ಬಾಲಿವುಡ್ ನಟಿ ಅನುಷ್ಕಾ ಶರ್ಮಾ ಈ ಬಾರಿ ಮೊದಲ ಬಾರಿಗೆ ಫ್ರಾನ್ಸ್ನಲ್ಲಿ ನಡೆದ 76ನೇ ಕಾನ್ ಚಲನಚಿತ್ರೋತ್ಸವದಲ್ಲಿ ಭಾಗವಹಿಸಿದ್ದು, ಫ್ಯಾಷನ್ ಅವತಾರದಲ್ಲಿ ರೆಡ್ ಕಾರ್ಪೆಟ್ ಮೇಲೆ ಹೆಜ್ಜೆ ಹಾಕಿದ್ದಾರೆ. ಕಾನ್ ಫಿಲ್ಮ್ ಫೆಸ್ಟಿವಲ್ನಲ್ಲಿ ಭಾಗಿಯಾಗಿರುವ ಫೋಟೋಗಳನ್ನು ನಟಿ ತಮ್ಮ ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದು, ಪಿಂಕ್ ಡ್ರೆಸ್ನಲ್ಲಿ ಗ್ಲಾಮರಸ್ ಆಗಿ ಕಾಣಿಸಿಕೊಂಡಿದ್ದಾಳೆ. ಅದಕ್ಕಿಂತ ಒಂದು ದಿನದ ಹಿಂದೆ ಹಂಚಿಕೊಂಡ ಫೋಟೋಗಳಲ್ಲಿ ಶ್ವೇತವರ್ಣದ ಬಟ್ಟೆ ತೊಟ್ಟು, ಮಾದಕ ನೋಟ ಬೀರಿದ್ದ ನಟಿ ಅನುಷ್ಕಾ ಶರ್ಮಾ.
ಶನಿವಾರ ಇನ್ಸ್ಟಾಗ್ರಾಂನಲ್ಲಿ ಕಾನ್ ಚಿತ್ರೋತ್ಸವದಲ್ಲಿ ತನ್ನ ಎರಡನೇ ದಿನದ ಫೋಟೋಗಳ ಸರಣಿಯನ್ನು ಹಂಚಿಕೊಂಡಿದ್ದು, "La nuit... @festivaldecannes," ಅವರು ಪೋಸ್ಟ್‌ಗೆ ಶೀರ್ಷಿಕೆ ನೀಡಿದ್ದಾರೆ. ಅನುಷ್ಕಾ ಗುಲಾಬಿ ಬಣ್ಣದ ಟ್ಯೂಬ್ ಟಾಪ್ ಧರಿಸಿ ಅದಕ್ಕೆ ಹೊಂದಿಕೆಯಾಗುವಂತಹ ಮಿನುಗುವ ಪ್ಯಾಂಟ್‌ ಧರಿಸಿ ಸುಂದರವಾಗಿ ಕಾಣುತ್ತಿದ್ದರು. ಉಡುಪಿಗೆ ತಕ್ಕಂತೆ ಮೃದುವಾದ ಗ್ಲಾಮ್ ಮೇಕ್ಅಪ್ ಮಾಡಿಕೊಂಡು, ಕಾರ್ಟಿಯರ್ ಅವರ ಪ್ರಾಡಾ ಆಭರಣಗಳನ್ನು ಧರಿಸಿ, ಕಾನ್ ಅಂಗಳಕ್ಕೆ ಕಾಲಿಟ್ಟಿದ್ದರು.
ಅಂದಕ್ಕೆ ಒಪ್ಪುವಂತೆ ತನ್ನ ಕೂದಲನ್ನು ಪೋನಿಟೇಲ್‌ ಕಟ್ಟಿದ ಫೋಟೋಗಳನ್ನು ಅನುಷ್ಕಾ ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಳ್ಳುತ್ತಿದ್ದಂತೆ ಅಭಿಮಾನಿಗಳು ಹಾರ್ಟ್ ಇಮೋಜಿಗಳು ಮತ್ತು ಫೈರ್ ಎಮೋಟಿಕಾನ್‌ಗಳಿಂದ ಕಾಮೆಂಟ್ ಬಾಕ್ಸ್ಗಳನ್ನು ತುಂಬಿದ್ದಾರೆ. "Queen is slayin!" ಎಂದು ಅಭಿಮಾನಿಯೊಬ್ಬರು ಕಾಮೆಂಟ್ ಮಾಡಿದ್ದಾರೆ."ಇಡೀ ಚಿತ್ರರಂಗದಲ್ಲಿ ನಿಮಗಿಂತ ಉತ್ತಮರು ಯಾರೂ ಇಲ್ಲ. ನೀವು ಅತ್ಯಂತ ಸುಂದರ ಮತ್ತು ಸುಂದರಿ" ಎಂದು ಸಾಮಾಜಿಕ ಮಾಧ್ಯಮ ಬಳಕೆದಾರರು ಕಮೆಂಟ್ಗಳ ಸುರಿಮಳೆ ಹರಿಸಿದ್ದಾರೆ.
