ಮುಂಬೈ: ನಟಿ ರಾಖಿ ಸಾವಂತ್ಗೆ ಚುಂಬಿಸಿದ ಘಟನೆಯಲ್ಲಿ ತಮ್ಮ ವಿರುದ್ಧ ದಾಖಲಾಗಿದ್ದ ಪ್ರಕರಣವನ್ನು ರದ್ದು ಪಡಿಸುವಂತೆ ಕೋರಿ ಗಾಯಕ ಮಿಕಾ ಸಿಂಗ್ ಹೈಕೋರ್ಟ್ಗೆ ಅರ್ಜಿ ಸಲ್ಲಿಸಿದ್ದಾರೆ. ಈ ಸಂಬಂಧ ಸೋಮವಾರ ನ್ಯಾಯಮೂರ್ತಿಗಳಾದ ಗಡ್ಕರಿ ಮತ್ತು ನಾಯಕ್ ಅವರಿದ್ದ ದ್ವಿಸದಸ್ಯ ಪೀಠ ಅರ್ಜಿ ವಿಚಾರಣೆ ನಡಸಿದ್ದು, ಈ ಪ್ರಕರಣದಲ್ಲಿ ನಟಿ ರಾಖಿ ಸಾವಂತ್ಗೆ ಅಫಿಡವಿಟ್ ಸಲ್ಲಿಸುವಂತೆ ಆದೇಶಿಸಿದೆ.
ಪ್ರಕರಣದ ಹಿನ್ನೆಲೆ: 2006ರಲ್ಲಿ ಮಿಕಾ ಸಿಂಗ್ ಅವರ ತಮ್ಮ ಹುಟ್ಟುಹಬ್ಬದ ನಿಮಿತ್ತ ಸ್ನೇಹಿತರು ಸೇರಿದಂತೆ ನಟ - ನಟಿಯರನ್ನು ಪಾರ್ಟಿಗೆ ಆಹ್ವಾನಿಸಿದ್ದರು. ಪಾರ್ಟಿಯು ಭರದಿಂದ ಸಾಗುತ್ತಿತ್ತು. ಕೇಕ್ ಕತ್ತರಿಸುವ ವೇಳೆ ಗಾಯಕ ಮಿಕಾ ಸಿಂಗ್ ಬಲವಂತವಾಗಿ ರಾಖಿ ಸಾವಂತ ಅವರ ತುಟಿಗಳಿಗೆ ಚುಂಬಿಸಿದ್ದರು ಎಂದು ನಟಿ ಆರೋಪ ಮಾಡಿದ್ದರು. ಅಲ್ಲದೇ ಇದರಿಂದ ಕೋಪಗೊಂಡ ರಾಖಿ ಸಾವಂತ್ ಪೊಲೀಸ್ ಠಾಣೆಗೆ ತೆರಳಿ ಮಿಕಾ ಸಿಂಗ್ ವಿರುದ್ಧ ಕಿರುಕುಳ ಆರೋಪದಡಿ ಪ್ರಕರಣ ದಾಖಲಿಸಿದ್ದರು. ಇದೀಗಾ ಮಿಕಾ ಸಿಂಗ್ 17 ವರ್ಷಗಳ ಹಿಂದೆ ತಮ್ಮ ವಿರುದ್ಧ ದಾಖಲಾಗಿದ್ದ ಪ್ರಕರಣ ರದ್ದು ಮಾಡುವಂತೆ ವಿಶೇಷ ಮನವಿಯೊಂದಿಗೆ ಮುಂಬೈ ಹೈಕೋರ್ಟ್ಗೆ ಅರ್ಜಿ ಸಲ್ಲಿಸಿದ್ದರು.
ಇದೇ ವೇಳೆ, ಮಿಕಾ ಪರ ವಾದ ಮಂಡಿಸಿದ ವಕೀಲ ಫಲ್ಗುಣಿ ಬ್ರಹ್ಮಭಟ್, ಕಳೆದ 17 ವರ್ಷಗಳಿಂದ ಪ್ರಕರಣ ನನೆಗುದಿಗೆ ಬಿದ್ದಿದೆ. ಗಾಯಕನ ವಿರುದ್ಧ ಚಾರ್ಜ್ ಶೀಟ್ ಸಲ್ಲಿಸಲಾಗಿದೆ. ಸದ್ಯ ಮಿಕಾ ಸಿಂಗ್ ಮತ್ತು ರಾಖಿ ಸಾವಂತ್ ಆ ಘಟನೆಯನ್ನು ಮರೆತು ತಮ್ಮ ಸಮಸ್ಯೆಗಳನ್ನು ಇತ್ಯರ್ಥಪಡಿಸಿಕೊಂಡಿದ್ದಾರೆ ಎಂದೂ ಕೂಡ ಅವರು ನ್ಯಾಯ ಪೀಠದ ಗಮನಕ್ಕೆ ತಂದರು. ಮಿಕಾ ಸಿಂಗ್ ಪರ ವಕೀಲರ ವಾದವನ್ನು ಆಲಿಸಿದ ಹೈಕೋರ್ಟ್, ಮುಂದಿನ ವಿಚಾರಣೆಯೊಳಗೆ ರಾಖಿ ಸಾವಂತ್ಗೆ ಅಫಿಡವಿಟ್ ಸಲ್ಲಿಸುವಂತೆ ಸೂಚಿಸಿದೆ.
