ನವದೆಹಲಿ : ಈ ವರ್ಷದ ಮಾರ್ಚ್ನಲ್ಲಿ ದೇಶದ ಒಟ್ಟು ಜಿಎಸ್ಟಿ ಆದಾಯ ಹೆಚ್ಚಳವಾಗಿದೆ. ಮಾರ್ಚ್ನಲ್ಲಿ ಒಟ್ಟು ಜಿಎಸ್ಟಿ ಆದಾಯವು 1,60,122 ಕೋಟಿ ರೂಪಾಯಿಗೆ ಏರಿಕೆಯಾಗಿದೆ. ಇದು ಈ ವರ್ಷದ ಫೆಬ್ರವರಿಯಲ್ಲಿ 1,49,577 ಕೋಟಿ ರೂಪಾಯಿ ಆಗಿತ್ತು. ಸಂಗ್ರಹವಾಗಿರುವ ಒಟ್ಟು ರೂ 1,60,122 ಕೋಟಿ ರೂಪಾಯಿ ಜಿಎಸ್ಟಿಯಲ್ಲಿ 29,546 ಕೋಟಿ ರೂ. ಸಿಜಿಎಸ್ಟಿ, 37,314 ಕೋಟಿ ರೂ. ಎಸ್ಜಿಎಸ್ಟಿ, 82,907 ಕೋಟಿ ರೂ. ಐಜಿಎಸ್ಟಿ (ಸರಕುಗಳ ಆಮದಿನ ಮೇಲೆ ಸಂಗ್ರಹಿಸಲಾದ ರೂ 42,503 ಕೋಟಿಗಳು ಸೇರಿದಂತೆ) ಮತ್ತು ರೂ 10,355 ಕೋಟಿ ರೂ. ಸೆಸ್ (ಸರಕುಗಳ ಆಮದು ಮೇಲೆ ಸಂಗ್ರಹಿಸಿದ ರೂ 960 ಕೋಟಿ ಸೇರಿದಂತೆ) ಒಳಗೊಂಡಿವೆ ಎಂದು ಹಣಕಾಸು ಸಚಿವಾಲಯ ಶನಿವಾರ ಹೇಳಿಕೆಯಲ್ಲಿ ತಿಳಿಸಿದೆ.
ಪ್ರಸಕ್ತ ಹಣಕಾಸು ವರ್ಷದಲ್ಲಿ ಇದು ನಾಲ್ಕನೇ ಬಾರಿಗೆ ಒಟ್ಟು ಜಿಎಸ್ಟಿ ಸಂಗ್ರಹವು 1.5 ಲಕ್ಷ ಕೋಟಿ ರೂಪಾಯಿಗಳ ಗಡಿ ದಾಟಿದ್ದು, ಜಿಎಸ್ಟಿ ಜಾರಿಯಾದ ನಂತರ ಎರಡನೇ ಅತಿ ಹೆಚ್ಚು ಸಂಗ್ರಹವನ್ನು ದಾಖಲಿಸಿದೆ. ಈ ತಿಂಗಳು ಅತ್ಯಧಿಕ ಐಜಿಎಸ್ಟಿ ಸಂಗ್ರಹಕ್ಕೆ ಸಾಕ್ಷಿಯಾಗಿದೆ. ಸರ್ಕಾರವು 33,408 ಕೋಟಿ ಸಿಜಿಎಸ್‌ಟಿಗೆ ಮತ್ತು ರೂ 28,187 ಕೋಟಿ ಎಸ್‌ಜಿಎಸ್‌ಟಿಯಿಂದ ಐಜಿಎಸ್‌ಟಿಗೆ ರೆಗ್ಯೂಲರ್ ಸೆಟ್ಲಮೆಂಟ್ ಎಂದು ಇತ್ಯರ್ಥಪಡಿಸಿದೆ. ಐಜಿಎಸ್ಟಿ ಸೆಟ್ಲಮೆಂಟ್ ನಂತರ ಮಾರ್ಚ್ನಲ್ಲಿ ಕೇಂದ್ರ ಮತ್ತು ರಾಜ್ಯಗಳ ಒಟ್ಟು ಆದಾಯವು ಸಿಜಿಎಸ್‌ಟಿಗೆ ರೂ 62,954 ಕೋಟಿ ಮತ್ತು ಎಸ್‌ಜಿಎಸ್‌ಟಿಗೆ ರೂ 65,501 ಕೋಟಿ ರೂ. ಆಗಿದೆ.
