પંચમહાલ જિલ્લાના કાલોલ તાલુકાના ડેરોલ રોડ પર કોટક મહેન્દ્રા બેન્કનું ATM આવેલુ છે. ગતરાત્રી દરમિયાન કોઈ અજાણ્યા 2 જેટલા શખ્શો દ્વારા બેન્કના ATMને તોડવાનો પ્રયત્ન કરવામાં આવ્યો હતો. જો કે તે 2 શખ્શોને તેમનો પ્રયાસમાં સફળતા મળી ન હતી.
કાલોલ ATMમાં ચોરીનો પ્રયાસ, ગણતરીની કલાકોમાં 2 આરોપી ઝડપાયા
જો કે, આ સમગ્ર ચોરીનો પ્રયાસ CCTV કેમેરામાં કેદ થઈ ગયો હતો. બીજા દિવસ સવારે બેન્કના મેનેજરને જાણ થતા આ બાબતે મેનેજર દ્વારા કાલોલ પોલીસને જાણ કરવામાં આવી હતી. બનાવની ગંભીરતાને લઈ પોલીસ દ્વારા CCTV કેમેરાની મદદ લઈ કાલોલમાં સઘન તપાસ હાથ ઘરવામાં આવી હતી. કાલોલના રસ્તા પર નાકાબંધી કરતા 2 યુવકો પર શંકા જતા તેમને રોકી વધુ પૂછપરછ કરતા, તેમણે પોતાનો ગુનો કબુલ્યો હતો. તેઓ જે મોટર સાયકલ પર જતા હતા તે વિશે પૂછતાં મોટર સાયકલ પણ ચોરીનું હોવાનું પોલીસ સૂત્રો પાસેથી જાણવા મળેલ હતું.
