ಬೆಂಗಳೂರು: ರಾಜ್ಯದಲ್ಲಿ ಕೊರೊನಾ ಸೋಂಕು ತೀವ್ರ ಇಳಿಮುಖಗೊಂಡಿದೆ. ಇಂದು 32,915 ಮಂದಿಗೆ ಕೊರೊನಾ ಪರೀಕ್ಷೆ ನಡೆಸಿದ್ದು, ಇದರಲ್ಲಿ 93 ಮಂದಿಗೆ ಮಾತ್ರ ಸೋಂಕು ದೃಢಪಟ್ಟಿದೆ. ಅಲ್ಲದೇ ಒಬ್ಬರು ಸೋಂಕಿಗೆ ಬಲಿಯಾಗಿದ್ದಾರೆ. ಸೋಂಕಿತರ ಸಂಖ್ಯೆ 39,44,970ಕ್ಕೆ ಏರಿಕೆ ಆಗಿದೆ. ಪಾಸಿಟಿವ್ ದರ 0.28% ರಷ್ಟಿದೆ. ಇತ್ತ 128 ಸೋಂಕಿತರು ಗುಣಮುಖರಾಗಿದ್ದು ಈತನಕ 39,03,084 ಮಂದಿ ಡಿಸ್ಚಾರ್ಜ್ ಆಗಿದ್ದಾರೆ.
ರಾಜ್ಯದಲ್ಲಿ ಸದ್ಯ ಸಕ್ರಿಯ ಪ್ರಕರಣಗಳು 1802 ರಷ್ಟಿವೆ. ಸೋಂಕಿಗೆ ಒಬ್ಬ ಮೃತಪಟ್ಟಿದ್ದು, ಸಾವಿನ ಸಂಖ್ಯೆ 40,042 ರಷ್ಟಾಗಿದೆ. ಡೆತ್ ರೇಟ್ 1.07% ಇದೆ. ಬೆಂಗಳೂರಿನಲ್ಲಿ 75 ಮಂದಿಗೆ ಸೋಂಕು ತಗುಲಿದ್ದು, 17,81,216 ಕ್ಕೆ ಏರಿಕೆ ಆಗಿದೆ. 92 ಮಂದಿ ಡಿಸ್ಚಾರ್ಜ್ ಆಗಿದ್ದಾರೆ. ಈವರೆಗೆ 17,62,648 ಮಂದಿ ಸೋಂಕಿನಿಂದ ಚೇತರಿಸಿಕೊಂಡಿದ್ದಾರೆ.
ರೂಪಾಂತರಿ ವೈರಸ್ ಅಪ್ಡೇಟ್ಸ್.. ಅಲ್ಪಾ- 156, ಬೀಟಾ-08, ಡೆಲ್ಟಾ ಸಬ್ ಲೈನೇಜ್- 4620, ಇತರೆ- 311, ಒಮಿಕ್ರಾನ್- 3081, BAI.1.529- 828, BA1- 98, BA2- 2155
