ಮಿಜೋರಾಂ: ಸ್ಕೂಟರ್​ ಟ್ಯಾಕ್ಸಿಯಲ್ಲಿ ಸಂಚರಿಸಿದ ರಾಹುಲ್​ ಗಾಂಧಿ; ಜನರ ಶಿಸ್ತಿಗೆ ಮೆಚ್ಚುಗೆ

ಐಜ್ವಾಲ್ (ಮಿಜೋರಾಂ): ಮುಂದಿನ ತಿಂಗಳು ವಿಧಾನಸಭಾ ಚುನಾವಣೆ ನಡೆಯಲಿರುವ ಈಶಾನ್ಯ ರಾಜ್ಯ ಮಿಜೋರಾಂಗೆ ಎರಡು ದಿನಗಳ ಪ್ರವಾಸ ಕೈಗೊಂಡಿರುವ ಕಾಂಗ್ರೆಸ್​ ನಾಯಕ ರಾಹುಲ್​ ಗಾಂಧಿ ಮಂಗಳವಾರ ಸ್ಕೂಟರ್​ ಟ್ಯಾಕ್ಸಿಯಲ್ಲಿ ಸವಾರಿ ಮಾಡಿದರು. ರಾಜಧಾನಿ ಐಜ್ವಾಲ್ ನಗರದಲ್ಲಿ ಸ್ಕೂಟರ್‌ ಹಿಂಬದಿ ಸವಾರರಾಗಿ ಸಂಚರಿಸಿದ ಅವರು, ರಾಜ್ಯದ ಸಂಚಾರ ವ್ಯವಸ್ಥೆ ಹಾಗೂ ಜನರ ಶಿಸ್ತು ಅನ್ನು ಶ್ಲಾಘಿಸಿದರು.

• #WATCH | Congress MP Rahul Gandhi rides pillion in Aizawl during his visit to Mizoram pic.twitter.com/ajNmvkPSCl

  — ANI (@ANI) October 17, 2023 " class="align-text-top noRightClick twitterSection" data="

  #WATCH | Congress MP Rahul Gandhi rides pillion in Aizawl during his visit to Mizoram pic.twitter.com/ajNmvkPSCl

  — ANI (@ANI) October 17, 2023

  ">

  #WATCH | Congress MP Rahul Gandhi rides pillion in Aizawl during his visit to Mizoram pic.twitter.com/ajNmvkPSCl

  — ANI (@ANI) October 17, 2023

40 ಸದಸ್ಯ ಬಲದ ಮಿಜೋರಾಂ ವಿಧಾನಸಭೆಗೆ ನವೆಂಬರ್ 7ರಂದು ಮತದಾನ ನಡೆಯಲಿದೆ. ಪಕ್ಷದ ಪರ ಚುನಾವಣಾ ಪ್ರಚಾರಕ್ಕೆಂದು ಸೋಮವಾರ ರಾಹುಲ್​ ಗಾಂಧಿ ರಾಜ್ಯಕ್ಕೆ ಆಗಮಿಸಿದ್ದಾರೆ. ಮೊದಲ ದಿನ ಐಜ್ವಾಲ್​ನಲ್ಲಿ ಚನ್ಮಾರಿ ಪ್ರದೇಶದಿಂದ ರಾಜಭವನದವರೆಗೆ ಪಾದಯಾತ್ರೆ ಕೈಗೊಂಡಿದ್ದರು. ನಂತರ ಜನರನ್ನು ಉದ್ದೇಶಿಸಿ ಭಾಷಣ ಮಾಡಿದ್ದ ಅವರು, ಕೇಂದ್ರ ಆಡಳಿತಾರೂಢ ಬಿಜೆಪಿ ಹಾಗೂ ರಾಜ್ಯದ ಮಿಜೋ ನ್ಯಾಷನಲ್​ ಫ್ರಂಟ್​ ವಿರುದ್ಧವೂ ವಾಗ್ದಾಳಿ ನಡೆಸಿದ್ದರು.

ಇಂದು ಬೆಳಿಗ್ಗೆ ಝರ್ಕಾವ್ಟ್​ ಪ್ರದೇಶದಲ್ಲಿರುವ ಕಾಂಗ್ರೆಸ್​ ನಾಯಕ, ಮಾಜಿ ಮುಖ್ಯಮಂತ್ರಿ ಲಾಲ್ ಥನ್ಹಾವ್ಲಾ ನಿವಾಸಕ್ಕೆ ರಾಹುಲ್ ಗಾಂಧಿ ಭೇಟಿ ನೀಡಿ ಸಮಾಲೋಚನೆ ನಡೆಸಿದರು. ಅಲ್ಲಿಂದ ಮರಳಿ ಬರಬೇಕಾದರೆ ಬಾಡಿಗೆ ಸ್ಕೂಟರ್​ನಲ್ಲಿ ಬಂದು ಗಮನ ಸೆಳೆದರು. ನಂತರ ಪಕ್ಷದ ಹಿರಿಯ ನಾಯಕರೊಂದಿಗೆ ಸಂವಾದ ನಡೆಸಿದರು. ಜೊತೆಗೆ ಪತ್ರಿಕಾಗೋಷ್ಠಿಯನ್ನು ಉದ್ದೇಶಿಸಿ ಮಾತನಾಡಿದ ರಾಹುಲ್​, ರಾಜ್ಯದ ದಕ್ಷಿಣ ಭಾಗದ ಲುಂಗ್ಲೈ ಪಟ್ಟಣದಲ್ಲಿ ಸಾರ್ವಜನಿಕ ಸಭೆಯಲ್ಲಿ ಪಾಲ್ಗೊಂಡರು.

