પોરબંદર: જિલ્લામાં હવામાન વિભાગની આગાહી મુજબ 8 જુલાઈથી 11 જુલાઈ સુધી ભારેથી( Heavy Rain in Gujarat)અતિ ભારે વરસાદ પડવાની આગાહી કરવામાં આવી છે. કુતિયાણા તાલુકામાં તથા તાલુકાની આસપાસ (Heavy rains forecast in Porbandar)આવેલ જળાશયો, તળાવો, ડેમ ભરાઇ જવાની તથા તેને લીધે નીચાણવાળા વિસ્તારમાં પાણી ભરાઇ જવાની સંભાવના રહેલી છે. તથા નદીઓમાં પુર પણ આવવાની શકયતા રહેલી છે.
આ પણ વાંચોઃ Rain in Navsari : રેડ એલર્ટને પગલે NDRFની ટીમ તૈનાત
કુતિયાણા મામલતદાર દ્વારા અપીલ - આ અનુસંધાને કુતિયાણા તાલુકા અને શહેરની જાહેર પાણી ભરાયેલ હોય તેવા સ્થળે પ્રવેશ કરવો નહીં. ન્હાવા પડવુ નહીં, બાળકોને પણ આવા પાણીથી દુર રાખવા અને બિનજરૂરી સાહસ કરી પાણીના પ્રવાહમાં વાહનો સાથે કે ચાલીને પસાર થવુ નહીં. તેમજ નદીના પટમાં અવર જવર કરી જોખમી પ્રયાસ ન કરવા કુતિયાણા મામલતદાર દ્વારા અપીલ કરવામાં આવી છે.
આ પણ વાંચોઃ Monsoon Gujarat 2022: ધોરાજીમાં ધોધમાર વરસાદ, પંચનાથની સફૂરા નદી બે કાંઠે વહી
તાલુકા કક્ષાના કંટ્રોલરૂમ શરૂ - આ ઉપરાંત આકાશી વિજળીથી બચવા માટે ભારતના હવામાન વિભાગ દ્વારા તૈયાર કરાયેલ DAMINI એપ ડાઉનલોડ કરી આપના વિસ્તારમાં વિજળી પડવા શકયતાઓ અંગે અગાઉથી જાણકારી મળી રહેશે. ભારે વરસાદ,પુર, ચોમાસા દરમિયાન કોઇ અઘટીત બનાવ બને તો તાત્કાલીક મામલતદાર કચેરી, તાલુકા પંચાયત કચેરી અને શહેર વિસ્તાર માટે નગરપાલિકા કચેરી તથા કુતિયાણા તાલુકા કક્ષાના કંટ્રોલરૂમ ખાતે ફોન નં 02804-261226ઉપર તુરંત જાણ કરવા અનુરોધ કરાયો છે.