ಲಖನೌ(ಉತ್ತರ ಪ್ರದೇಶ): ಮಹಾಮಾರಿ ಕೊರೊನಾ ಸೋಂಕಿಗೆ ಪ್ರತಿದಿನ ಸಾವಿರಾರು ಜನರು ತಮ್ಮ ಪ್ರಾಣ ಕಳೆದುಕೊಳ್ಳುತ್ತಿದ್ದಾರೆ. ಇದರ ಮಧ್ಯೆ ರಾಜಧಾನಿ ಲಖನೌದಲ್ಲಿ ವಿಚಿತ್ರ ವಿದ್ಯಮಾನ ನಡೆದಿದ್ದು, ಇದೀಗ ಬೆಳಕಿಗೆ ಬಂದಿದೆ.
ಮೇ. 3ರಂದು ಡಾ. ರಾಮ್ ಮನೋಹರ್ ಲೋಹಿಯಾ ಆಸ್ಪತ್ರೆಗೆ ದಾಖಲಾಗಿದ್ದ ಥಾಯ್ಲೆಂಡ್ ಹುಡುಗಿ ಕೋವಿಡ್ನಿಂದ ಸಾವನ್ನಪ್ಪಿದ್ದು, ಇದೀಗ ಅಲ್ಲಿನ ಪೊಲೀಸ್ ಠಾಣೆಯಲ್ಲಿ ಈ ಪ್ರಕರಣ ಅನೇಕ ಅನುಮಾನಗಳಿಗೆ ದಾರಿ ಮಾಡಿಕೊಟ್ಟಿದೆ. ಮಹಿಳೆ ಸಾವನ್ನಪ್ಪುತ್ತಿದ್ದಂತೆ ಥಾಯ್ಲೆಂಡ್ ರಾಯಭಾರ ಕಚೇರಿ ಸಂಪರ್ಕಿಸಿ, ಕುಟುಂಬಗಳಿಗೆ ಮೃತದೇಹ ಹಸ್ತಾಂತರ ಮಾಡಲು ಪ್ರಯತ್ನ ನಡೆಸಲಾಯಿತು. ಆದರೆ ಅದರಲ್ಲಿ ಯಶಸ್ವಿಯಾಗದಿದ್ದಾಗ ಲಖನೌದ ಬೈಕುಂತ್ ಚಿತಾಗಾರದಲ್ಲಿ ಅಂತ್ಯಕ್ರಿಯೆ ನಡೆಸಲಾಗಿದೆ.
ಥಾಯ್ಲೆಂಡ್ನಿಂದ ಯುವತಿ ಯುಪಿಗೆ ಬಂದಿದ್ದೇಕೆ!?
ಕಳೆದ 10 ದಿನಗಳ ಹಿಂದೆ ಪ್ರಖ್ಯಾತ ಉದ್ಯಮಿಯ ಮಗನೊಬ್ಬನೊಂದಿಗೆ ಏಜೆಂಟ್ ಮೂಲಕ ಕಾಲ್ಗರ್ಲ್ ಥಾಯ್ಲೆಂಡ್ನಿಂದ ಲಖನೌಗೆ ಕರೆಸಿಕೊಂಡಿದ್ದನು. ಆದರೆ ಮಾರ್ಚ್ 31ರ ರಾತ್ರಿ ಆಕೆ ಇದ್ದಕ್ಕಿದ್ದಂತೆ ಅನಾರೋಗ್ಯಕ್ಕೊಳಗಾಗಿದ್ದಾಳೆ. ಈ ವೇಳೆ ರಾಮ್ ಮನೋಹರ್ ಲೋಹಿಯಾ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ. ಈ ವೇಳೆ ಕೋವಿಡ್ ಪರೀಕ್ಷೆ ನಡೆಸಿದಾಗ ಪಾಸಿಟಿವ್ ಇರುವುದು ದೃಢಗೊಂಡಿದೆ. ಆಕೆಗೆ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಫಲಕಾರಿಯಾಗದೇ ಸಾವನ್ನಪ್ಪಿದ್ದಾಳೆ.
ಇದನ್ನೂ ಓದಿ: ಡಿಆರ್ಡಿಒ ಅಭಿವೃದ್ಧಿಪಡಿಸಿದ ಕೋವಿಡ್ ಔಷಧಕ್ಕೆ ಡಿಸಿಜಿಐ ಅನುಮೋದನೆ
ಥಾಯ್ಲೆಂಡ್ ಕಾಲ್ಗರ್ಲ್ ಸಾವಿನ ನಂತರ ಇದೀಗ ತನಿಖೆ ನಡೆಸಲಾಗುತ್ತಿದ್ದು, ಲಖನೌದಲ್ಲಿ ಅಂತಾರಾಷ್ಟ್ರೀಯ ಮಾಂಸ ದಂಧೆ ಜೋರಾಗಿ ನಡೆಯುತ್ತಿರುವುದು ಬೆಳಕಿಗೆ ಬಂದಿದೆ.
