હૈદરાબાદ: બોલિવુડ અભનેત્રી પરિણીતી ચોપરા અને આમ આદમી પાર્ટીના નેતા રાઘવ ચઢ્ઢા હવે જીવનભર એક થઈ ગયા છે. આ દંપતિએ તારીખ 24 સપ્ટેમ્બરે ઉદયપુરના લીલા પેલેસમાં પરિવારના સભ્યો, નજીકના મિત્રો અને ખાસ મહેમાનોની હાજરીમાં લગ્ન કરી લીધા છે. તારીખ 25 સપ્ટેમ્બરના રોજ લગ્નની પ્રથમ તસવીર શેર કરીને ચાહકોને ખુશ કરી દીધા છે. આ તસવીર જોઈ ચાહકો ઉપરાંત ફિલ્મ ઉદ્યોગના કલાકારો અભિનંદન પાઠવી રહ્યા છે.
સેલેબ્સે પરિણીતી-રાઘવને પાઠવી શુભેચ્છાઓ: પરિણીતી ચોપરા દ્વારા શેર કરવામાં આવેલી તસવીર ચાહકોનો પ્રેમ લૂંટી રહી છે. હવે આ સુંદર કપલને ફેન્સ અને સેલેબ્સ તરફથી લગ્નની શુભેચ્છાઓ મળી રહી છે. અભિનેત્રી અનુષ્કા શર્મા, કેટરિના કેફ, આલિયા ભટ્ટ, કિયારા અડવાણી અને કરીના કપૂર સહીત ઘણી અભિનેત્રીઓએ પરિણીતીને શુભેચ્છા પાઠવી છે. આ ઉપરાંત વિકી કૌશલ અને ફેશન ડિઝાઈનર મનિષ મલ્હોત્રા સહીત ઘણા બોલિવુડ કલાકરો નવપરણિત કપલને અભિનંદન પાઠવી રહ્યા છે.
લગ્નની ક્લબમાં કર્યું સ્વાગત: અનુષ્કા શર્માએ પરિણીતી ચોપરા અને રાઘવ ચઢ્ઢાને લગ્નની શુભેચ્છા પાઠવીને લખ્યું છે કે, ''આ સુંદર યુગલને તેમના લગ્ન પર અભિનંદન. તમારા જીવનમાં સુખ અને શાંતિ રહે.'' આલિયા ભટ્ટે લખ્યું છે કે, ''લગ્નની ક્લબમાં તમારું સ્વાગત છે અને લગ્ન માટે અભિનંદન.'' કિયારા અડવાણીએ લખ્યું છે કે, ''વિવાહિત ક્લબમાં આપનું સ્વાગત છે. આ ખાસ દિવસ માટે ખૂબ ખૂબ અભિનંદન અને જીવનભર સુખની શુભેચ્છાઓ.''
કેટરીનાએ પાઠવી શુભેચ્છા: કપલને અભિનંદન આપતા કેટરીના કેફે લખ્યું છે કે, તમને બંનેને લગ્ન માટે ખૂબ ખૂબ અભિનંદન. તમે હંમેશા ખુશ રહો પરિણીતી ચોપરા અને રાઘવ ચઢ્ઢા. પરિણીતી અને રાઘવને શુભેચ્છા પાઠવતા અભિનેતા વિકી કૌશલે લખ્યું છે કે, પરિણીતી અને રાઘવને તેમના લગ્ન માટે ખૂબ ખૂબ અભિનંદન ખુશ રહો. આ દરમિયાન મનિષ મલ્હોત્રાએ પણ નવપરણિત દંપતિને શુભકામના પાઠવી હતી.
- Ragneeti Wedding Pics: પરિણીતી ચોપરા-રાઘવ ચઢ્ઢાના લગ્નની તસવીરો આવી સામે, સેલેબ્સ-ચાહકોએ પાઠવ્યા અભિનંદન
- Priyanka Ragneeti Wedding: પરિણીતી-રાઘવના લગ્નમાં શા માટે ન આવી દેશી ગર્લ, મધુ ચોપરાએ કર્યો ખુલાસો
- Ragneeti Wedding Reception: લગ્ન બાદ પરિણીતી રાઘવના રિસેપ્શનની આવી તસવીર, મનીષ મલ્હોત્રા સાનિયા મિર્ઝાએ પાર્ટીને ચમકાવી
