जयपुर. इंडियन ऑयल री वेबसाइट का हिसाब सू देस री राजधानी दिल्ली रै मांय व्योपारिक इस्तेमाल रा सिलेण्डर रा दाम बढ़ गिया है. इरी कीमत अब 2 हजार रिपिया अर 50 पिस्या व्हैयी गई है. इण हिसाब सू कोलकाता में 19.2 किलो वाले सिलेंडर री कीमत 2 हजार 73 रिपिया अर 50 पिस्या व्हैयी है. बठै ही मुंबई मांय 1950 अर लखनऊ रै मांय 2 हजार 93 रिपिया व्हैयी गी है.
यह भी पढ़ें - राजस्थान रा सात जिला सू निकळसी बुलेट ट्रेन
दिवाळी सू पेली तेल कंपनियां इण हिसाब सू मूंगाई रो झटको दियो है. जीरै मांय व्यौपारिक सिलेण्डर रा दामा रै मांय 266 रिपिया की बढ़त होई गी है. 6 अक्टूबर, 2021 नै व्हैयी समीक्षा रा हिसाब सू मुताबिक दिल्ली रै मांय 19.2 किलो रा सिलेण्डर रा पैली दाम 1736 रिपिया अर 50 पिस्या हा. जीका 266 रिपिया बढ़र अब की टैम दो हजार रिपिया सूं भी बारै चल्या गिया है.
मूंगो होसी खाण-पीण
बार तक घरां रै मांय काम आवण आळा 14.2 किलो रा गैस सिलेंडर रा दाम कोनी बढ्या है. इणरा हिसाब सू बारै खावणो अबार की घड़ी मूंगो पड़सी. साग रा दाम ऊंचा चाल रिया है. तो सरसू रो तेल भी कासा ऊंचो चढ़ चुक्यो है. जीरै कारण सू अब की घड़ी बीच त्योहार खाण-पाण रो समान भी और मूंगो व्हैयीबा रा आसार बणीज रिया है.
100 रिपिया सू बत्तो नुकसान
LPG गैस का बढ़ता दाम रा आसार पैली ही बणीज गिया हा. पण घरां रा इस्तेमाल आळी गैस री कीमत नहीं बढ़ाकर तेल कंपनी थोड़ी-घणी राहत लोगां नै दी है. रसोई री गैस रा दाम आखिरी बर 6 अक्टूबर नै बढ्या हा. जदै 14 किलो 200 ग्राम रा सिलेण्डर का भाव 15 रिपिया चढ़ गिया हा. जुलाई सू लैर अबार तांय कुल कीमत रै मांय 90 रिपिया रो इजाफो व्हैयो है. जठै तांय सवाल सब्सिडी रो है. तो सरकार साल रै मांय एक पिरवार नै 12 सिलेंडर ही दिया करै है.
