નવી દિલ્હીઃ ઈન્ડિયન પ્રીમિયર લીગ ટૂર્નામેન્ટની 16મી સિઝન 31 માર્ચ 2023થી શરૂ થવા જઈ રહી છે. કેપ્ટનશિપને લઈને દિલ્હી કેપિટલ્સ સામે ઘણી મુશ્કેલી હતી. જો કે હવે આ સમસ્યાનો ઉકેલ આવી ગયો છે. ફ્રેન્ચાઇઝીએ આ ટૂર્નામેન્ટ માટે પોતાના નવા કેપ્ટનની જાહેરાત કરી છે.
વોર્નરના હાથમાં દિલ્હી કેપિટલ્સની કમાન: રિષભ પંતનો કાર અકસ્માત થતાં હાલ સારવાર હેઠળ છે. પંતને સંપૂર્ણ સ્વસ્થ થવામાં હજુ સમય લાગશે. જેના કારણે ટીમ તેના કેપ્ટનની શોધમાં હતી. પંતની ગેરહાજરીને કારણે દિલ્હી કેપિટલ્સે આ નિર્ણય લીધો છે. ઓસ્ટ્રેલિયાના બેટ્સમેન ડેવિડ વોર્નર હવે દિલ્હી કેપિટલ્સની કમાન સંભાળશે. આ સાથે ટીમ ઈન્ડિયાનો ઓલરાઉન્ડર અક્ષર પટેલને વાઇસ કેપ્ટનની જવાબદારી સોંપી છે.
આ પણ વાંચો: ISSF World Cup 2023: શૂટિંગમાં ભારતે ચોથો ગોલ્ડ જીત્યો, ઐશ્વર્યા પ્રતાપ સિંહે મેડલ જીત્યો
દિલ્હી કેપિટલ્સના પ્રદર્શન પર નજર: રિષભ પંતના ટીમમાં ન હોવાને કારણે દિલ્હી કેપિટલ્સના માલિકે આ નિર્ણય લીધો છે. IPL 2022માં ટીમ ભારતની કપ્તાની રિષભ પંતે સંભાળી હતી. તે સમય દરમિયાન દિલ્હી કેપિટલ્સે 5માં નંબરે રહીને ટૂર્નામેન્ટ સમાપ્ત કરી હતી. જેમાં દિલ્હી કેપિટલ્સે 14 મેચમાંથી લગભગ 7 મેચ જીતી. આ સિવાય 7 મેચ હારી હતી. હવે ઓસ્ટ્રેલિયાના બેટ્સમેન ડેવિડ વોર્નરની કપ્તાનીમાં IPL 2023માં દિલ્હી કેપિટલ્સનું પ્રદર્શન કેવું રહેશે. તમામની નજર આના પર ટકેલી છે. ઓસ્ટ્રેલિયાનો ક્રિકેટર ડેવિડ વોર્નર ઘણા લાંબા સમયથી IPLમાં રમી રહ્યો છે. આવી સ્થિતિમાં અનુમાન લગાવવામાં આવી રહ્યું છે કે ડેવિડની કેપ્ટનશિપમાં ટીમ વધુ સારું પ્રદર્શન કરશે.
આ પણ વાંચો: IND Vs AUS : ગૌતમ ગંભીરે રોહિત શર્માને આપી ચેતવણી, જાણો કેમ યાદ કરાવી લક્ષ્મણ-દ્રવિડની ભાગીદારી
18 વખત પ્લેયર ઓફ ધ મેચ: ઓસ્ટ્રેલિયાના બેટ્સમેન ડેવિડ વોર્નરે 2009માં આઈપીએલમાં ડેબ્યૂ કર્યું હતું. તેણે તેની IPL કરિયરમાં અત્યાર સુધી કુલ 162 મેચ રમી છે. તેણે 42.01ની એવરેજથી 5881 રન બનાવ્યા છે. વોર્નર 13 વર્ષની IPL કારકિર્દીમાં 18 વખત પ્લેયર ઓફ ધ મેચ તરીકે ચૂંટાયો છે. વર્ષ 2022માં વોર્નરે દિલ્હી કેપિટલ્સ માટે 12 મેચોમાં 48.00ની સરેરાશથી 432 રન બનાવ્યા હતા.
