લંડન : ઇંગ્લેન્ડના વિકેટકીપર અને બેટ્સમેન જોસ બટલરના ટી શર્ટની હરાજી કરવામાં આવી હતી. જેમાં એકઠી થયેલી રકમ તેને રાહત ફંડમાં ફાળવી હતી.
બટલરે આ ટીશર્ટ ગત વર્ષે લોર્ડસમાં ન્યૂઝીલેન્ડ સામે વર્લ્ડ કપના ફાઇનલમાં પહેરી હતી. આ મેચની સુપર ઓવરમાં ઇંગ્લેન્ડે રોમાંચક જીત મેળવી હતી.
આ મેચમાં જોસ બટલરે મહત્વની ભૂમીકા ભજવી હતી. તેઓએ ફાઇનલમાં અર્ઘશતક ઉપરાંત સુપર ઓવરના છેલ્લા બોલમાં માર્ટિન ગુપ્ટિલને રન આઉટ પણ કર્યો હતો.
બટલરે આ એકઠુ થયેલુ ભંડોળ હોસ્પિટલમાં આપ્યું છે. જણાવી દઇએ કે બટલરે આ ટીશર્ટ હરાજી માટે એક વેબસાઇટ પર રાખ્યું હતું. આ ટીશર્ટ પર વર્લ્ડ કપ વિજેતા ટીમના તમામ પ્લેયરની સાઇન છે.
જેની બોલી મંગળવારના રોજ બંધ કરવામાં આવી ત્યા સુધીમાં 82 બોલીઓ લાગી હતી, જેમાં વિજેતાને 65100 પાઉન્ડનું ચૂકવણુ કરવુ પડશે.
