Chinaಗೆ ಸೆಡ್ಡು; ಹಿಂದೂ ಮಹಾಸಾಗರದಲ್ಲಿ ಭಾರತ - ಅಮೆರಿಕ ಜಂಟಿ ಸಮರಾಭ್ಯಾಸ

ನವದೆಹಲಿ: ಭಾರತ ಮತ್ತು ಅಮೆರಿಕ ನೌಕಾಪಡೆಗಳು ಹಿಂದೂ ಮಹಾಸಗರದಲ್ಲಿ ಎರಡು ದಿನಗಳ ಜಂಟಿ ಸಮರಾಭ್ಯಾಸ ನಡೆಸುತ್ತಿದ್ದು, ಅದಕ್ಕೆ ಇಂದಿನಿಂದ ಚಾಲನೆ ಸಿಕ್ಕಿದೆ.

ಸಮರಾಭ್ಯಾಸದಲ್ಲಿ ಭಾಗಿಯಾದ ಭಾರತದ ಯುದ್ಧವಿಮಾನ

ಈ ಸಮರಾಭ್ಯಾಸದಲ್ಲಿ ಯುಎಸ್​​ಎಸ್​ ರೊನಾಲ್ಡ್​​, ಎಫ್​-18 ಫೈಟರ್​ ಜೆಟ್​, ಇ-2 ಸಿ ಯುದ್ಧ ವಿಮಾನಗಳು ಅಮೆರಿಕದಿಂದ ಭಾಗಿಯಾಗಿವೆ. ಭಾರತದಿಂದ ಜಾಗ್ವಾರ್​, ಸುಖೋಯ್​​​-30 ಎಂಕೆಐ ಯುದ್ಧ ವಿಮಾನ ಭಾಗಿಯಾಗಿದ್ದು, ಐಎಲ್​​-78, ಐಎನ್​ಎಸ್​ ಕೊಚ್ಚಿ ಹಾಗೂ ಐಎನ್​ಎಸ್​ ತೇಗ್​ ಯುದ್ಧನೌಕೆ ನಿಯೋಜನೆಗೊಂಡಿವೆ.

ಅಮೆರಿಕ - ಭಾರತದ ನಡುವಿನ ದ್ವಿಪಕ್ಷೀಯ ಸಂಬಂಧ ಮತ್ತಷ್ಟು ಬಲಪಡಿಸುವ ಉದ್ದೇಶದಿಂದ ಈ ಜಂಟಿ ಸಮರಾಭ್ಯಾಸ ಕೈಗೊಳ್ಳಲಾಗಿದೆ. ಜತೆಗೆ ಇಂಡೋ- ಫೆಸಿಫಿಕ್​ ಪ್ರದೇಶದಲ್ಲಿ ಪ್ರಾಬಲ್ಯ ಸಾಧಿಸುತ್ತಿರುವ ಚೀನಾಗೆ ತಿರುಗೇಟು ನೀಡುವ ಉದ್ದೇಶದಿಂದ ಈ ಸಮರಾಭ್ಯಾಸ ಮತ್ತಷ್ಟು ಮಹತ್ವ ಪಡೆದುಕೊಂಡಿದೆ.