કડાણાઃ ગુજરાત રાજ્યના મોટા જળાશયોમાં ત્રીજા નંબરે આવે છે મહિસાગરનો કડાણા ડેમ. આ ડેમ મહિસાગર સહિત રાજ્યના 8 જિલ્લાની 326597 એકર જમીનને 3 કેનાલ મારફતે સિંચાઈની સુવિધા પૂરી પાડે છે. આ સાથે કડાણા ડેમ હાઈડ્રોપાવર પ્રોજેકટમાં છોડવામાં આવતા પાણીનો ઉપયોગ કરી જીએસઈસીએલ દ્વારા કરોડો રૂપિયાનું વીજ ઉત્પાદન કરી રહ્યું છે. આથી સરકારને આર્થિક રીતે મદદરૂપ થવા માટે પણ સાર્થક સાબિત થઈ રહ્યો છે.
કડાણા ડેમમાંથી ચાલુ વર્ષે ચોમાસાના સમય દરમિયાન કડાણા જળાશયમાં છોડવામાં આવેલા પાણીથી 10 ઓક્ટોબર સુધીમાં GESCL દ્વારા 1.91.830 મેગાવોટ અવર (યુનિટ) વીજ ઉત્પાદન કરી 35 જ દિવસમાં રૂપિયા 28 કરોડની કમાણી કરવામાં આવી છે.
