ಅಮೆರಿಕ: ಚೀನಾ ವಿರುದ್ಧ ಟ್ರಂಪ್ ಮತ್ತೆ ಹರಿಹಾಯ್ದಿದ್ದಾರೆ. ಡ್ರಾಗನ್ ದೇಶದ ದೊಡ್ಡ ದೊಡ್ಡ ಐಟಿ, ಟೆಕ್ ಕಂಪನಿಗಳು ಹಾಗೂ ಅಲ್ಲಿನ ಪ್ರಮುಖ ಮಾಧ್ಯಮಗಳು ತಮ್ಮ ವಿರುದ್ಧ ಕೆಲಸ ಮಾಡುತ್ತಿವೆ ಎಂದು ಆರೋಪಿಸಿದ್ದಾರೆ. ಅಷ್ಟೇ ಅಲ್ಲ ಡೆಮಾಕ್ರಟಿಕ್ ಪಕ್ಷದ ಅಭ್ಯರ್ಥಿ ಜೋ ಬೈಡನ್ ಅವರನ್ನ ನಿಯಂತ್ರಿಸುತ್ತಿದ್ದು, ಅವರಿಗೆ ಬೆಂಬಲ ನೀಡುತ್ತಿವೆ ಎಂದು ದೂರಿದ್ದಾರೆ.
ಹತಾಶವಾಗಿರುವ ದೊಡ್ಡ ದೊಡ್ಡ ತಂತ್ರಜ್ಞಾನ, ದೊಡ್ಡ ದೊಡ್ಡ ಮಾಧ್ಯಮಗಳು, ದೊಡ್ಡ ದಾನಿಗಳು ವಿಶೇಷ ಆಸಕ್ತಿವಹಿಸಿ ನಿದ್ರೆ ಮಾಡುತ್ತಿರುವ ಜೋ ಬೈಡನ್ ಅವರನ್ನ ಬೆಂಬಲಿಸುತ್ತಿವೆ ಎಂದು ಟ್ರಂಪ್ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಅಧ್ಯಕ್ಷೀಯ ಚುನಾವಣೆಯ ನಿರ್ಣಾಯಕ ದಿನದ ಮುನ್ನಾದಿನ ಪ್ರಮುಖ ರಾಜ್ಯಗಳಲ್ಲಿ ಚುನಾವಣಾ ಪ್ರಚಾರ ಮಾಡಿ ಟ್ರಂಪ್ ಈ ಆರೋಪ ಮಾಡಿದರು. ಅವರು ಯಾವಾಗಲೂ ಭ್ರಷ್ಟರಾಗಲು ಬಯಸುತ್ತಾರೆ. ಅವರೊಬ್ಬ ಭ್ರಷ್ಟ ರಾಜಕಾರಣಿ. ನಾನು ಅವರಿಗೆ ಹೆದರುವುದಿಲ್ಲ. ಜನರಿಗೆ ಸತ್ಯ ಏನೆಂಬುದು ಗೊತ್ತಿದೆ ಎಂದು ಟ್ರಂಪ್ ಜೋ ಬೈಡನ್ ವಿರುದ್ಧ ವಾಗ್ದಾಳಿ ನಡೆಸಿದರು.
