ಅಮೃತಸರ: ಅದೃಷ್ಟ ಯಾವಾಗ, ಎಲ್ಲಿ, ಹೇಗೆ ಖುಲಾಯಿಸುತ್ತದೆ ಎಂಬುದು ಯಾರಿಗೂ ತಿಳಿಯದು. ಪಂಜಾಬ್ನ ಅಮೃತಸರದ ಬಾಲಕಿ ಖರೀದಿಸಿದ 100 ರೂಪಾಯಿ ಲಾಟರಿ ಟಿಕೆಟ್ಗೆ 10 ಲಕ್ಷ ರೂಪಾಯಿ ಬಹುಮಾನ ಬಂದಿದೆ. ಇದು ಆಕೆ ನಿಂತ ಕಾಲಲ್ಲೇ ಹಣ ಎಣಿಸುವಂತೆ ಮಾಡಿದೆ. ಅಮೃತಸರದ ಬಾಬಾ ಬಕಲಾ ಸಾಹಿಬ್ನ ನಿವಾಸಿ ಹರ್ಸಿಮ್ರಾನ್ ಕೌರ್ ಎಂಬ ಬಾಲಕಿಯೇ ಆ ಅದೃಷ್ಟವಂತೆ.
ಹರ್ಸಿಮ್ರಾನ್ ಕೌರ್ ಅವರ ತಂದೆ ಜಮಾಲ್ ಸಿಂಗ್, ಬಾಬಾಬಕಲಾ ಸಾಹಿಬ್ನ ರಸ್ತೆ ಬದಿ ಚಿಕ್ಕ ಅಂಗಡಿಯನ್ನು ನಡೆಸುತ್ತಿದ್ದಾರೆ. ಭಾನುವಾರ ಶಾಲೆಗೆ ರಜೆ ಇದ್ದ ಕಾರಣ ತಂದೆಗೆ ನೆರವಾಗಲೆಂದು ಹರ್ಸಿಮ್ರಾನ್ ಅಂಗಡಿ ಬಂದಿದ್ದರು. ಈ ವೇಳೆ ಲಾಟರಿ ಮಾರಾಟ ಮಾಡುವ ವ್ಯಕ್ತಿ ಬಂದು ಲಾಟರಿ ಟಿಕೆಟ್ ಖರೀದಿಸಲು ಕೇಳಿದ್ದಾರೆ.
ಈ ವೇಳೆ ಹರ್ಸಿಮ್ರಾನ್ ಕೌರ್ ಅವರ ತಂದೆ ನಿರಾಕರಿಸಿದ್ದಾರೆ. ಬಳಿಕ ಸಿಮ್ರಾನ್ ಒತ್ತಾಯ ಮಾಡಿ 100 ರೂಪಾಯಿ ಲಾಟರಿ ಟಿಕೆಟ್ ಖರೀದಿಸುವಂತೆ ಮಾಡಿದ್ದಾರೆ. ಬಳಿಕ ಟಿಕೆಟ್ ಹರಿದು ನೋಡಿದಾಗ ಅದರಲ್ಲಿ 10 ಲಕ್ಷ ರೂಪಾಯಿ ಬಹುಮಾನ ಬಂದಿರುವುದು ಗೊತ್ತಾಗಿದೆ.
ಕುಟುಂಬದಲ್ಲಿ ಸಂತಸ: ಇನ್ನು ಲಾಟರಿಯಲ್ಲಿ 10 ಲಕ್ಷ ರೂಪಾಯಿ ಬಂದಿದ್ದಕ್ಕೆ ಹರ್ಸಿಮ್ರಾನ್ ಕೌರ್ ಅವರ ಕುಟುಂಬಸ್ಥರು ಸಂತಸ ವ್ಯಕ್ತಪಡಿಸಿದೆ. ಈ ಹಣವನ್ನು ತನ್ನ ತಂದೆಯ ವ್ಯಾಪಾರದಲ್ಲಿ ತೊಡಗಿಸಿಕೊಳ್ಳುವುದರ ಜೊತೆಗೆ ತನ್ನ ಓದಿಗೆ ಬಳಕೆ ಮಾಡಿಕೊಳ್ಳುವುದಾಗಿ ಸಿಮ್ರಾನ್ ತಿಳಿಸಿದ್ದಾರೆ.
ಓದಷಿ: 4,389 ಕೋಟಿ ರೂಪಾಯಿಗಳ ಕಸ್ಟಮ್ಸ್ ಸುಂಕ ವಂಚನೆ ಮಾಡಿದ ಒಪ್ಪೋ ಇಂಡಿಯಾ : DRIನಿಂದ ಪತ್ತೆ
