ಉಕ್ರೇನ್​​ನಲ್ಲಿರುವ ಭಾರತೀಯರ ರಕ್ಷಣೆಗೆ ನಾವು ಬದ್ಧ: ಪ್ರಧಾನಿ ಮೋದಿ

ವಾರಣಾಸಿ(ಉತ್ತರ ಪ್ರದೇಶ): ಉತ್ತರ ಪ್ರದೇಶ ವಿಧಾನಸಭೆಯ 7ನೇ ಹಾಗೂ ಕೊನೆಯ ಹಂತದ ಮತದಾನ ಮಾರ್ಚ್​ 7ರಂದು ನಡೆಯಲಿದ್ದು, ಆ ಕ್ಷೇತ್ರಗಳಲ್ಲಿ ಇದೀಗ ಬಿರುಸಿನ ಮತಬೇಟೆ ಕಾರ್ಯ ನಡೆದಿದೆ. ಪ್ರಧಾನಿ ನರೇಂದ್ರ ಮೋದಿ ಇಂದು ವಾರಣಾಸಿಯಲ್ಲಿ ಪ್ರಚಾರ ಕಾರ್ಯದಲ್ಲಿ ಭಾಗಿಯಾದರು.

ಈ ವೇಳೆ ಮಾತನಾಡಿರುವ ಪ್ರಧಾನಿ ಮೋದಿ, ಅನೇಕ ದೇಶಗಳು ಸಾಂಕ್ರಾಮಿಕ ರೋಗ, ಗಡಿ ಬಿಕ್ಕಟ್ಟು ಸೇರಿದಂತೆ ಅನಿಶ್ಚಿತತೆಯಿಂದ ಸಮಸ್ಯೆಗೊಳಗಾಗಿವೆ. ಆದರೆ, ಈ ಎಲ್ಲ ಬಿಕ್ಕಟ್ಟು ಎದುರಿಸಲು ಭಾರತ ಸಜ್ಜಾಗಿದೆ. ರಷ್ಯಾ-ಉಕ್ರೇನ್​​​ ಸಂಘರ್ಷ ಉಲ್ಲೇಖಿಸಿರುವ ನಮೋ, ಈ ಯುದ್ಧ ಜಾಗತಿಕತೆ ವ್ಯವಸ್ಥೆಯನ್ನು ಅಸ್ಥಿರಗೊಳಿಸಿದೆ. ಯುದ್ಧಪೀಡಿತ ದೇಶದಿಂದ ಭಾರತೀಯರನ್ನು ಸುರಕ್ಷಿತವಾಗಿ ಕರೆತರುವ ಕೆಲಸ ನಡೆಯುತ್ತಿದ್ದು, 'ಆಪರೇಷನ್​ ಗಂಗಾ' ಮೂಲಕ ಸಾವಿರಾರು ವಿದ್ಯಾರ್ಥಿಗಳನ್ನು ಸುರಕ್ಷಿತವಾಗಿ ತಾಯ್ನಾಡಿಗೆ ಕರೆತರಲಾಗಿದೆ ಎಂದರು.

• Huge turnout of people at PM Narendra Modi's roadshow in his parliamentary constituency of Varanasi, ahead of the seventh and the last phase of Uttar Pradesh Assembly elections pic.twitter.com/NZ14YdWKre

  — ANI UP/Uttarakhand (@ANINewsUP) March 4, 2022 " class="align-text-top noRightClick twitterSection" data="

  Huge turnout of people at PM Narendra Modi's roadshow in his parliamentary constituency of Varanasi, ahead of the seventh and the last phase of Uttar Pradesh Assembly elections pic.twitter.com/NZ14YdWKre

  — ANI UP/Uttarakhand (@ANINewsUP) March 4, 2022

  ">

  Huge turnout of people at PM Narendra Modi's roadshow in his parliamentary constituency of Varanasi, ahead of the seventh and the last phase of Uttar Pradesh Assembly elections pic.twitter.com/NZ14YdWKre

  — ANI UP/Uttarakhand (@ANINewsUP) March 4, 2022

ಇದನ್ನೂ ಓದಿ: ಉಕ್ರೇನ್​ನಲ್ಲಿ ಸಮರ: ಆಶ್ರಯ ತಾಣವಾಗಿರುವ ಬಂಕರ್​​ ಬಗ್ಗೆ ಮಾಹಿತಿ ನೀಡಿದ ಭಾರತೀಯ ವಿದ್ಯಾರ್ಥಿ

ಪ್ರಪಂಚದಲ್ಲಿ ಕೊರೊನಾ ಸೋಂಕು ಸಮಯದಲ್ಲಿ 'ವಂದೇ ಭಾರತ್​ ಮಿಷನ್'​ ಅಡಿ ವಿವಿಧ ದೇಶಗಳಲ್ಲಿ ಸಿಲುಕಿದ್ದ ಭಾರತೀಯರನ್ನು ಯಶಸ್ವಿಯಾಗಿ ಕರೆತರಲಾಗಿದೆ. ಅಫ್ಘಾನಿಸ್ತಾನದಲ್ಲಿ ಬಿಕ್ಕಟ್ಟು ಉಂಟಾಗಿದ್ದ ಸಂದರ್ಭದಲ್ಲೂ 'ಆಪರೇಷನ್​​ ದೇವಿ ಭಾರತ್' ನಡೆಸಿ ಅನೇಕರನ್ನು ಕರೆತರಲಾಗಿದೆ ಎಂದು ತಿಳಿಸಿದರು.

ವಿರೋಧ ಪಕ್ಷಗಳ ವಿರುದ್ಧ ವಾಗ್ದಾಳಿ: ಭಾಷಣದ ವೇಳೆ ವಿರೋಧ ಪಕ್ಷಗಳ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ ಮೋದಿ, ಪರಿವಾರವಾದಿ, ಮಾಫಿಯಾಗಳಿಂದ ಉತ್ತರ ಪ್ರದೇಶ ರಕ್ಷಣೆ ಮಾಡಬೇಕಾಗಿದ್ದು, ರಾಜ್ಯದಲ್ಲಿ ಎರಡನೇ ಅವಧಿಗೆ ಬಿಜೆಪಿ ಸರಕಾರ ಅಧಿಕಾರಕ್ಕೆ ತನ್ನಿ ಎಂದು ಮನವಿ ಮಾಡಿದರು.

ಉತ್ತರ ಪ್ರದೇಶ ವಿಧಾನಸಭೆಗೆ ಮಾರ್ಚ್​​ 7ರಂದು ಕೊನೆಯ ಹಂತದ ವೋಟಿಂಗ್ ನಡೆಯಲಿದ್ದು, ಮತ ಎಣಿಕೆ ಮಾರ್ಚ್​ 10ರಂದು ಹೊರಬರಲಿದೆ. 2017ರಲ್ಲಿ ಬಿಜೆಪಿ 403 ಕ್ಷೇತ್ರಗಳ ಪೈಕಿ 312 ಸ್ಥಾನಗಳಲ್ಲಿ ಗೆಲುವು ದಾಖಲು ಮಾಡಿ ಅಧಿಕಾರ ರಚನೆ ಮಾಡಿತ್ತು.