ઉત્તરપ્રદેશના વારાણસીમાં આવેલી બનાસડેરી સંચાલિત મિલ્ક કલેકશનના પ્રગતિશીલ દૂધ ઉત્પાદકો બનાસકાંઠાની મુલાકાતે

• ઉત્તર પ્રદેશના વારાણસી મિલ્ક કલેકશન સેન્ટરો પશુપાલકો બનાસકાંઠાની મુલાકાતે
• બનાસ મેડિકલ કોલેજ મોરિયા ખાતે પ્રગતિશીલ દૂધ ઉત્પાદક વિકાસ કાર્યક્રમને ખુલ્લો મુક્યો
• પશુપાલકો 5 દિવસ દરિમયાન બનાસડેરીના વિવિધ પ્લાન્ટની મુલાકાત કરશે
• બનાસકાંઠા જિલ્લાના પશુપાલકો પણ કાર્યક્રમમાં હાજર

બનાસકાંઠા :ઉત્તરપ્રદેશના વારાણસી સ્થિત બનાસડેરી સંચાલિત મિલ્ક કલેકશનના 67 પ્રગતિશીલ દૂધ ઉત્પાદકોનું પ્રતિનિધિ મંડળ બનાસડેરીની મુલાકાતે આવ્યું છે. જે અંતર્ગત બનાસડેરીના ચેરમેન શંકરભાઈ ચૌધરી આજે બનાસ મેડિકલ કોલેજ મોરિયા ખાતે પ્રગતિશીલ દૂધ ઉત્પાદક વિકાસ કાર્યક્રમ ને ખુલ્લો મુક્યો હતો. બનાસ ડેરીએ દૂધના વ્યવસાયની સાથે સાથે મધ, ગોબરગેસ, ટેઈક હોમ રાશન, ઓઇલ પ્લાન્ટસ જેવા વ્યવસાય શરૂ કરીને દૂધ ઉત્પાદકોને દૂધની સાથે અન્ય વ્યવસાયથી પણ વધારાની આવક પ્રાપ્ત થાય તે દિશામાં આગળ વધી રહી છે. જેના કારણે દૂધ ઉત્પાદકોને 11 કરોડ રૂપિયા જેટલો ભાવફેર આપવામાં સફળ રહી છે.

પશુપાલકો 5 દિવસ દરિમયાન બનાસડેરીના વિવિધ પ્લાન્ટની મુલાકાત લેશે

પશુપાલકો 5 દિવસ દરિમયાન બનાસડેરીના વિવિધ પ્લાન્ટની મુલાકાત કરશે

બનાસ ડેરીએ એશિયાની નંબર વન ડેરી માનવામાં આવે છે બનાસડેરી થકી વિવિધ પ્રોડક્ટ તૈયાર કરવામાં આવે છે. જેની વસ્તુઓ ભારત દેશ અને બહારના દેશોમાં પણ મોટી માંગ રહેતી હોય છે. છેલ્લા બે-ત્રણ વર્ષથી બનાસડેરીમાં નવા નવા પ્લાન્ટ શરૂ કરવામાં આવ્યા છે. જેથી હાલમાં બનાસકાંઠા જિલ્લાના પશુપાલકો અને ખેડૂતોને ડબલ આવક થઈ રહી છે.અહીં આવેલ પ્રતિનિધિ મંડળ 5 દિવસ દરમિયાન બનાસડેરીની સાથે સાથે વિવિધ પ્લાન્ટસ, આદર્શ પશુપાલન, પશુ સંવર્ધન સહિત પ્રગતિશીલ ખેડૂતોના ફાર્મની મુલાકત પણ કરશે અને બનાસડેરીના મોડેલનો અભ્યાસ કરી વડાપ્રધાન નરેન્દ્રભાઈ મોદીના 2022 સુધી ખેડૂતોની ડબલ આવક કરવાના સ્વપન ને સફળ બનાવવામાં પણ પશુપાલકો સહયોગ આપશે.બનાસકાંઠા જિલ્લાના પશુપાલકો પણ કાર્યક્રમમાં હાજર

બનાસકાંઠા જિલ્લાના પશુપાલકો પણ કાર્યક્રમમાં હાજર

બનાસકાંઠા જિલ્લોએ વર્ષોથી ખેતી અને પશુપાલન સાથે જોડાયેલો જિલ્લો છે. ખાસ કરીને હાલમાં બનાસકાંઠા જિલ્લોએ પશુપાલન ક્ષેત્રે દેશ અને વિદેશમાં જાણીતો બન્યો છે. બનાસકાંઠાની મહિલાઓ પશુઓનું દૂધ ભરાવવામાં સમગ્ર ભારતમાં પ્રથમ નંબર મેળવ્યો હતો. બનાસ ડેરીએ બનાસકાંઠા જિલ્લાના પશુપાલકોને સારી એવી આવક આપતા હાલ દિવસેને દિવસે પશુપાલન ક્ષેત્રે બનાસકાંઠા જિલ્લો આગળ વધી રહ્યું છે. જેને લઇ બનાસડેરી દ્વારા બનાસકાંઠા જિલ્લામાં અલગ અલગ જગ્યાએ બનાસડેરી સંચાલિત નવા પ્લાન્ટો શરૂ કરવામાં આવ્યા છે.

બનાસડેરીના ચેરમેન શંકરભાઇ ચૌધરીની આગેવાની હેઠળ કાર્યક્રમ યોજાયો

આ પ્લાન્ટથી બનાસકાંઠા જિલ્લાના ખેડૂતો અને પશુપાલકોને ખેતી અને પશુપાલકમાં ડબલ આવક મળી રહી છે. ત્યારે ઉત્તરપ્રદેશના 67 પશુપાલકો આજે બનાસકાંઠા જિલ્લાની મુલાકાતે આવી પહોચ્યા હતા. જ્યા બનાસડેરીના ચેરમેન શંકરભાઇ ચૌધરીની આગેવાની હેઠળ કાર્યક્રમ યોજાયો હતો. જેમાં બનાસકાંઠા જિલ્લાના પણ પ્રગતિશીલ પશુપાલકો હાજર રહ્યા હતા અને આજે પશુપાલન ક્ષેત્રે બનાસકાંઠા જિલ્લો કેવી રીતે આગળ આવ્યો તેની ઉત્તર પ્રદેશથી આવેલા પશુપાલકોને માહિતી આપી હતી.