2023 ರ ಮಾರ್ಚ್ ತಿಂಗಳ ಆದಾಯವು ಕಳೆದ ವರ್ಷದ ಇದೇ ತಿಂಗಳ ಜಿಎಸ್ಟಿ ಆದಾಯಕ್ಕಿಂತ ಶೇಕಾಡ 13 ರಷ್ಟು ಹೆಚ್ಚಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ತಿಂಗಳ ಅವಧಿಯಲ್ಲಿ, ಸರಕುಗಳ ಆಮದು ಆದಾಯವು ಶೇಕಡಾ 8 ರಷ್ಟು ಹೆಚ್ಚಾಗಿದೆ ಮತ್ತು ದೇಶೀಯ ವಹಿವಾಟಿನಿಂದ (ಸೇವೆಗಳ ಆಮದು ಸೇರಿದಂತೆ) ಆದಾಯವು ಕಳೆದ ವರ್ಷದ ಇದೇ ತಿಂಗಳಿನಲ್ಲಿ ಈ ಮೂಲಗಳಿಂದ ಬಂದ ಆದಾಯಕ್ಕಿಂತ 14 ಶೇಕಡಾ ಹೆಚ್ಚಾಗಿದೆ. ಮಾರ್ಚ್ 2023 ರಲ್ಲಿ ರಿಟರ್ನ್ ಫೈಲಿಂಗ್ ಇದುವರೆಗೆ ಅತ್ಯಧಿಕವಾಗಿದೆ. ಫೆಬ್ರವರಿಯ ಇನ್‌ವಾಯ್ಸ್‌ಗಳ 93.2 ಪ್ರತಿಶತ (GSTR-1 ರಲ್ಲಿ) ಮತ್ತು 91.4 ಪ್ರತಿಶತ ರಿಟರ್ನ್ಸ್‌ಗಳನ್ನು (GSTR-3B ನಲ್ಲಿ) ಮಾರ್ಚ್ 2023 ರವರೆಗೆ ಸಲ್ಲಿಸಲಾಗಿದೆ. ಇದು ಕಳೆದ ವರ್ಷ ಅದೇ ತಿಂಗಳಿಗೆ ಹೋಲಿಸಿದರೆ ಕ್ರಮವಾಗಿ 83.1 ಶೇಕಡಾ ಮತ್ತು 84.7 ಶೇಕಡಾ ಆಗಿದೆ.
2022-23 ರ ಒಟ್ಟು ಒಟ್ಟು ಸಂಗ್ರಹವು 18.10 ಲಕ್ಷ ಕೋಟಿ ರೂಪಾಯಿಗಳಷ್ಟಿದೆ ಮತ್ತು ಪೂರ್ಣ ವರ್ಷದ ಸರಾಸರಿ ಒಟ್ಟು ಮಾಸಿಕ ಸಂಗ್ರಹವು 1.51 ಲಕ್ಷ ಕೋಟಿ ರೂಪಾಯಿಯಾಗಿದೆ. 2022-23 ರಲ್ಲಿ ಒಟ್ಟು ಆದಾಯವು ಕಳೆದ ವರ್ಷಕ್ಕಿಂತ 22 ಶೇಕಡಾ ಹೆಚ್ಚಾಗಿದೆ. ಹಣಕಾಸು ವರ್ಷ 2022-23 ರ ಕೊನೆಯ ತ್ರೈಮಾಸಿಕದಲ್ಲಿ ಸರಾಸರಿ ಮಾಸಿಕ ಒಟ್ಟು GST ಸಂಗ್ರಹವು 1.55 ಲಕ್ಷ ಕೋಟಿ ಆಗಿದ್ದು, ಇದು ಮೊದಲ, ಎರಡನೇ ಮತ್ತು ಮೂರನೇ ತ್ರೈಮಾಸಿಕಗಳಲ್ಲಿ ಕ್ರಮವಾಗಿ 1.51 ಲಕ್ಷ ಕೋಟಿ, 1.46 ಲಕ್ಷ ಕೋಟಿ ಮತ್ತು 1.49 ಲಕ್ಷ ಕೋಟಿ ಆಗಿತ್ತು.
ಇದನ್ನೂ ಓದಿ : ಮೊಬೈಲ್ ಫೋನ್, ಬಟ್ಟೆ ಖರೀದಿಗೇ ಹೆಚ್ಚು ಹಣ ವ್ಯಯಿಸುತ್ತಿದೆ ಭಾರತದ ಯುವ ಸಮುದಾಯ!
