પંચમહાલઃ સમગ્ર વિશ્વમાં જેના કારણે હાહાકાર મચી રહ્યો છે. ત્યારે અનેક લોકોને તકલીફનો સામનો કરી રહ્યા છે. જેમાં ખાસ કરીને ડૉકટર્સ દ્વારા પણ લોકોને ઇમરજન્સી સિવાય હોસ્પિટલ ન જવું તેવી સૂચનાઓ આપવામાં આવી રહી છે. પરંતુ લોકડાઉનની સ્થિતિમાં એવા ઘણા લોકો છે કે જેમને થેલેસેમિયાની બીમારી છે.
તમને ખાસ લોહીની જરૂર પડતી હોય તેમજ ગર્ભવતી મહિલાઓને પણ પ્રસુતિ દરમિયાન લોહીની જરૂર પડતી હોય છે. ત્યારે આ લોકોડાઉનના સંજોગોમાં રાજ્યમાં આવેલી બ્લડ બેન્કોની સ્થિતિ બ્લડ ડોનેશન ઓછુ થવાને લઈને નાજુક બની છે, ત્યારે પંચમહાલ જિલ્લાના ગોધરા ખાતે આવેલા ઇન્ડિયન રેડ ક્રોસ સોસાયટી સંચાલિત બ્લડ બેંકમાં પણ બ્લડ યુનિટની હાલની માગ સામે ઓછા બ્લડ યુનિટનો જથ્થો છે.
આજે પંચમહાલ જિલ્લા ગોધરા ખાતે આવેલા બી એ પી એસ સ્વામિનારાયણ સંસ્થાના સંતો દ્વારા ગુજરાતમાં પ્રથમ કહી શકાય એવી અનોખું યોગદાન આપ્યું છે. હાલરકતદાનની અછત હોવાની જાણ BAPS સંસ્થાના સંતોને થતા તેમને તેમજ બીજા હરિભક્તોએ ભેગા મળી 20 યુનિટ જેટલું રક્તદાન ગોધરા ખાતે ચાલતી રેડ કોર્સ સોસાયટી સંચાલિત બ્લડ બેન્કમાં કર્યું હતું.
જેમાં સંસ્થા દ્વારા લોકડાઉનમાં રોજ 200 જેટલા ટિફિન ગામડાંના જરૂરિયાત લોકોને પહોંચાડવામાં આવે છે. તેમજ રોજે રોજ રાશન કીટનું વિતરણ પણ કરવામાં આવે છે. ખરે ખર આ ધાર્મિક સંસ્થા દ્વારા ધાર્મિક કામગીરી સિવાયની દેશ સેવાને સલામ છે. આ રકતદાન કેમ્પમાં ગોધરાના ધારાસભ્ય સી .કે રાઉલજી તેમજ ગોધરા પ્રાંત અધિકારી વિશાલ સકશેના હાજર રહી સંતોની કામગીરીને વંદન કરી હતી.
