સુરત : શહેરના અશ્વનિકુમાર સરસ્વતી સર્કલથી કતારગામને જોડતા પ્રમુખ સ્વામી બ્રિજ પરથી નીચે ઉતરતા એક બાઈક ચાલકનો એક્સિન્ટ થયું હતું. બાઈક ચાલક સ્પીડમાં હોવાથી સીધો જ રેલિંગ સાથે અથડાઈને ફંગોળાઈ પડે છે. આ સમગ્ર એક્સિડન્ટની ઘટના CCTVમાં કેદ થઈ છે. જેથી બ્રિજ ઉતરતાં જ રાખવામાં આવેલી રેલિંગ પર સવાલો સર્જાયા છે. આ રેલિંગ હટાવી સર્કલને ડેવલોપ કરવાની માંગણી ફરીથી કરવામાં આવી રહી છે.
પ્રમુખ સ્વામી બ્રિજ પરથી નીચે ઉતરતા બાઈક ચાલકનો અકસ્માત
ઉલ્લેખનીય છે કે પ્રમુખ સ્વામી બ્રિજ ઉતરતા તુરંત જ રેલિંગ મારેલી હોવાથી અનેકવાર અકસ્માત સર્જાઇ છે. આ અકસ્માતમાં ટુ વ્હીલર ચાલક ઝડપથી અથડાઈને ઉછળીને ગ્રીલ ઉપરથી સામે બાજુ પડી જાય છે, પરંતુ તેનો સદનસીબે આબાદ બચાવ થયો છે. હાલ આ વીડિયો સોશિયવ મીડિયામાં વાઇરલ થઇ રહ્યો છે.
