ಬಾಲಿವುಡ್ ತಾರಾ ದಂಪತಿ ರಣ್ಬೀರ್ ಕಪೂರ್ ಮತ್ತು ಆಲಿಯಾ ಭಟ್ ಇದೇ ಮೊದಲ ಬಾರಿಗೆ ತಮ್ಮ ಮಗಳನ್ನು ಜಗತ್ತಿಗೆ ಪರಿಚಯಿಸಿ, ಗಮನ ಸೆಳೆದಿದ್ದಾರೆ. ಸೋಮವಾರ ಕ್ರಿಸ್ಮಸ್ ಶುಭ ಸಂದರ್ಭದಲ್ಲಿ ಪುತ್ರಿ ರಾಹಾ ಜೊತೆ 'ರಾಲಿಯಾ' ಕಾಣಿಸಿಕೊಂಡರು. ಪಾಪರಾಜಿಗಳ ಕ್ಯಾಮರಾಗೆ ಮಗಳೊಂದಿಗೆ ಪೋಸ್ ನೀಡಿ ಸದ್ದು ಮಾಡಿದ್ದಾರೆ. ಇಂದು ಮತ್ತೆ ಮಗಳೊಂದಿಗೆ ಕಾಣಿಸಿಕೊಳ್ಳುವ ಮೂಲಕ ಸೋಷಿಯಲ್ ಮೀಡಿಯಾ ಚರ್ಚೆಯ ವಿಷಯವಾಗಿದ್ದಾರೆ. ನ್ಯೂ ಇಯರ್ ವೆಕೇಶನ್ಗೆ ಹೊರಟಿರುವ ಇವರು ಮುಂಬೈನ ಕಲಿನಾ ವಿಮಾನ ನಿಲ್ದಾಣದಲ್ಲಿ ಕಾಣಿಸಿಕೊಂಡರು.
ಪಾಪರಾಜಿಗಳು ತಮ್ಮ ಅಧಿಕೃತ ಇನ್‌ಸ್ಟಾಗ್ರಾಮ್‌ ಅಕೌಂಟ್ನಲ್ಲಿ ವಿಡಿಯೋ ಶೇರ್ ಮಾಡಿದ್ದಾರೆ. ರಣ್ಬೀರ್ ಕಪೂರ್ ಕಾರಿನಿಂದ ಕೆಳಗಿಳಿದಿದ್ದು, ಪಾಪರಾಜಿಗಳು ನಟನ ಹೆಸರು ಹೇಳುತ್ತಿದ್ದಂತೆ ರಣ್ಬೀರ್ ಅವರತ್ತ ಕೈ ಬೀಸಿದರು. ನಂತರ, ಆಲಿಯಾ ಭಟ್ ಕಾರಿನಿಂದ ಹೊರಬಂದು ವಿಮಾನ ನಿಲ್ದಾಣದ ಗೇಟ್‌ನತ್ತ ಸಾಗಿದರು. ಮಗು ರಾಹಾರನ್ನು ಹಿಡಿದುಕೊಂಡಿರುವುದು ವಿಡಿಯೋದಲ್ಲಿದೆ. ನಿದ್ರೆಯಲ್ಲಿದ್ದ ರಾಹಾ ವಿಡಿಯೋದಲ್ಲಿ ಅಲ್ಪಸ್ವಲ್ಪ ಕಾಣಿಸಿಕೊಂಡಿದ್ದಾಳೆ.
