- કચ્છના દરિયાઈ વિસ્તારમાંથી પાકિસ્તાન મરીન સિક્યુરિટીનું જેકેટ મળી આવતા ચકચાર
- જખૌ નજીક આવેલા ખીદરત ટાપુ પાસેથી પાકિસ્તાન મરીન સિક્યોરિટીનું બુલેટપ્રુફ જેકેટ મળ્યું
- સ્ટેટ IB દ્વારા અપાઈ હતી બાતમી
- જખૌ મરીન પોલીસે પાક. સિક્યુરીનું જેકેટ કબ્જે કર્યું
કચ્છ: જિલ્લામાં અબડાસાના જખૌ દરિયાઈ પટ્ટીમાં અવારનવાર ચરસના પેકેટો મળી આવે છે. જ્યારે આ વખતે ખીદરત ટાપુ પાસેથી ભારતીય એજન્સીને પાકિસ્તાન મરીન સિક્યોરિટી (Pakistan Marine Security) નું બુલેટપ્રુફ જેકેટ મળી આવ્યું છે. આ બુલેટપ્રુફ જેકેટ (Bulletproof jacket) મળવાની આ પ્રથમ ઘટના બની છે. જેની જાણકારી સ્ટેટ IB દ્વારા સ્થાનિક તંત્રને આપવામાં આવી હતી. આ જેકેટ જખૌ મરીન પોલીસે કબ્જે કરી સ્થળ પર પંચનામું કરી આગળની તપાસ હાથ ધરી છે.
આ પણ વાંચો: Kutch Border: BSFના જવાનોએ પેટ્રોલિંગ દરમિયાન પાકિસ્તાની નાગરિકને ઝડપ્યો
તમામ સુરક્ષા એજન્સીઓ વધુ સતર્ક બની
નોંધનીય છે કે, અત્યારસુધી આ દિરયાઈ પટ્ટીના વિસ્તારમાંથી માત્ર ચરસ જ મળી આવતા હતા. હવે આ પાકિસ્તાની બુલેટપ્રુફ જેકેટ (Bulletproof jacket) મળતાની સાથે ઉચ્ચ અધિકારીઓ હરકતમાં આવ્યા છે અને સુરક્ષા એજન્સીઓ વધુ સતર્ક બની છે.