ಕಾನ್ ಫಿಲ್ಮ್ ಫೆಸ್ಟಿವಲ್ನಲ್ಲಿ ಈ ಬಾರಿ ಡೆಬ್ಯೂ ಮಾಡಿರುವ ನಟಿ ಅನುಷ್ಕಾ ಶರ್ಮಾ, ಇನ್ - ಹೌಸ್ ಅಟೆಲಿಯರ್ ಮತ್ತು ಐವರಿ ಸಿಲ್ಕ್ ಟಫೆಟಾ ಗುಲಾಬಿಗಳಿಂದ ಕೈಯಿಂದ ಕಸೂತಿ ಮಾಡಲಾದ ಆಫ್-ಶೋಲ್ಡರ್ ಐವರಿ ರಿಚರ್ಡ್ ಕ್ವಿನ್ ಕೌಚರ್ ಗೌನ್‌ನಲ್ಲಿ ತಮ್ಮ ಚೊಚ್ಚಲ ಪ್ರದರ್ಶನ ನೀಡಿದ್ದಾರೆ. ನಟಿ ಜಿಯಾನ್ವಿಟೊ ರೊಸ್ಸಿಯ ಹೀಲ್ಸ್ ಮತ್ತು ಚೋಪರ್ಡ್‌ನಿಂದ ಹಳದಿ ಮತ್ತು ಬಿಳಿ ವಜ್ರದ ಉಂಗುರಗಳ ಜೊತೆಗೆ ಬಿಳಿ ಮತ್ತು ಹಳದಿ ಡೈಮಂಡ್ ಡ್ರಾಪ್ ಆಕಾರದ ಕಿವಿಯೋಲೆಗಳನ್ನು ತೊಟ್ಟಿದ್ದಾರೆ. ಅನುಷ್ಕಾ ಹೊರತುಪಡಿಸಿ, ಸಾರಾ ಅಲಿ ಖಾನ್ ಮತ್ತು ಮೃನಾಲ್ ಠಾಕೂರ್ ಈ ವರ್ಷದ ಪ್ರತಿಷ್ಠಿತ ಸಮಾರಂಭದಲ್ಲಿ ಡೆಬ್ಯೂ ಮಾಡಿದ್ದಾರೆ. ಐಶ್ವರ್ಯಾ ರೈ ಬಚ್ಚನ್ ಕೂಡ ರೆಡ್ ಕಾರ್ಪೆಟ್ ಮೇಲೆ ಮಿಂಚಿದ್ದಾರೆ.
ಮೇ 16 ರಂದು ಪ್ರಾರಂಭಗೊಂಡ ಕಾನ್ ಚಲನಚಿತ್ರೋತ್ಸವ ಇಂದು ಮುಕ್ತಾಯಗೊಳ್ಳಲಿದೆ. 1946 ರಲ್ಲಿ ಪ್ರಾರಂಭಗೊಂಡ ಈ ಕಾನ್ ಚಲನಚಿತ್ರೋತ್ಸವ ಚಲನಚಿತ್ರ ನಿರ್ದೇಶಕರಿಗೆ ತಮ್ಮ ಕೃತಿಗಳನ್ನು ಪ್ರದರ್ಶಿಸಲು ಮತ್ತು ಉತ್ಸವದಲ್ಲಿ ನೀಡಲಾಗುವ ಅತ್ಯುನ್ನತ ಪ್ರಶಸ್ತಿಯಾದ ಪಾಮ್ ಡಿ'ಓರ್ ಸೇರಿದಂತೆ ಪ್ರತಿಷ್ಠಿತ ಪ್ರಶಸ್ತಿಗಳಿಗೆ ಸ್ಪರ್ಧಿಸಲು ಒಂದು ಉತ್ತಮ ವೇದಿಕೆಯಾಗಿದೆ.
ಏತನ್ಮಧ್ಯೆ, ಸಿನಿಮಾಗಳನ್ನು ನೋಡುವುದಾದರೆ ಅನುಷ್ಕಾ ಶರ್ಮಾ ತಮ್ಮ ಮುಂಬರುವ ಕ್ರೀಡಾ ಬಯೋಪಿಕ್ ಚಿತ್ರ 'ಚಕ್ಡಾ ಎಕ್ಸ್‌ಪ್ರೆಸ್' ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ಚಿತ್ರವು ಭಾರತದ ಮಾಜಿ ಮಹಿಳಾ ಕ್ರಿಕೆಟಿಗರಾ ಜುಲನ್ ಗೋಸ್ವಾಮಿ ಅವರ ಜೀವನಾಧಾರಿತ ಸಿನಿಮಾವಾಗಿದ್ದು, ಪ್ರೋಸಿತ್ ರಾಯ್ ನಿರ್ದೇಶನ ಮಾಡಿದ್ದಾರೆ.
ಇದನ್ನೂ ಓದಿ: ಕಾನ್ ಅಂಗಳದಲ್ಲಿ ಸನ್ನಿ ಲಿಯೋನ್, ಮೌನಿ ರಾಯ್ ಸ್ಟನ್ನಿಂಗ್ ಲುಕ್: ರೆಡ್ ಕಾರ್ಪೆಟ್ ಮೇಲೆ ಹಕ್ಕಿಯಾದ ಊರ್ವಶಿ ರೌಟೇಲಾ