ಆಲಿಯಾ ಭಟ್ ಪಾಪರಾಜಿಗಳನ್ನು ನೋಡಿ ಮುಗುಳ್ನಗೆ ಬೀರಿದ್ದು, ರಣ್ಬೀರ್ ಕಪೂರ್ ವಿಮಾನ ನಿಲ್ದಾಣ ಪ್ರವೇಶಿಸುವ ಮುನ್ನ ಥಂಬ್ಸ್-ಅಪ್ ಮಾಡಿ ಮುನ್ನಡೆದರು. ಏರ್ಪೋರ್ಟ್ನಲ್ಲಿ ಕ್ಯಾಶುವಲ್ ಆಗಿ ಅವರು ಕಾಣಿಸಿಕೊಂಡರು. ರಣ್ಬೀರ್ ಕಪೂರ್ ಬ್ಲ್ಯಾಕ್ ಪ್ರಿಂಟೆಡ್ ಹೂಡಿ, ಅದಕ್ಕೆ ಹೊಂದಿಕೆಯಾಗುವ ಪ್ಯಾಂಟ್, ಶೂಸ್ ಹಾಗೂ ಡಾರ್ಕ್ ಸನ್ ಗ್ಲಾಸ್ ಧರಿಸಿದ್ದರು. ಮತ್ತೊಂದೆಡೆ, ಆಲಿಯಾ ಭಟ್ ಬಿಳಿ ಟೀ ರ್ಟ್, ಬ್ಲ್ಯಾಕ್ ಪ್ಯಾಂಟ್ ಮತ್ತು ಸನ್ ಗ್ಲಾಸ್ನಲ್ಲಿ ಕಂಗೊಳಿಸಿದರು.
ಇದನ್ನೂ ಓದಿ: ರಾಮಮಂದಿರ ಉದ್ಘಾಟನೆ: ರಿಷಬ್ ಶೆಟ್ಟಿ, ಯಶ್ ಸೇರಿ ಚಿತ್ರರಂಗದ ಖ್ಯಾತನಾಮರಿಗೆ ಆಹ್ವಾನ
ನಿನ್ನೆ, ಆಲಿಯಾ ಮತ್ತು ರಣ್ಬೀರ್ ಜೋಡಿ ಕಪೂರ್ ಕುಟುಂಬದ ಕ್ರಿಸ್ಮಸ್ ಹಬ್ಬಾಚರಣೆಗೆ ಹಾಜರಾಗಿದ್ದರು. ಮಗಳೊಂದಿಗೆ ಪಾಪರಾಜಿಗಳಿಗೆ ಪೋಸ್ ನೀಡಿದರು. ಪುಟ್ಟ ಮಗು ವೈಟ್ ಫ್ರಾಕ್, ರೆಡ್ ಶೂಸ್, ಪೋನಿಟೇಲ್ ಹೇರ್ಸ್ಟೈಲ್ನಲ್ಲಿ ಬಹಳ ಮುದ್ದಾಗಿ ಕಾಣಿಸಿಕೊಂಡಿದೆ. ನಿನ್ನೆ ಇಡೀ ದಿನ ಸೋಷಿಯಲ್ ಮೀಡಿಯಾದಲ್ಲಿ ರಾಹಾಳದ್ದೇ ಸದ್ದು. ಕಳೆದ ವರ್ಷ ನವೆಂಬರ್ 6ರಂದು ರಾಹಾ ಜನಿಸಿ, ಕಪೂರ್ ಕುಟಂಬದ ಸಂತಸಕ್ಕೆ ಕಾರಣಳಾಗಿದ್ದಳು.
ಇದನ್ನೂ ಓದಿ: ಮುದ್ದು ಮಗಳನ್ನು ಜಗತ್ತಿಗೆ ಪರಿಚಯಿಸಿದ ರಣ್ಬೀರ್ ಕಪೂರ್-ಆಲಿಯಾ ದಂಪತಿ
ಕೆಲ ಸಮಯ ಡೇಟಿಂಗ್ನಲ್ಲಿದ್ದ ರಾಲಿಯಾ ಜೋಡಿ 2022ರ ಏಪ್ರಿಲ್ 14ರಂದು ಹಸೆಮಣೆ ಏರಿದ್ದರು. ಇದು ಆಪ್ತರಿಗಷ್ಟೇ ಸೀಮಿತವಾಗಿದ್ದ ಸಮಾರಂಭವಾಗಿತ್ತು. ಮುಂಬೈನ ನಿವಾಸದಲ್ಲಿ ಕುಟುಂಬಸ್ಥರ ಸಮ್ಮುಖದಲ್ಲಿ ಹಾರ ಬದಲಾಯಿಸಿಕೊಂಡಿದ್ದರು. ಕಳೆದ ಜೂನ್ನಲ್ಲೇ ಪೋಷಕರಾಗಲಿರುವ ವಿಚಾರವನ್ನು ರಾಲಿಯಾ ಜೋಡಿ ಘೋಷಿಸಿದ್ದರು.
