ગુજરાતના અનેક જિલ્લાઓમાં ચોમાસાની શરૂઆતની થઈ છે.મહિસાગર જિલ્લાના કેટલાક તાલુકામાં મૂશળધાર તેમજ ધીમીધારે વરસાદ વરસ્યો છે.મહિસાગર જિલ્લાના વીરપુરમાં 49 મીમી, લુણાવાડામાં 29 મીમી, બાલાસિનોરમાં 12 મીમી સંતરામપુરમાં 28 મીમી, કડાણામાં 20 મીમી અને ખાનપુર તાલુકામાં 17 મીમી વરસાદ નોંધાયો છે.
મહિસાગર પંથકમાં સાર્વત્રિક વરસાદ
સમગ્ર જિલ્લામાં વરસાદ વરસતા વાતાવરણમાં ઠંડક પ્રસરતા જિલ્લાવાસીઓને અસહ્ય ગરમી અને ઉકળાટમાંથી રાહત મળી છે. સમગ્ર જિલ્લામાં અત્યાર સુધી સૌથી વધુ વરસાદ વીરપુર તાલુકામાં 83 મીમી, બાલાસિનોરમાં 72 મીમી, જયારે સૌથી ઓછો વરસાદ ખાનપુર તાલુકામાં 42 મીમી નોંધાયો છે. બાલાસિનોરમાં વરસાદ સારો પડતા ખેડૂતોએ વાવણીની શરૂઆત કરી હતી.
