ಥಾಣೆ : ದೇಶಾದಾದ್ಯಂತ ಹಿಜಾಬ್ ವಿವಾದ ಭುಗಿಲೆದ್ದಿರುವ ನಡುವೆ ಇಲ್ಲೊಂದು ಕಡೆ ಹಿಂದು-ಮುಸ್ಲಿಂ ಬೇಧವಿಲ್ಲದೆ ಹುಡುಗಿಯರು ಒಟ್ಟಿಗೆ ಫುಟ್ಬಾಲ್ ಆಟ ಆಡುತ್ತಿದ್ದಾರೆ. ಈ ಘಟನೆಗೆ ಥಾಣೆಯ ಮುಂಬ್ರಾ ಸಾಕ್ಷಿಯಾಗಿದೆ.
ಕಳೆದ 5 ವರ್ಷಗಳಿಂದ ಹಿಂದು-ಮುಸ್ಲಿಂ ಬೇಧವಿಲ್ಲದೆ ಎಲ್ಲಾ ಧರ್ಮದ ಹುಡುಗಿಯರು ಒಟ್ಟಿಗೆ ಫುಟ್ಬಾಲ್ ಅಭ್ಯಾಸ ನಡೆಸುತ್ತಿದ್ದಾರೆ. ಇವರಿಗೆ ಹಿಜಾಬ್ ವಿವಾದ ಯಾವುದೇ ರೀತಿಯ ತೊಂದರೆ ಉಂಟು ಮಾಡಿಲ್ಲ. ಫುಟ್ಬಾಲ್ ಅಭ್ಯಾಸದ ವೇಳೆ ಮುಸ್ಲಿಂ ಹುಡುಗಿಯರು ಹಿಜಾಬ್ ಧರಿಸುತ್ತಿದ್ದು, ಹಿಂದು ಹುಡುಗಿಯರು ದುಪ್ಪಟ್ಟ ಧರಿಸಿ ಅಭ್ಯಾಸ ನಡೆಸುತ್ತಿದ್ದಾರೆ.
ಈ ಬಗ್ಗೆ ಪ್ರತಿಕ್ರಿಯಿಸಿರುವ ಫುಟ್ಬಾಲ್ ಕೋಚ್ ಸಬಾ ಶೇಖ್, ಎರಡು ಧರ್ಮಗಳ ಹುಡುಗಿಯರು ಪರಸ್ಪರ ಇತರ ಧರ್ಮಗಳನ್ನು ಗೌರವಿಸುತ್ತಿದ್ದಾರೆ. ಹಾಗಾಗಿ, ಯಾವುದೇ ವಿವಾದ ಎದುರಾಗಿಲ್ಲ.
ಎರಡೂ ಧರ್ಮಗಳ ಹುಡುಗಿಯರು ಯಾವುದೇ ಹಬ್ಬ-ಹರಿದಿನಗಳು ಬರಲಿ ಒಟ್ಟಾಗಿ ಆಚರಿಸುತ್ತಿದ್ದು, ಇದು ನಮ್ಮಲ್ಲಿ ಒಂದು ಅವಿನಾಭಾವ ಸಂಬಂಧ ಬೆಳೆಸಿದೆ ಎಂದು ಪ್ರತಿಕ್ರಿಯಿಸಿದ್ದಾರೆ.
ಇದನ್ನು ಓದಿ : ಕಾರು-ಟ್ರಕ್ ನಡುವೆ ಭೀಕರ ಅಪಘಾತ: ಒಂದೇ ಕುಟುಂಬದ 6 ಮಂದಿ ದುರ್ಮರಣ