ಇದನ್ನೂ ಓದಿ: ಆದಿಲ್ಗೆ 5 ದಿನ ಪೊಲೀಸ್ ಕಸ್ಟಡಿ: ಪತ್ನಿ ರಾಖಿಯಿಂದ ಆರೋಪಗಳ ಸುರಿಮಳೆ, ಕಣ್ಣೀರು
ಇನ್ನೊಂದು ಕಡೆ ಬಿಟೌನ್ನ ವಿವಾದಿತ ನಟಿ ಎಂದೆ ಗುರುತಿಸಿಕೊಂಡಿರುವ ರಾಖಿ ಸಾವಂತ್ ಸದಾ ಒಂದಲ್ಲ ಒಂದು ವಿಷಯದಿಂದ ಸುದ್ದಿಯಲ್ಲಿದ್ದಾರೆ. ಇತ್ತೀಚೆನ ದಿನಗಳಲ್ಲಿ ಮದುವೆ ವಿಚಾರವಾಗಿಯೂ ನಟಿ ರಾಖಿ ಸಾವಂತ್ ಸಖತ್ ಸುದ್ದಿಯಲ್ಲಿದ್ದರು. ಕೆಲ ದಿನಗಗಳ ಹಿಂದೆ ನಟಿ ರಾಖಿ ಮೈಸೂರು ಮೂಲದ ಆದಿಲ್ ಎಂಬುವವರನ್ನು ಮದುವೆಯಾಗಿದ್ದರು. ಮದುವೆಯಾದ ಕೆಲವೆ ದಿನಗಳಲ್ಲಿ ದಂಪತಿಗಳ ಸಂಬಂಧದಲ್ಲಿ ಬಿರುಕು ಮೂಡಿ ಪತಿ ಆದಿಲ್ ವಿರುದ್ಧ ರಾಖಿ ಸಾವಂತ್ ಪೊಲೀಸ್ ಠಾಣೆಯಲ್ಲಿ ದೂರನ್ನು ದಾಖಲಿಸಿದ್ದರು.
ದೂರಿನ ಮೇರೆಗೆ ರಾಖಿ ಸಾವಂತ್ ಅವರ ಪತಿ ಆದಿಲ್ನನ್ನು ಅರೆಸ್ಟ್ ಮಾಡಲಾಗಿತ್ತು. ತನ್ನ ತಾಯಿ ಜಯಾ ಭೇದಾ ಅವರ ಚಿಕಿತ್ಸೆಗಾಗಿ ಪತಿ ಆದಿಲ್ಗೆ 10 ಲಕ್ಷ ರೂಪಾಯಿ ನೀಡಿದ್ದು, ಆದರೆ, ಆದಿಲ್ ತನ್ನ ತಾಯಿಗೆ ಚಿಕಿತ್ಸೆ ಕೊಡಿಸಿಲ್ಲ ಎಂದು ಗಂಭೀರ ಆರೋಪ ಮಾಡಿದ್ದರು. ಅಲ್ಲದೇ ಪತಿ ಆದಿಲ್ ನಿಂದೇ ತನ್ನ ತಾಯಿ ಸಾವನ್ನಪ್ಪಿದ್ದಾರೆ ಎಂದು ಪ್ರಕರಣ ದಾಖಲಿಸಿದ್ದರು. ಸಧ್ಯ ಇದೇ ವಿಚಾರವಾಗಿ ನಟಿ ಸುದ್ದಿಯಲ್ಲಿದ್ದು, ಈ ಪ್ರಕರಣದ ವಿಚಾರಣೆ ಕೂಡಾ ನಡೆಯುತ್ತಿದೆ.
ಇದನ್ನೂ ಓದಿ: ಪತಿ ವಿರುದ್ಧ ದೂರು ಕೊಟ್ಟ ನಟಿ ರಾಖಿ ಸಾವಂತ್: ಆದಿಲ್ ಖಾನ್ ಅರೆಸ್ಟ್!