ರಾಹುಲ್ ಸ್ಕೂಟರ್​ ಸವಾರಿ​ ಕುರಿತು ಮಾಹಿತಿ ನೀಡಿದ ರಾಜ್ಯ ಕಾಂಗ್ರೆಸ್​ ಮಾಧ್ಯಮ ವಿಭಾಗದ ಮುಖ್ಯಸ್ಥ ಲಾಲ್ರೆಮ್ರುತಾ ರೆಂತ್ಲೆಯಿ, ''ರಾಹುಲ್​ ಗಾಂಧಿ ರಾಜ್ಯದ ಸಂಚಾರಿ ಶಿಷ್ಟಾಚಾರ ಪಾಲನೆಗೆ ಸಂತಸ ವ್ಯಕ್ತಪಡಿಸಿದರು. ಜೊತೆಗೆ ಸಂಚಾರದ ವೇಳೆ ಪರಸ್ಪರ ಗೌರವ ಕೊಡುವ ಇಲ್ಲಿನ ಸಂಸ್ಕೃತಿಯಿಂದ ಸಾಕಷ್ಟು ಕಲಿಯುವ ಅವಶ್ಯಕತೆ ಎಂಬುವುದಾಗಿ ತಿಳಿಸಿದರು'' ಎಂದು ಹೇಳಿದರು. ಐಜ್ವಾಲ್​ 'ಭಾರತದ ಶಾಂತ' ನಗರ ಎಂದೇ ಹೆಸರಾಗಿದ್ದು, ಇಲ್ಲಿನ ಜನರ ಸಂಚಾರ ಶಿಸ್ತಿನ ಬಗ್ಗೆ ಮಾಜಿ ರಾಷ್ಟ್ರಪತಿ ರಾಮನಾಥ್ ಕೋವಿಂದ್​ ಸೇರಿದಂತೆ ಹಲವರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

• Jannayak in Mizoram.
  
  Mohabbat is speeding up...❤️🛵 pic.twitter.com/DYL3lMCJ97

  — Congress (@INCIndia) October 17, 2023 " class="align-text-top noRightClick twitterSection" data="

  Jannayak in Mizoram.
  
  Mohabbat is speeding up...❤️🛵 pic.twitter.com/DYL3lMCJ97

  — Congress (@INCIndia) October 17, 2023

  ">

  Jannayak in Mizoram.
  
  Mohabbat is speeding up...❤️🛵 pic.twitter.com/DYL3lMCJ97

  — Congress (@INCIndia) October 17, 2023

39 ಅಭ್ಯರ್ಥಿಗಳ ಪಟ್ಟಿ ಬಿಡುಗಡೆ: ಮಿಜೋರಾಂಗೆ ರಾಹುಲ್ ಗಾಂಧಿ ಭೇಟಿ ನೀಡಿದ ಸಂದರ್ಭದಲ್ಲಿ ಕಾಂಗ್ರೆಸ್ ಸೋಮವಾರ ವಿಧಾನಸಭಾ ಚುನಾವಣೆಗೆ 39 ಅಭ್ಯರ್ಥಿಗಳ ಪಟ್ಟಿಯನ್ನು ಬಿಡುಗಡೆ ಮಾಡಿದೆ. ಮಿಜೋ ನ್ಯಾಷನಲ್ ಫ್ರಂಟ್ ಅಧ್ಯಕ್ಷ ಮತ್ತು ಹಾಲಿ ಮುಖ್ಯಮಂತ್ರಿ ಝೋರಾಮ್‌ತಂಗ ಪ್ರತಿನಿಧಿಸುವ ಐಜ್ವಾಲ್ ಈಸ್ಟ್-1 ಕ್ಷೇತ್ರದಿಂದ ಕಾಂಗ್ರೆಸ್​ ಲಾಲಸಂಗಲೂರಾ ರಾಲ್ಟೆ ಅವರನ್ನು ಕಣಕ್ಕಿಳಿಸಿದೆ. ಕಾಂಗ್ರೆಸ್ ಸಮಿತಿಯ ಮುಖ್ಯಸ್ಥ ಲಾಲ್ಸಾವ್ತಾ ಅವರು ಐಜ್ವಾಲ್ ವೆಸ್ಟ್-3 (ಎಸ್ಟಿ) ಕ್ಷೇತ್ರದಿಂದ ಸ್ಪರ್ಧಿಸಿದ್ದಾರೆ. ಕಳೆದ ಬಾರಿ ಐದು ಸ್ಥಾನಗಳನ್ನು ಗೆದ್ದಿದ್ದ ಕಾಂಗ್ರೆಸ್ ಇತ್ತೀಚೆಗೆ ಎರಡು ಸ್ಥಳೀಯ ಪಕ್ಷಗಳಾದ ಪೀಪಲ್ಸ್ ಕಾನ್ಫರೆನ್ಸ್ ಮತ್ತು ಜೋರಾಮ್ ನ್ಯಾಶನಲಿಸ್ಟ್ ಪಾರ್ಟಿ ಜೊತೆಗೂಡಿ ಮಿಜೋರಾಂ ಸೆಕ್ಯುಲರ್ ಮೈತ್ರಿಕೂಟ ರಚಿಸಿದೆ.

ಇದನ್ನೂ ಓದಿ: 'ಇಂಡಿಯಾ' ಮೈತ್ರಿಕೂಟ ದೇಶದ ಶೇ 60ರಷ್ಟು ಭಾಗವನ್ನು ಪ್ರತಿನಿಧಿಸುತ್ತದೆ: ರಾಹುಲ್​ ಗಾಂಧಿ