ಸ್ಯಾನ್ಫ್ರಾನ್ಸಿಸ್ಕೋ: ಟ್ರೆಂಡ್ ಮೈಕ್ರೊದ ಭದ್ರತಾ ಸಂಶೋಧಕರು ಪತ್ತೆ ಹಚ್ಚಿದ 85 ಆಡ್ವೇರ್ ಕುತಂತ್ರಾಂಶ ಅಪ್ಲಿಕೇಷನ್ಗಳನ್ನು ಗೂಗಲ್ ತನ್ನ ಪ್ಲೇ ಸ್ಟೋರ್ನಿಂದ ತೆಗೆದುಹಾಕಿದೆ.
ಗೂಗಲ್ ಪ್ಲೇ ಸ್ಟೋರ್ನಲ್ಲಿ ಬಳಕೆದಾರರ ಮೇಲೆ ಪ್ರಭಾವ ಬೀರುವ ಮತ್ತೊಂದು ಸುತ್ತಿನ ಆಡ್ವೇರ್ ಕುತಂತ್ರಾಂಶಗಳು ಇರುವುದು ಗಮನಕ್ಕೆ ಬಂದಿದೆ. ಟ್ರೆಂಡ್ ಮೈಕ್ರೋ ಇದನ್ನು ಆಂಡ್ರಾಯ್ಡ್ ಒಎಸ್_ಹಿಡೆನಡ್.ಎಚ್ಆರ್ಎಕ್ಸ್ಎಚ್ (AndroidOS_Hidenad.HRXH) ಎಂದು ಗುರುತಿಸಿದೆ. ಇವು ಪ್ರಸಾರವಾದ ಜಾಹೀರಾತುಗಳನ್ನು ನಿಷ್ಕ್ರಿಯಗೊಳಿಸಲು ಕಷ್ಟಕರವಾಗುವಂತೆ ಇದ್ದವು. ಬಳಕೆದಾರರ ನಡವಳಿಕೆ ಮತ್ತು ಸಮಯ ಆಧಾರಿತ ಪ್ರಚೋದಕ ಜಾಹೀರಾತುಗಳೇ ಪ್ರಸಾರ ಆಗುತ್ತಿದ್ದವು ಎಂದು ಟ್ರೆಂಡ್ ಮೈಕ್ರೋ ಬರೆದುಕೊಂಡಿದೆ.
ಗೂಗಲ್ ಕಂಪನಿಯ ಪ್ರಕಾರ, ಪತ್ತೆಯಾದ ಬಹುತೇಕ ಅಪ್ಲಿಕೇಷನ್‌ಗಳು ಛಾಯಾಚಿತ್ರ ಮತ್ತು ಗೇಮಿಂಗ್ ರೂಪದ ಮಾರುವೇಷದಲ್ಲಿ ಕಾರ್ಯಚರಣೆಯಲ್ಲಿದ್ದವು. ಅಂತಹವುಗಳನ್ನು ಎಂಟು ದಶಲಕ್ಷಕ್ಕೂ ಹೆಚ್ಚು ಬಾರಿ ಡೌನ್‌ಲೋಡ್ ಮಾಡಲಾಗಿದೆ. ಮುಖ್ಯವಾಗಿ ಸೂಪರ್ ಸೆಲ್ಫಿ, ಕಾಸ್ ಕ್ಯಾಮರಾ, ಪಾಪ್ ಕ್ಯಾಮರಾ ಮತ್ತು ಒನ್ ಸ್ಟ್ರೋಕ್ ಲೈನ್ ಫಝಲ್ ಸೇರಿ 85 ಆ್ಯಪ್ಗಳಿದ್ದವು ಎಂದು ಹೇಳಿದೆ.
