ટેકાના ભાવે મગફળી ખરીદી અંતર્ગત ઓનલાઇન નોંધણીની કામગીરી પ્રાથમિક શિક્ષકોને સોંપાતા વિરોધ

પોરબંદર : જિલ્લામાં ટેકાના ભાવે મગફળીની ખરીદી અંતર્ગત ઓનલાઇન નોંધણીની કામગીરી પ્રાથમિક શાળાના શિક્ષકોને સોંપવામાં આવી છે, ત્યારે રવિવારથી આ કામગીરી કરવા માટે સૂચના આપવામાં આવી છે. આ કામગીરીનો આદેશ એ કોર્ટના હુકમનો અનાદર થતો હોવાનું જણાવી આ કામગીરીમાંથી મુક્ત કરવા પ્રાથમિક શૈક્ષિક મહાસંઘ પોરબંદર દ્વારા જિલ્લા કલેક્ટર તેમજ DDOને લેખિત રજૂઆત કરવામાં આવી છે. શિક્ષકો આમ પણ ઓનલાઇન તાલીમ, ઓનલાઇન કાર્યક્રમો સહિતની કામગીરીના ભારણને કારણે આ વધારાની કામગીરી ન સોંપવા માટે લાખાભાઈ ચુંડાવદરા સહિતના આગેવાનોએ આ લેખિત રજૂઆતમાં જણાવ્યું છે.