- મોરબીમાં ધૂમ સ્ટાઈલથી બાઈક ચલાવવાનારા શખ્સોની ધરપકડ
- પોલીસે વીડિયો બનાવનારા 2 શખ્સની ધરપકડ
- અન્ય 15 શખ્સો વિરુદ્ધ પણ કરાઈ કાર્યવાહી
મોરબીઃ જિલ્લાના મુખ્ય માર્ગો પર ખુલ્લેઆમ બાઈક સ્ટંટ કરી પોલીસને ખુલ્લી ચેલેન્જ ફેકનારા શખ્સો સામે આખરે પોલીસે લાલ આંખ કરી છે અને બાઈક સ્ટંટ કરનારા 2 શખ્સની ધરપકડ કરી પોલીસે 4 મોટર સાયકલ જપ્ત કરી છે. આ સાથે જ પોલીસે 15 વાહનચાલકો વિરુદ્ધ ગુનો નોંધી તપાસ હાથ ધરી છે.
આ પણ વાંચોઃ મુંબઇ કાંદિવલીમાં એક યુવકનો સ્ટંટ કરતો વીડિયો વાઇરલ, પોલીસે કેસ દાખલ કર્યો
પોલીસે વીડિયો બનાવનારા 2 શખ્સની ધરપકડ કરી
મોરબીના મુખ્યમાર્ગો પર ધૂમ સ્ટાઈલથી બાઈક ચલાવી સ્ટંટ કરનારા યુવાનોનો વીડિયો સોશિયલ મીડિયામાં વાયરલ થયા બાદ SPની સૂચનાથી મોરબી સિટી એ-ડિવિઝન અને બી-ડિવિઝનના ટ્રાફિક પોલીસે આવા તત્વોને ઝડપી લેવા કાર્યવાહી હાથ ધરી હતી
આ પણ વાંચોઃ ભરૂચમાં 5 બાળકોને બેસાડી જીવલેણ સ્ટંટ કરતા બાઈક ચાલકનો વીડિયો વાયરલ
અન્ય 145 વિરુદ્ધ પણ કાર્યવાહી
આ વીડિયોમાં દેખાતા ધનરાજસિંહ શાંતુભા મકવાણા બાઈક GJ 11 BC 0071 અને અવેશ તૈયબ સામતાણી બાઈક GJ 36 H 0220 સાથે તેમજ નિયમોનો ભંગ કરતા અન્ય ચાર મોટર સાયકલ સાથે ઝડપી લેવાયા છે. આ સાથે જ IPC તેમજ એમ.વી એક્ટ મુજબ 15 વાહનચાલકો વિરુદ્ધ કાર્યવાહી કરવામાં આવી છે. તેમજ બાઈક સ્ટંટ કરનારા ઈસમો અંગે પોલીસને માહિતી આપવા અપીલ કરવામાં આવી છે.
