ಹೈದರಾಬಾದ್: ಜೂನ್ 2ಕ್ಕೆ ತೆಲಂಗಾಣ, ಆಂಧ್ರ ಪ್ರದೇಶದಿಂದ ಬೇರ್ಪಟ್ಟು ಸ್ವತಂತ್ರ ರಾಜ್ಯವಾಗಿ ಇಂದಿಗೆ 7 ವರ್ಷ ತುಂಬಿದೆ. ಈ ಸಂಭ್ರಮವನ್ನು ತೆಲಂಗಾಣದ ಬಾಲಕಿಯೊಬ್ಬಳು ಗಿನ್ನೆಸ್ ದಾಖಲೆ ಬ್ರೇಕ್ ಮಾಡುವ ಮೂಲಕ ವಿಶೇಷವಾಗಿ ಆಚರಿಸಿದ್ದಾಳೆ.
ಮೇ 31 ರಂದು ಹೈದರಾಬಾದ್ನಲ್ಲಿ 13 ವರ್ಷದ ಗನ ಸಂತೋಷಿನಿ ರೆಡ್ಡಿ ಎಂಬ ಕರಾಟೆಪಟು ಕೇವಲ 84 ಸೆಕೆಂಡ್ಗಳಲ್ಲಿ 84 ಸಿರಾಮಿಕ್ ಟೈಲ್ಸ್ ಹೊಡೆಯುವ ಮೂಲಕ ಗಿನ್ನೆಸ್ ದಾಖಲೆ ಬರೆದಿದ್ದಾಳೆ. ತೆಲಂಗಾಣ ರಚನೆಯಾಗಿ ಇಂದಿಗೆ 84 ತಿಂಗಳು ಪೂರ್ಣಗೊಂಡಿದ್ದ ನೆನಪಿಗಾಗಿ ಈ ಸಾಧನೆ ಮಾಡಿದ್ದಾರೆ.
"ತೆಲಂಗಾಣದ ರಚನೆಯಾಗಿ 84 ತಿಂಗಳು ಪೂರ್ಣಗೊಂಡ ನೆನಪಿಗಾಗಿ ನಾನು 84 ಸೆಕೆಂಡ್ಗಳಲ್ಲಿ 84 ಟೈಲ್ಸ್ ಹೊಡೆದಿದ್ದೇನೆ. ಇದಕ್ಕಾಗಿ 5-6 ತಿಂಗಳಿನಿಂದ ಅಭ್ಯಾಸ ಮಾಡಿದ್ದೇನೆ" ಎಂದು ಸಂತೋಷಿನಿ ಹೇಳಿದ್ದಾರೆ.
ದಶಕಗಳ ಹೋರಾಟದ ಫಲವಾಗಿ ತೆಲಂಗಾಣ ರಾಜ್ಯ ಸ್ಥಾಪನೆಗೆ 2013 ಜಯಲೈನಲ್ಲಿ ಕೇಂದ್ರ ಒಪ್ಪಿಗೆ ನೀಡಿತ್ತು. ಜೂನ್ 2, 2014ರಂದು ಅಧಿಕೃತವಾಗಿ ತೆಲಂಗಾಣ ರಾಜ್ಯ 31 ಜಿಲ್ಲೆಗಳೊಂದಿಗೆ 29ನೇ ರಾಜ್ಯವಾಗಿ ರಚನೆಯಾಗಿತ್ತು.
ಇದನ್ನು ಓದಿ:ಲವ್ ಜರ್ನಿ: ಬೆಂಗಳೂರು -ಟು -ಹೈದರಾಬಾದ್.. ವಯಾ ಪಾಕಿಸ್ತಾನ! ಇದು ಪ್ರೇಮ್ ಕಹಾನಿ!!
