મુંબઈ: આ વખતે કોરોના વાઇરસના કારણે, 'ઈન્ડિયન આઇડલ'માં જવા ઇચ્છતા લોકો ઘરેથી ઓડિશન આપી શકે છે. મ્યુઝિક રિયાલિટી શો 12મી સીઝન સાથે ટૂંક સમયમાં શરૂ થવાનોછે અને કોરોના કારણે આ વખતે ડિજિટલ ઓડિશનનું આયોજન કરવામાં આવ્યું છે.
- " class="align-text-top noRightClick twitterSection" data="
">
12 મી સીઝનના હોસ્ટ આદિત્ય નારાયણે કહ્યું કે, 'ઇન્ડિયન આઇડલ' સાથે જોડાઇ રહેવું હંમેશાં ખૂબ જ રોમાંચક રહ્યું છે, પરંતુ આ વખતે ટીમે મારો સંપર્ક કર્યો અને પ્રોમો માટે ગાવાની ઓફર કરી હતી. "પ્રોમો રેકોર્ડ કરવો તે ખરેખર સારૂ કામ હતું. હું પોતાને ખૂબ જ ભાગ્યશાળી માનું છું કે, હું ભારતના સૌથી પ્રખ્યાત મ્યુઝિક રિયાલિટી શો માટે ગાઇ રહ્યો છું."
તેણે કહ્યું, "પ્રેક્ષકોએ જે પ્રોમોને પ્રતિસાદ આાપ્યો છે જે પ્રેમ આપ્યો છે તેનાથી હું ખૂબ જ ખુશ છું... હું બધી ઉભરતી પ્રતિભાઓને 'ઇન્ડિયન આઇડલ 12' માં ભાગ લેવા માટે આમંત્રણ આપું છું. જે લોકો આ શોમાં ઓડિશન આપવા ઇચ્છે છે તેમણે પોતાનો એક વીડિયો રેકોર્ડ કરીને 25 જુલાઈ સુધીમાં સોની લાઇવ પર અપલોડ કરવાનો રહેશે. જ્યારે સમગ્ર દેશમાં કોરોનાનો ભય છે ત્યારે લોકો આ સમય દરમિયાન ઘરે બેઠા, 'ઇન્ડિયન આઇડલ' માટે ઓડિશન આપી શકે છે."
