ್ಗೋಪಾಲ್ ವರ್ಮಾ ಈ ಬಾರಿ ಪವನ್ ಕಲ್ಯಾಣ್ಗೆ ಸಂಬಂಧಿಸಿದ 'ಪವರ್ ಸ್ಟಾರ್ ' ಸಿನಿಮಾ ವಿಚಾರವಾಗಿ ಸುದ್ದಿಯಲ್ಲಿದ್ದಾರೆ. ಇದಕ್ಕೆ ಸಂಬಂಧಿಸಿದಂತೆ ಕೆಲವು ದಿನಗಳ ಹಿಂದೆ ಪವರ್ ಸ್ಟಾರ್ ಅಭಿಮಾನಿಗಳು ನನ್ನ ಮೇಲೆ ಹಲ್ಲೆ ಮಾಡಿದ್ದಾರೆ ಎಂದು ಕೂಡಾ ರಾಮ್ಗೋಪಾಲ್ ವರ್ಮಾ ಆರೋಪಿಸಿದ್ದರು.
ಇನ್ನು ಈ ಚಿತ್ರದ ಪೋಸ್ಟರ್ಗಳನ್ನು ಎಲ್ಲೆಂದರಲ್ಲಿ ಅಂಟಿಸಿರುವ ಕಾರಣ ರಾಮ್ಗೋಪಾಲ್ ವರ್ಮಾಗೆ 88 ಸಾವಿರ ರೂಪಾಯಿ ದಂಡ ಕಟ್ಟುವಂತೆ ಹೈದರಾಬಾದ್ ಮಹಾನಗರ ಪಾಲಿಕೆ ಆದೇಶಿಸಿದೆ. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ವರ್ಮಾಗೆ ದಂಡ ವಿಧಿಸುತ್ತಿರುವುದು ಇದು ಎರಡನೇ ಬಾರಿ. ಇದೇ ತಿಂಗಳ 22 ರಂದು ಹೈದರಾಬಾದ್ ಜ್ಯೂಬ್ಲಿ ಹಿಲ್ಸ್ ಬಳಿ ಕೂಡಾ 2 ಪೋಸ್ಟರ್ ಅಂಟಿಸಿದ್ದಕ್ಕೆ 4 ಸಾವಿರ ರೂಪಾಯಿ ದಂಡ ವಿಧಿಸಲಾಗಿತ್ತು. ಆದರೆ ಈ ಬಾರಿ ಸುಮಾರು 30ಕ್ಕೂ ಹೆಚ್ಚು ಪೋಸ್ಟರ್ಗಳು ಕಂಡುಬಂದ ಕಾರಣ 88 ಸಾವಿರ ದಂಡ ವಿಧಿಸಲಾಗಿದೆ.
